မျက်နှာအလှကို ပြုပြင်ပေးတဲ့ အဆီထိုးခြင်းနည်းပညာ

ဂုဏ်တွေထဲမှာ အရွယ်တင်နုပျိုခြင်းဆိုတဲ့ ဂုဏ်ကလည်း အမျိုးသမီးတိုင်းနီးပါး လိုချင်ကြမဲ့ဂုဏ်တစ်ခုဆိုတာကလည်း ငြင်းလို့ရမယ် မထင်ပါဘူးနော်။

နုပျိုအောင် anti aging skincare တွေသုံးကြတယ်၊ သန့်ရှင်းလတ်ဆတ်တဲ့ အစားအစာတွေ စားကြတယ်၊ နုပျိုမယ်ဆိုရင် ဘာပဲလုပ်ရလုပ်ရ လုပ်ကြတာပါပဲ။

ဟိုရက်က အမတစ်ယောက်နဲ့တွေ့တော့

– “ညီမလေးရယ်အမကလေ.. မျက်နှာလေးဖောင်းချင်တာ.. ပါးနှစ်ဖက်ကလဲ မညီတော့၊ နောက်မျက်တွင်းအောက်ကလဲ ညိုတာမဟုတ်ပဲ အသားမပြည့် အချိုင့်လိုက်နဲ့ ကိုယ့်ဘာကို confidence ကိုမရှိဘူး.. မှန်ကြည့်တိုင်း အိုဇာနေလို့စိတ်ညစ်တယ်”

– “ဟုတ်တယ်အမ.. အသက်ရွယ်ရလာတာနဲ့ လိမ်လို့မရတဲ့ ဇရာထဲမှ ာမျက်လုံးအောက်က အိုက်တွဲလာတာတွေ၊ အရေးအကြောင်းနဲ့ ငယ်ငယ်တုန်းကလို ပါးမို့မို့လေး မရှိတော့တာတွေက ထိပ်ဆုံးကပဲအမရေ..


ဘယ်လောက်ပဲ ကောင်းလှပါတယ်ဆိုတဲ့ skincare တွေသုံးသုံး ဒီလိုမျက်လုံးတို့ပါးတို့က volume
လျော့လာတာတွေကိုတော့ ပျောက်အောင် မပံ့ပိုးပေးနိုင်ဘူးလေနော်

ဒါပေမဲ့ အနာသိဆေးရှိလေနော်..

ခုအလှပရေးရာဆေးခန်းတွေမှ ာဒီလိုပြဿနာတွေအတွက် ဖြေရှင်းပေးနေတဲ့ နောက်ဆုံးပေါ် နည်းလမ်းရှိတယ်အမ..

အဲ့ဒါကတော့ အဆီထိုးခြင်းနည်းပညာတဲ့”

– “အဆီထိုးတာ???..”

– “ဟုတ်တယ်..အဆီထိုးခြင်း (lipo injection)၊ အဆီအစားထိုးထည့်ခြင်း ( lipo grafting၊lipo transfer) ၊ အဆီဖြင့်မျက်နှာတင်းရင်းစေခြင်း ( fat lifting ) စသည်ဖြင့်အမျိုးမျိုးခေါ်ကြတယ်အမ

အဆီထိုးခြင်းဆိုတာပြင်ပကအဆီတွေမဟုတ်ဘူး.. ကိုယ့်ခန္ဓာကိုယ်မှာ ပိုလျှံနေတဲ့ခါး၊ တင်ပါး အဲ့လိုနေရာတွေက အဆီတွေကို liposuction လို့ခေါ်တဲ့ နည်းပညာနဲ့ စုပ်ထုပ်ပြီး မျက်နှာမှာ volume လိုနေတဲ့နေရာတွေကို ထိုးပေးတာအမ..”

-“ဟယ် အဲ့လိုထိုးတော့ အန္တရာယ်မရှိဘူးလား ညီမလေးရဲ့??”

– “ကိုယ့်ခန္ဓာကိုယ်ထဲက ပစ္စည်းပဲကို.. တခြား foreign body တွေထက် အများကြီး စိတ်ချရတာပေါ့။ နောက်သူက ခဏခဏထပ်လုပ်စရာမလိုပဲ long lasting ဖြစ်တယ်လေ”

– “ခွဲခန်းတွေ ဘာတွေ ဝင်ရမှာလား?? အမက ဓားအရမ်းကြောက်တာနော်..”

– “minor procedure ပဲမို့ ဓားအပ်ကြောက်တဲ့သူတွေအတွက် ပိုအဆင်ပြေတာလေ.. ခဏခဏလဲလုပ်စရာမလို တစ်ကြိမ်ထဲနဲ့လည်း ပြီးတယ်.. အစားရှောင်ရတာ၊ အလုပ်အကိုင်ပျက်တာမျိုးလဲမရှိဘူးလေ..”

