မြင်းတွေဟာ အလွန်အသုံးဝင်တဲ့ အိမ်မွေးတိရိစ္ဆာန်တွေဖြစ်ခဲ့သလို ယခုလည်းအသုံးဝင်နေဆဲဖြစ်ပါတယ်။ ခက်ခဲတဲ့တောင်ပေါ်လမ်းတွေမှာ‌ သယ်ယူပို့ဆောင်ရေးအတွက် မြင်းတွေကို အသုံးပြုကြပါတယ်။ ရှေးအခါက စစ်ပွဲတွေမှာ မရှိမဖြစ်လိုအပ်တဲ့ စစ်လက်နက်တစ်ခုအဖြစ်လည်း အသုံးပြုကြပါတယ်။ ခေတ်မီစက်ပစ္စည်းတွေမရှိခင်က ဝေးလံတဲ့ခရီး‌မှာ မြင်းကိုအသုံးပြုပြီးသွားလာကြပါတယ်။ 


ဒီလိုအသုံးဝင်တဲ့မြင်းတွေထဲကမှာ သရော့ဘရက်လို့ခေါ်တဲ့မြင်းတွေကို ကမ္ဘာ့အမြန်ဆုံးမြင်းတွေအဖြစ် သတ်မှတ်ထားပါတယ်။ သူတို့က မြင့်တယ်၊ ခန္ဓာကိုယ်သေးသွယ်ပြီးတော့ အမြန်ဆုံးအပြေးသမားတွေဖြစ်ပါတယ်။ တစ်နာရီကို မိုင် ၄၀ မှ ၄၅ အတွင်းပြေးနိုင်ပါတယ်။ သူတို့ကို မြင်းပြိုင်ပွဲတွေမှာလည်း အသုံးပြုကြပြီး အလှခုန်ခြင်းနှင့် အမဲလိုက်ခြင်းတွေမှာ ထူးချွန်တဲ့မြင်းတွေဖြစ်ပါတယ်။ 



သမိုင်းတစ်လျှောက် မြင်းပြိုင်ပွဲတွေမှာလည်း ဒီမြင်းတွေကသာ အကောင်းဆုံးစံချိန်နဲ့ အနိုင်ရရှိထားတာပါ။ အမြန်ဆုံးစံချိန်တင်ထားသူ Winning Brew လို့ခေါ်တဲ့ သရော့ဘရက်မြင်းဟာ Grantville မှာ ကျင်းပတဲ့ Penn အမျိုးသားမြင်းပြိုင်ပွဲမှာ တစ်နာရီကို ၄၄ မိုင်နှုန်းနဲ့ပြေးပြပြီး အမြန်ဆုံးမှတ်တမ်းကို ရယူနိုင်ခဲ့ပါတယ်။ အဲ့မြင်းမတိုင်ခင်ကလည်း သရော့ဘရက်မြင်းတွေက မြင်းပြိုင်ပွဲတွေမှာ အမြန်ဆုံးစံချိန်တွေ ရယူထားပါသေးတယ်။ 


သရောဘရက်မြင်းတွေအပြင် နောက်ထပ်ဘယ်လိုမြင်းတွေက အမြန်ဆုံးဖြစ်မယ်ထင်လဲ..။ ဘယ်လိုမြင်းတွေကို သ‌ဘောအကျဆုံးလဲ..။