မျက်လုံးတစ်ဝိုက်က အလှကိုပျက်စေတဲ့ Dark Circles တွေက ဖုံးမရ ဖိမရနဲ့ တကယ်စိတ်ညစ်စရာပါ။ ဒီလို စိတ်ပျက်စရာ Dark Circles တွေကို ဖယ်ရှားဖို့က ဈေးကွက်ထဲမှာ ပစ္စည်းအမျိုးမျိုးရှိပေမယ့် သဘာဝပစ္စည်းကိုမှသုံးချင်သူတွေအတွက် နည်းတချို့ကို ဝေမျှပေးချင်ပါတယ်။

လက်ဖက်ခြောက်အိတ်မှာပါတဲ့ ကဖင်းဓာတ်က သွေးကြောတွေကို ကျဉ်းစေပြီး အမဲစက်တွေကိုပျောက်စေတာမလို့ လက်ဖက်ခြောက်အိတ်ကို မျက်လုံးပေါ်မှာ ထားပေးတာက မျက်ကွင်းညိုတာတွေကို လျော့ချပေးနိုင်တဲ့ နည်းလမ်းကောင်းတစ်ခုပါ။


အာလူးမှာ သဘာဝအတိုင်း အရောင်ချွတ်နိုင်တဲ့ ဂုဏ်သတ္တိရှိတာကြောင့် အာလူးကို မျက်လုံးပေါ် ကပ်ပေးတာက မျက်လုံးအောက်က Dark Circles တွေကို လျော့ပါးစေပါတယ်။


သဘာဝ Moisturizer လည်းဖြစ်သလို Cleanser လည်းဖြစ်တဲ့ နို့ကိုအအေးခံပြီး လိမ်းပေးရင် နို့မှာပါတဲ့ လက်တစ်အက်ဆစ်ကြောင့် မျက်လုံးတစ်ဝိုက် ရောင်ရမ်းတာနဲ့ အမဲစက်တွေကို လျှော့ချပေးနိုင်ပါတယ်။


မျက်ကွင်းညိုတာကို လျော့ချဖို့ နောက်ထပ်နည်းလမ်းကောင်းက Rose Water ပါ။ လိမ်းလိုက်ရင် အေးမြမှုကိုပေးတဲ့ Rose Water က မျက်ကွင်းညိုတာကိုဖြစ်စေတဲ့ ပင်ပန်းနွမ်းနယ်မှုအားလုံးကို သက်သာစေပါတယ်။


Antioxidants နဲ့ ဗီတာမင် C ကြွယ်ဝပြီး သဘာဝအတိုင်း အရောင်ချွတ်ဆေးတွေပါတဲ့ ခရမ်းချဉ်သီးကို ပုံမှန်ကပ်ပေးရင်လည်း မျက်လုံးအောက်က Dark Circles တွေကို ဖယ်ရှားပေးနိုင်ပါတယ်။