– “လုပ်ပြီးပြီးချင်းရော သိသာလား??”

– “တခြား procedure တွေလို လုပ်ပြီးပြီးခြင်းမှာ အရမ်းတင်းရင်းနေတာ၊ result ရဖို့ အချိန်စောင့်ရတာမျိုးမရှိဘူးတော့ ပြောတယ်အမ.. လုပ်ပြီးတာနဲ့ သဘာဝကျကျနုနယ်တဲ့ result ကိုတန်းပြီးရစေတယ်တဲ့”

-“ကျေးဇူးပါ ညီမလေးရေ.. အမတို့လို သဘာဝနည်းနဲ့ ပြင်လို့မရတဲ့ အလှပအတွက် အခက်ခဲကြုံနေတဲ့သူတွေအတွက် ဒီလိုနည်းလမ်းတွေရှိတာ အရမ်းအဆင်ပြေတာပဲ..”

ကဲဒါဆို foreign body တွေ၊ ဓာတုပစ္စည်းတွေ ကိုယ့်မျက်နှာမှာအဝင်မခံနိုင်လို့ အလှအပအတွက် ပြုပြင်ထိန်းသိမ်းတဲ့ procedure တွေလဲလုပ်ချင်တယ်။ လုပ်လဲမလုပ်ရဲတဲ့ သူတွေအတွက် ဒီ fat transfer နည်းပညာက အရမ်းအဆင်ပြေစေမှာဖြစ်လို့ လက်တို့လိုက်ရပါတယ်နော်..

Scarlette (ဆေး၁)





Liposuction ဆိုတာ ??

Gym ကစား၊ diet လုပ်နေပေမဲ့ ဘယ်လိုဆော့ဆော့ ဘယ်လိုအစားရှောင်ရှောင်မရတဲ့ အမတစ်ယောက်က စိတ်ပျက်လက်ပျက်နဲ့ ဟိုတစ်လောကရောက်လာတယ် ..

“ညီမလေးရယ် အမတော့ ဒီတစ်သက် မပိန်တော့ဘူး ထင်ပါတယ်ဟယ်.. အရမ်းစိတ်ညစ်နေပြီ..”

“အမရယ် ဇွဲရှိမှပေါ့..”

“မဟုတ်ဘူးဟဲ့.. အမမှာဖြစ်နေတဲ့ အဆီနေရာတွေက ဆော့လို့လဲမကျတော့တဲ့ နေရာတွေ၊ မြန်မာဝတ်စုံတွေဝတ်ရင် အထစ်ထစ်နဲ့ အရမ်းရုပ်ဆိုးတာ..”

ဟုတ်ပါတယ်..

အကြောင်းအမျိုးမျိုးကြောင့် အဆီထူနေတယ် အဆီချရခက်နေတယ်ဆိုတဲ့ သူတွေအတွက် liposuction လို့ခေါ်တဲ့ အဆီစုပ်ထုတ်ခြင်း နည်းပညာအကြောင်းလေး ဝေမျှပေးချင်ပါတယ်။

အလှပအတွက် အဖက်ဖက်က တိုးတက်လာတဲ့အချိန်မှာ ကျန်းမာရေးရှုထောင့်အရရော အကျိုးရှိတဲ့အဆီစုပ်ထုတ်ခြင်း နည်းပညာက ခေတ်စားလာခဲ့ပါတယ်။

အမျိုးသမီးတွေ ပုံမှန်ဝိတ်ချတယ်အစားနဲ့ လျှော့တယ်၊ လေ့ကျင့်ခန်းလုပ်တယ်။ ဒါပေမဲ့ ဘယ်လိုလျှော့လျှော့ အဆီမကျတဲ့ နေရာတွေရှိပါတယ်။ များသောအားဖြင့်ကတော့ လက်မောင်း၊ ဘော်လီဝတ်ရင် လက်မောင်းနဲ့ ရင်သားကြားမှာ ကျောအနောက်မှာ ထွက်နေတတ်တဲ့ အဆီစု၊ လိမ္မော်ခွံလို အထစ်ထစ်ဖြစ်နေတတ်တဲ့ ပေါင်က cellulite လို့ခေါ်တဲ့ အဆီခဲပြင်၊ ဝမ်းဗိုက် ချက်အောက်ပိုင်း၊ ခြေသလုံးအဆီ၊ ဂုတ်သားနဲ့ လည်ပင်းအဆီတို့ပဲ ဖြစ်ပါတယ်။ ဒီနေရာတွေ ဘယ်လိုချချမကျလို့ စိတ်ညစ်နေရတဲ့သူတွေ စစ်တမ်းကောက်ကြည့်တဲ့အခါမှာ လူ ၁၀၀ မှာ အယောက် ၈၇ ယောက်ရှိပါတယ်တဲ့။

“ဟိုတစ်လောက အမမဂ္ဂဇင်းတစ်ခုထဲမှာ ဖတ်လိုက်ရတယ်.. အဆီစုပ်ထုပ်လို့ ရတယ်ဆို.. အဲ့ဒါဘာလဲဟင်?? ကြားတော့ကြားဖူးနေတယ်.. ဒါပေမဲ့သေချာမသိလို့..”

