အဖြူရောင်ပွင့်ဖတ်တွေနှင့် အဝါရောင်ပန်းအုံတွေပါဝင်တဲ့ ဒီဒေစီတွေဟာသူတို့ရဲ့ဖြူစင်တဲ့အသွင်အပြင်ကြောင့်လူကြိုက်များတဲ့ဒေစီတစ်မျိုးဖြစ်ပါတယ်။ အမှန်တော့ Oxeye ဒေစီတွေဟာ ဒေစီမိသားစုဝင်ပန်းတွေမဟုတ်ဘဲ ဥရောပနှင့်အာရှတိုက်မျိုးရင်းပန်းပင်တွေဖြစ်ပါတယ်။ သူတို့ဟာ ပတ်ဝန်းကျင်နှင့်အခြေအနေကိုလိုက်လျောညီထွေနေနိုင်စွမ်းမြင့်မားတာကြောင့် ဘယ်နေရာမှာမဆိုရှင်သန်နိုင်ကြပါတယ်။ 


ဒါကြောင့်တစ်ချို့ဒေသတွေမှာဆိုရင် ဒီဒေစီတွေဟာကျုးကျော်မျိုးစိတ်တစ်ခုအဖြစ်သတ်မှတ်ခံရပါတယ်။ ဒီပန်းပွင့်တွေဟာ ပန်းဝတ်မှုန်များပြားတာကြောင့်ပျားနှင့်လိပ်ပြာလိုမျိုးဝတ်မှုန်ကူးတဲ့တိရိစ္ဆာန်တွေအများဆုံးသဘောကျကြတဲ့ ပန်းအမျိုးအစားဖြစ်ပါတယ်။ သူ့ရဲ့ပွင့်ဖတ်တွေကို လက်ဖက်ရည်လိုမျိုးသောက်ဖို့နေရာမှာအသုံးပြုကြပြီးတော့ တိုင်းရင်းဆေးပညာမှာလည်းအသုံးပြုကြပါတယ်။ 


ဒါ့အပြင်ဒီဒေစီရဲ့အရွက်တွေဟာ စားလို့ရပြီးတော့ ဆလတ်တွေမှာအသုံးပြုကြလေ့ရှိပါတယ်။ ခါးသက်တဲ့အရသာရှိတဲ့အရွက်တွေဟာကျန်းမာရေးအတွက်လည်းကောင်းမွန်တာကြောင့် ကျန်းမာရေးလိုက်စားသူတွေကြားမှာနာမည်ကြီးပါတယ်။ သူရဲ့အသွင်အပြင်နှင့်ပုံစံတွေကြောင့် Oxeye ဒေစီတွေဟာ ပန်းအလှဆင်တဲ့နေရာနှင့် ဥယျာဥ်ခြံစိုက်ပျိုးမှုတွေမှာနာမည်ကြီးကြပါတယ်။ ထိန်းသိမ်းရလွယ်ကူပြီးလှတာကြောင့် အလှပန်းအဖြစ်အတော်လေးအသုံးပြုကြတဲ့ပန်းဖြစ်ပါတယ်။