မေးနှစ်ထပ်ဖြစ်လို့ စိတ်ညစ်နေပြီလား။ ဒါလေးတွေ လုပ်ကြည့်ပါ  ။ 
hellosayarwon.com
|
2019-03-05

  V- shaped လိုမျိုး သွယ်လျ အချိုးကျတဲ့

မျက်နှာ လေးတစ်ခု ပိုင်ဆိုင်ချင်ကြတာ တို့မိန်းကလေးတိုင်းပါ။ ခက်တာက လောကကြီးမှာ လိုတာမရ ရတာမလိုဖြစ်နေတာတွေကများတော့ လိုချင်တာက သွယ်လျတဲ့မျက်နှာ ဖြစ်နေတာက

မေးနှစ်ထပ် နဲ့ တွဲတွဲကြီးဖြစ်နေတော့ မှန်ထဲ ကြည့်လိုက်တိုင်း စိတ်ညစ်ကြတယ်လေ။ ခုလို ပျိုမေတို့ စိတ်ညစ်နေရတဲ့ မေးနှစ်ထပ်ပြဿနာကိုအိမ်တွင်းဆေးနည်းလေးတွေနဲ့ သက်သာအောင် လုပ်လို့ရနေပြီဆိုတာ သိပါသလား။ မသိလိုက်ဘူး မဖြစ်ရလေအောင် ခုပဲ ဒီဆောင်းပါးလေးကို ဖတ်ကြည့်ကြနော်။  ။

မေးနှစ်ထပ်ကိုအပြတ် တိုက်ထုတ်မယ့်အိမ်တွင်းဆေးနည်းလေးများ ။ ။


ကြက်ဥအကာ ။ ။


ကြက်ဥအနှစ် မပါဘဲအကာချည်းသက်သက်ကို

ပျားရည်

သံပရာရည် ၊ နို့ စားပွဲတင်ဇွန်း တစ်ဇွန်းဆီနဲ့ ရောခေါက်ပြီး မေးစိနားတစ်ဝိုက်ကိုသုတ်လိမ်းပေးပါ။
မိနစ် ၃၀ ကြာအောင် ထားပြီး ရေပြန်ဆေးချပါ။
တစ်နေ့တစ်ကြိမ်လုပ်ပေးပါ။ ြ

ကက်ဥ အကာရဲ့အသားအရေ တင်းရင်းမှုအစွမ်းကြောင့် တွဲကျနေတဲ့ သင့်မေးနှစ်ထပ် ပျောက်သွားပါလိမ့်မယ်။

လက်ဖက်စိမ်း လက်ဖက်ရည် ။ ။

လက်ဖက်စိမ်း( green tea ) လက်ဖက်ခြောက်ကို ရေနွေးထဲ ထည့်ခတ်ပြီး ပျားရည်လေးရောပြီး ပူပူလေးသောက်ပေးပါ။ လက်ဖက်စိမ်းရဲ့

ကိုယ်အလေးချိန် ကျစေတဲ့အစွမ်းကြောင့် နှစ်ထပ်ဖြစ်နေတဲ့သင့် မေးကြီးလည်းအဝေးကို ထွက်ပြေးသွားပါလိမ့်မယ်။

သံလွင်ဆီ ။ ။
သံလွင်ဆီကိုအပူလေးပေးပြီး နှစ်ထပ်ဖြစ်နေတဲ့ မေးစေ့နေရာကို တစ်ညလုံး လိမ်းထား( ဒါမှမဟုတ် ) တစ်နာရီ ၂ နာရီလောက် လိမ်းထားပြီး ရေဆေးချပါ။
တစ်နေ့ တစ်ကြိမ်လောက် လုပ်ပေးပါ။ သံလွင်ဆီမှာပါတဲ့

ဗီတာမင် E ရဲ့

ဓာတ်တိုးဆန့်ကျင် အာနိသင်ကြောင့် သင့်အသားအရေ ထိခိုက်ပျက်စီးတာကို တားဆီးပေးမယ့်အပြင်အရေပြားအတွက် လိုအပ်တဲ့အစိုဓာတ်လည်း ရစေတာကြောင့်အသက်အရွယ်အရဖြစ်တဲ့အသားအရေလျော့တွဲလာခြင်းကိုအကောင်းဆုံး ကာကွယ်ပေးမှာပါ။

ပီကေဝါးပါ။
ကိုယ်ပေါ်ကအဆီတွေ ကျစေဖို့အတွက်  ကိုယ်လက်လှုပ်ရှားမှု လုပ်ရပါတယ်။ ဒါဆို နှစ်ထပ်ဖြစ်နေတဲ့ မေးစေ့ကအဆီတွေ ကျဖို့ဆိုရင်ရော ဘာလုပ်ရမလဲ ။ လွယ်ပါတယ် ။

ပီကေ ဝါးပါ။ ပီကေဝါးနေတဲ့အချိန်ဆို မေးစေ့ကလည်းအငြိမ်မနေရတဲ့အတွက် မေးကို နှစ်ထပ်ဖြစ်စေတဲ့အဆီတွေ လောင်ကျွမ်းသွားမှာပါ။

နှိပ်နယ်ပေးပါ။ ။
မေးစေ့နားတစ်ဝိုက်ကို

နှိပ်နယ် ပေးတာကြောင့်

သွေးလည်ပတ်မှု တွေ ကောင်းသွားပြီး မေးစေ့မှာ  စုနေတဲ့အဆီတွေ လောင်ကျွမ်းသွားမှာပါ။ လက်ချည်းပဲနှိပ်နှိပ်အဆီ တစ်မျိုးလိမ်းပြီးပဲ နှိပ်နှိပ်အဆင်ပြေပါတယ်။ ကဲ မေးနှစ်ထပ်ဖြစ်နေရင် စိတ်မညစ်နဲ့တော့နော် ။ ခုပြောထားတဲ့ နည်းလေးတွေ လိုက်လုပ်ကြည့်။ မှန်ထဲကြည့်လိုက်တာနဲ့ စိတ်ပြန်ချမ်းသာစေဖို့ တာဝန်ယူတယ်။ တစ်ခုပဲ။ စိတ်ရှည်ဖို့တော့ လိုတယ်နော်။   ။

Hello Health Group   သည် ဆေးပညာဆိုင်ရာအကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..