“ဟုတ်တာပေါ့.. အဆီစုပ်ထုပ်ခြင်းဆိုတဲ့ နည်းပညာကို ညီမတောင် ဟိုနေ့ကပဲ သေချာလေ့လာထားတာ.. ပြောပြမယ်နော်..

– ဝလာတယ် အဆီစုလာတာနဲ့အမျှ အဆီဆဲလ်အရေတွက်နဲ့ အရွယ်စားကကြီးလာတယ်..

– ဗိုက်အောက်ပိုင်း၊ ချိုင်းနဲ့ bra bulge လို့ခေါ်တဲ့ အမျိုးသမီးတွေ ဘော်လီဝတ်ရင် အပေါ်မှာထွက်နေတတ်တဲ့ အဆီစုတွေက တစ်ခါရံမှာ ဘယ်လိုကစားကစား မကျတော့ဘူး.. ရုပ်ဆိုးတာပေါ့လေ..

– အဲ့လိုမလိုလားအပ်တဲ့ အဆီတွေစုပ်ထုပ်ဖို့အတွက် စုပ်ထုပ်မဲ့ မျက်နှာပြင်မှာ ထုံဆေးသုံးပြီး cannula လို့ခေါ်တဲ့ လိပ်ပြာအပ်လေးကို အရေပြားကနေတစ်ဆင့် အဆီပြင်ထဲထိုးထည့်ပြီး အဆီစုပ်မဲ့ စက်ကလေးနဲ့ စုပ်ထုပ်လိုက်တာ..

– စုပ်ထုပ်တဲ့ နေရာမှာလည်း

Tumescent liposuction

Ultrasound assisted liposuction

Power assisted liposuction

Laser assisted liposuction

ဆိုပြီး စက်တွေပေါ်မူတည်ပြီးရှိသေးတယ်.. ဒါကတော့ကိုယ်သွားမဲ့ clinic ကဘယ်နည်းပညာသုံးမှာလဲ ကိုယ်ကရော ဘယ်ဟာကို ပိုကြိုက်လဲဆိုတာ ကိုယ့်ရွေးချယ်မှုပေါ့..

– ဒီဟာလေးက အသေးစား ( minor procedure) ပဲဖြစ်လို့ အမာရွတ်ကျန်ခဲ့မှာ နောက်ဆက်တွဲဆိုးကျိုးတွေဖြစ်မှာ စိတ်ပူဖို့ မလိုဘူးအမရဲ့

– ဒီ procedure လေးလုပ်မဲ့သူက medically & physically fit ဖြစ်ရပါမယ်။ သွေးကြဲဆေး မှီဝဲနေရတဲ့သူတွေနဲ့ သွေးမတိတ်တဲ့ရောဂါ၊ keloid လို့ခေါ်တဲ့ အသားတက်တတ်တဲ့သူတွေက ဒီလုပ်ငန်းစဉ်မလုပ်ခင်မှာ ဆောင်ရွက်ပေးမဲ့ ဆရာဝန်နဲ့ သေချာဆွေးနွေးတိုင်ပင်ဖို့ လိုတယ်.. အမမှာက ဒါတွေမရှိတော့ လုပ်ဖို့ ပိုလွယ်တာပေါ့

– တခြားဘေးထွက်ဆိုးကျိုး ကြီးကြီးမားမားမရှိလို့ အဆီပိုတွေအတွက် စိတ်ညစ်နေရတဲ့သူတွေအတွက် ဒီ liposuction နည်းပညာလေးက ခုကမ္ဘာမှာ အရမ်းခေတ်စားနေတာတဲ့..”

“ကျေးဇူးတင်လိုက်တာ ညီမလေးရယ်.. အမျိုးသားရော လုပ်လို့ရလား?? ”

“ရတာပေါ့ ကျားမမရွေးလှချင်ရင် လုပ်လို့ရတယ်”

“တကယ်ကျေးဇူးတင်တယ် ညီမလေးရယ်ကျ ားကျားပါ တူတူလုပ်ဖို့ စွဲဆောင်လိုက်ဦးမယ်..”

ကဲ.. အဆီပိုတွေကို သဘာဝနည်းလမ်းနဲ့ ချရခက်လို့ စိတ်ညစ်နေတဲ့သူတွေအတွက် ဒီလိုနည်းလမ်းလေးတွေ ရှိသေးတယ်ဆိုတာ သတင်းကောင်းပါးလိုက်ရပါတယ်နော်

Scarlette (ဆေး၁)