မြန်မာနာမည်နှင့် သံကွင်းစွပ်မြွေလို့ခေါ်ကြတဲ့ Hydrophis schistosus မြွေတွေဟာ အဆိပ်အပြင်းဆုံးလို့သတ်မှတ်နိုင်တဲ့မြွေတွေဖြစ်ပါတယ်။ မြွေမျိုးစိတ်အားလုံးထဲမှာသာမက ကုန်းမြေနှင့်ရေမြွေတွေအကုန်လုံးမှာ သံကွင်းစွပ်ရဲ့အဆိပ်ဟာအတော်လေးပြင်းထန်တယ်လို့ယူဆနိုင်ပါတယ်။ သူ့ရဲ့အဆိပ်ဟာ လူအယောက်ငါးဆယ်လောက်ကိုသေသွားစေနိုင်တဲ့ပမာဏအထိရှိပါတယ်။


အဆိပ် ၁.၅ မီလီဂရမ်ဟာလူတစ်ယောက်ကိုသေဖို့အထိ လုံလောက်တဲ့ပမာဏဖြစ်ပေမဲ့ သံကွင်းစွပ်မြွေတွေဟာ သူတို့ကိုက်လိုက်ရင် အဆိပ်ပမာဏ ၇ မီလီဂရမ်အထိထည့်သွင်းကိုက်တတ်ကြပါတယ်။ ဒီလိုအဆိပ်ပြင်းတဲ့ကောင်တွေဟာ အင်ဒို ပစိဖိတ်ပင်လယ်တွေမှာကျက်စားတဲ့ကောင်တွေဖြစ်ပြီးတော့ အရှေ့အလယ်ပိုင်းနိုင်ငံတွေကအစ အရှေ့တောင်အာရှနိုင်ငံတော်တော်များများမှာပါတွေ့နိုင်တဲ့မြွေတွေဖြစ်ပါတယ်။


ဒီမြွေတွေဟာ ရေမြွေတွေဖြစ်တာကြောင့် ကုန်းပေါ်မှာလည်းနေနိုင်သလို ရေထဲမှာလည်း ငါးနာရီကျော်အထိငုပ်ပြီးနေထိုင်နိုင်ကြပါတယ်။ နေ့ရောညပါလှုပ်ရှားတတ်ကြတဲ့အပြင် ရေအောက် ၁၀၀မီတာလောက်အထိသွားနိုင်ကြပါတယ်။ ငါးကိုအဓိကအစားအစာအနေနှင့်စားကြတဲ့ ဒီမြွေတွေဟာ ရေမြွေကိုက်ခံရမှုငါးဆယ်ရာခိုင်နှုန်းကိုဖြစ်စေတဲ့မျိုးစိတ်လည်းဖြစ်တာကြောင့် လူတွေအနေနှင့်သေချာရှောင်ဖို့လိုအပ်ပါတယ်။