အတောင်ပံတစ်ဖက်ဆီကို ၇လက်မလောက်ရှိပြီးတော့ ကြီးမားတဲ့တောင်ပံတွေကိုပိုင်ဆိုင်ထားတဲ့ cecropia  ပိုးဖလံတွေဟာသူတို့အရွယ်အစားကြောင့်နာမည်ကြီးကြပါတယ်။ အနက်ရောင်ကိုယ်ထည်ပေါ်မှာ လိမ္မော်ရောင်နှင့်အဖြူရောင် အကွက်တွေရှိတဲ့ cecropia ပိုးဖလံတွေဟာ အရွယ်အစားကြောင့်အပြင် လှပတဲ့အသွင်အပြင်ကြောင့်လည်းနာမည်ကြီးကြပါတယ်။ ဒါ့အပြင် သူတို့ဟာမြောက်အမေရိကတိုက်ရဲ့အကြီးဆုံး ပိုးဖလံတွေလည်းဖြစ်ပါတယ်။


ဒီပိုးဖလံတွေဟာ ပိုးဖလံအဖြစ်ရက်သတ္တပတ်အနည်းငယ်ပဲရှင်သန်ကြလေ့ရှိပြီးတော့ သူတို့ရဲ့အဓိကတာဝန်ဟာ မိတ်လိုက်ပြီးဥဥခဲ့ဖို့ပဲဖြစ်ပါတယ်။ အရွက်တွေစားတဲ့ ပိုးတုံးလုံးကောင်ဘဝကနေ အရွယ်ရောက်ပိုးဖလံဖြစ်ပြီးနောက် သိပ်မကြာခင်မှာသေဆုံးသွားကြပါတယ်။ ဒီလိုပိုးဖလံတွေရဲ့ဘဝဖြစ်စဥ်ဟာ သဘာဝပတ်ဝန်းကျင်ရဲ့ဂေဟစနစ်ကို အများကြီးအကျိုးပြုနေတာဖြစ်ပါတယ်။ 


cecropia  ပိုးဖလံတွေဟာ နွေရာသီအဆုံးမှာပိုးတုံးလုံးကောင်ဘဝကိုအဆုံးသတ်ပြီးတော့ ပိုးအိမ်ထဲမှာစတင်ဝင်ရောက်ကြပါတယ်။ ဆောင်းဦးရောက်တဲ့အချိန် လှပကြီးမားတဲ့ cecropia  ပိုးဖလံဖြစ်လာပြီးတော့ ရက်အနည်းငယ်အကြာမှာ သေဆုံးသွားတာကြောင့် သူတို့ရဲ့ဘဝဖြစ်စဥ်ဟာလျင်မြန်လွန်းပါတယ်။ ဒါကြောင့် cecropia  ပိုးဖလံတွေဟာမရှားပါးပေမဲ့ လူတွေသိပ်ပြီးမတွေ့ရတတတ်တဲ့ ပိုးဖလံမျိုးစိတ်တစ်ခုဖြစ်ပါတယ်။