Lotayamm

အမျိုးသားများအတွက် ၂၀၁၉ ခုနှစ်မှာ ရွေးချယ်သင့်တဲ့ ဆံပင်အရောင်များ
myanmaplatform.com
|
2019-01-07



၂၀၁၉ ခုနှစ်အတွင်းမှာ လူငယ်တွေအကြားရေပန်းစားပြီး ယောက်ျားလေးအများစု ကြိုက်နှစ်သက်ကြမယ့် ဆံပင်အရောင်များကို ဖော်ပြပေးချင်ပါတယ်။ ဆံပင်တိုရင်ဘယ်လိုအရောင်နဲ့ လိုက်ဖက်မှုရှိမလဲ၊ ဆံပင်ရှည်ရင် ဘယ်လိုအရောင်နဲ့ လိုက်ဖက်မှုရှိလဲ၊ လူငယ်တွေအတွက်ရော ဘယ်လ်ိုအရောင်က သင့်တော်မှုရှိမလဲ ဆိုတာတွေကို အခုပဲဖော်ပြပေးလိုက်ပါတယ်။


(၁) တည်ငြိမ်တဲ့အညိုရောင်ဆံပင်ကာလာ


------------------------------







ဆံပင်ရှည်တဲ့သူတွေနဲ့ တကယ့်ကိုလိုက်ဖက်မှု ရှိမယ့် အရောင်ပါပဲ။ စမတ်ကျပြီးတော့ မိန်းကလေးအများစု ကြိုက်နှစ်သက်ကြတဲ့ အရောင်ဖြစ်တာမို့လို့ နှုတ်ခမ်းနီမလေးတွေ ဆွဲဆောင်မှုရှိနေမှာ အမှန်ပါပဲ။ အညိုရောင်က ဘယ်တော့မှ မရိုးနိုင်တဲ့ ဆံပင်ကာလာထဲမှာ ပါဝင်တဲ့အတွက် လူကြိုက်များကြပါတယ်။


(၂) အညိုရင့်ရောင်


------------------







သက်လတ်ပိုင်းအရွယ်တွေနဲ့ gentleman ဆန်တဲ့ အမျိုးသားများအတွက် လိုက်ဖက်မှု ရှိစေမယ့် အရောင်ပါပဲ။ ဆံပင်ဖြူထွက်လာလို့ စိတ်ညစ်မနေပါနဲ့။ အညိုရင့်ရောင်ကို ဆိုးပြီး ဖုံးအုပ်နိုင်ပါတယ်။ လူငယ်တွေအတွက်သာမက အသက်အရွယ်မရွေး သင့်တော်မှု ရှိတဲ့ အရောင်ဖြစ်တာမို့လို့ အညိုရင့်ရောင်ကလည်း ရွေးချယ်သင့်တဲ့ အရောင်ထဲမှာ ပါဝင်ပါတယ်။


(၃) လူငယ်ဆန်ဆန် ကာလာပေါင်းစပ်မှု


-----------------------------







လွတ်လပ်ပေါ့ပါးတဲ့ စတိုင်နဲ့ လူငယ်ဆန်ဆန်ပုံစံကို သဘောကျတယ်ဆိုရင်တော့ ကာလာပေါင်းစပ်မှုက အထာကျလွန်းပါတယ်။ ဟိုက်လိုက်ဖောက်တာမျိုးလည်း မဟုတ်ဘဲနဲ့ ဆံပင်အပေါ်ယံလွှာကို တောက်ပတဲ့အရောင် ဆိုးလိုက်တာမျိုးပါ။ နဂိုဆံပင်အနက်ရောင် ပေါ်မှာကိုမှ ခရမ်းဖျော့ရောင်၊ အနီရောင်၊ ကြေးနီရောင် စတဲ့အရောင်ကို ဆံသားအပေါ်လွှာမှာ ဆိုးလိုက်ပါ။ ဒါဆိုရင် ဆံသားပျက်စီးမှုကလည်း ထင်သလောက်မပျက်စီးတော့ဘဲ မလိုချင်တော့တဲ့အခါမှာဆိုရင် ညှပ်ထုတ်လိုက်ရုံပါပဲ။


(၄) တောက်တောက်ပြောင်ပြောင်အမည်းရောင်


-----------------------------------







အရောင်ကာလမျိုးစုံကို မဆိုးချင်ဘူး၊ လူအများကြား ကွဲထွက်နေတာမျိုးကို မလိုချင်ဘူးဆိုရင်တော့ တောက်ပြောင်တဲ့ အမည်းရောင်ကို ဆိုးလိုက်ပါ။ ဆံပင်အမည်းရောင်က ဆွဲဆောင်မှု မရှိဘူးလို့ မထင်လိုက်ပါနဲ့နော်။ ဆံပင်ဘေးဘက်ကို အပြောင်ရိတ်လိုက်ပြီး၊ အလယ်ကဆံပင်တွေကို အမည်းရောင် ဆိုးလိုက်ရင် တကယ့်ကို အထာကျပြီး လူငယ်ဆန်ပါတယ်။


(၅) Gentleman ဆန်တဲ့ ရွှေအိုရောင်ဆံပင်ကာလာ


-------------------------------------







သက်လတ်ပိုင်းအရွယ် ဖြစ်တာမို့လို့ ဆံပင်အရောင်ဆိုးလိုက်ရင် ကလေးဆန်သွားမယ် လို့မထင်လိုက်ပါနဲ့နော်။ ရွှေအိုရောင်ဆံပင်ကာလာက သက်လတ်ပိုင်းအရွယ်တွေ အတွက် လိုက်ဖက်မှုရှိတဲ့ အရောင်ပါ။ တောက်ပလွန်းတဲ့ အရောင်မျိုး မဟုတ်တဲ့အတွက် လူအများကြားမှာ ကွဲထွက်နေတာမျိုးလည်း မဖြစ်တော့ပါဘူး။ ဆံပင်တိုတဲ့သူတွေအနေနဲ့ ရွှေအိုရောင်ဆံပင်ကို ဆိုးမယ်ဆိုရင် Gentleman ဆန်ဆန်နဲ့ ကြည့်ကောင်းနေမှာပါ။





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..