ပတ်ဝန်းကျင်ကသူတွေကို အလွယ်တကူမပြောပြသင့်တဲ့အကြောင်းအရာတွေရှိပါတယ်။ သင့်ရဲ့ဝင်ငွေအကြောင်းအရာနှင့်ပမာဏကို မသေချာသေးသ၍ ပတ်ဝန်းကျင်ကိုမပြောပြသင့်ပါဘူး။ အကြောင်းကတော့ ဒီလိုအရာတွေဟာမသေချာသေးဘဲ ပြောမိရင်သေချာပေါက်ပြဿနာတက်လာစေနိုင်တာကြောင့်ဖြစ်ပါတယ်။ 


ချစ်သူရည်းစားဆက်ဆံရေးတွေကိုလည်း မသေချာသေးရင်မပြောသင့်ပါဘူး။များသောအားဖြင့် မကောင်းသတင်းတွေဟာကိုယ့်ဘေးပတ်ဝန်းကျင်ကနေပဲ ထွက်လေ့ရှိတာကြောင့် ဒီလိုအတွင်းရေးအကြောင်းအရာတွေကိုသေချာတာမျိုးမရှိဘဲ မပြောပြသင့်ပါဘူး။ အစီအစဥ်ဆွဲထားတာတွေ မျှော်လင့်ထားတာတွေအပြင် သင့်ဘဝအတွက်သတ်မှတ်ထားတဲ့ အကြောင်းအရာတွေကိုလည်း အလွယ်တကူမမျှဝေသင့်ပါဘူး။


ပျော်ရွှင်မှုနှင့်အောင်မြင်မှု တို့ဟာလူတိုင်းလိုချင်တဲ့အရာတွေဖြစ်တာကြောင့် မသေချာသေးတဲ့အချိန်မှာမျှဝေလိုက်ရင် နှောင့်ယှက်မှုတွေ တားဆီးမှုတွေကြုံတွေ့လာနိုင်ပါတယ်။  ဒီလိုမပြောပြသင့်ဘူးဆိုတာ သူငယ်ချင်းတွေကြားမှာထိမ်ချန်ထားတာမျိုးလုပ်တာမဟုတ်ဘဲ မသေချာသေးတဲ့အချိန်မှာ ကြွားပြောတာမျိုးမလုပ်စေချင်တာဖြစ်ပါတယ်။