အမေဇုန်မြစ်ကြီးဟာ ကမ္ဘာ့ဒုတိယအရှည်ဆုံးမြစ်ဖြစ်တဲ့အပြင် အကျယ်အဝန်းအားဖြင့်ဆိုရင်တော့ အကြီးမားဆုံးနှင့် ရေထုထည်အများဆုံးမြစ်ကြီးဖြစ်ပါတယ်။ ဒါ့အပြင် အမေဇုန်မြစ်ဟာ နိုင်ငံပေါင်းများစွာကိုဖြတ်သန်းစီးဆင်းတဲ့မြစ်ဖြစ်ပြီးတော့ ကမ္ဘာပေါ်ကမျိုးစိတ်တွေအများဆုံးရှင်သန်နေထိုင်ကြတဲ့ တောအုပ်ကြီးတစ်ခုကိုလည်းပိုင်ဆိုင်ထားတာဖြစ်ပါတယ်။



အမေဇုန်ဆိုတာ ဂရိနတ်ဘုရားတစ်ယောက်ရဲ့နာမည်ကနေယူထားတာဖြစ်ပြီးတော့ မြစ်ရဲ့သက်တမ်းဟာနှစ်ပေါင်း (၁၁) မီလီယံတောင်ရှိခဲ့ပြီဖြစ်ပါတယ်။ ပြီးတော့ ဒီမြစ်ကြီးဟာရှေးနှစ်ပေါင်းများစွာတုန်းက ပုံမှန်မြစ်ရေစီးကြောင်းကို ဆန့်ကျင်ပြီး ပြောင်းပြန်စီးဆင်းခဲ့ဖူးပါတယ်။ ပညာရှင်တွေရဲ့လေ့လာချက်အရ ဒါဟာမြစ်ရေတိုက်စားမှုနှင့် ပတ်ဝန်းကျင်ပြောင်းလဲမှုကြောင့်ဖြစ်ခဲ့တာဖြစ်နိုင်တယ်လို့ သိရပါတယ်။ 



ဒီမြစ်ကြီးဟာ ကမ္ဘာမှာရှားပါးနေပြီဖြစ်တဲ့ တိရစ္ဆာန်တွေအများကြီးနေထိုင်နေကြတဲ့နေရာဖြစ်သလို ရှားပါးတဲ့ ပန်းရောင်လင်းပိုင်တွေရဲ့တစ်နေရာတည်းသောနေရာလည်းဖြစ်ပါတယ်။ မိုင်လေးထောင်ကျော်ရှည်လျားတဲ့ မြစ်ကြီးတစ်လျှောက်မှာတံတားတစ်စင်းတောင်မရှိခြင်းကလည်း ထူးခြားချက်တွေထဲကတစ်ခုပဲဖြစ်ပါတယ်။