အသားအရေ ထိန်းသိမ်းတဲ့ပစ္စည်းအများစုကို ရေခဲသေတ္တာထဲမှာထည့်ပြီးထိန်းသိမ်းသင့်တယ်လို့ လူအများစုကထင်ကြပါတယ်။ အမှန်တော့ ကိုယ်ဝယ်ယူလာတဲ့ Skincare ပစ္စည်းမှာ အဲ့လိုသိမ်းထားဖို့ညွှန်ကြားချက်မပါရင် သာမာန်အပူချိန်မှာပဲထိန်းသိမ်းလို့ရပါတယ်။ Skincare အများစုဟာ ဓာတ်ခွဲခန်းတွေထဲမှာ အပူချိန်အမျိုးမျိုးနှင့် စမ်းသပ်ပြီးမှ ထုတ်လုပ်ထားတာကြောင့် ရေခဲသေတ္တာထဲ အထူးတလည်ထည့်သိမ်းပေးထားဖို့မလိုအပ်ပါဘူး။



ဒါပေမဲ့ ရေခဲသေတ္တာထဲထည့်ထားတဲ့ Skin Care ပစ္စည်းတွေဟာ အေးပြီးတော့ လိမ်းတဲ့အခါမှာစိုစွတ်ပြီးအေးမြတဲ့ခံစားချက်ကိုရစေပါတယ်။ ပြီးတော့ မျက်လုံးကပ်တဲ့ Pad လေးတွေကို အအေးခံပြီးကပ်ပေးတာက မျက်လုံးအောက်ဖောင်းနေတာကို အနည်းအကျဥ်းသက်သာစေပါတယ်။ နီရဲယားယံနေတဲ့အသားအရေကိုလည်း အအေးခံထားတဲ့ Skincare တွေက အတိုင်းအတာတစ်ခုအထိ သာမာန် Skincare တွေထက်ပိုပြီးသက်သာစေပါတယ်။



ပြီးတော့ အပူချိန်ရွေးတဲ့ Victamin C Serum တွေကိုတော့ ရေခဲသေတ္တာထဲမှာသိမ်းထားမယ်ဆိုရင် သာမာန်ထက်ပိုပြီး သုံးစွဲနိုင်တဲ့သက်တမ်းကိုကြာစေပါတယ်။ ဒီလိုသိမ်းထားတဲ့နေရာမှာလည်း ရေခဲသေတ္တာထဲမှာ တောက်လျှောက်ထားထားတာမဟုတ်ဘဲ သုံးခါနီးတစ်နာရီအလို နာရီဝက်အလိုမှထားတာက ပိုပြီးအကျိုးရှိစေပါတယ်။