ဒီနေ့ဧပြီလ(၂၀)ရက်နေ့လေးကတော့ ပရိသတ်ရဲ့အချစ်တော်သံသာညီရဲ့ မွေးနေ့လေးပဲဖြစ်ပါတယ်။ သံသာညီကတော့ MRTV-4 ရဲ့ဇာတ်လမ်းတွဲမင်းသမီးတစ်လက်ဖြစ်တဲ့အပြင် သူပထမဆုံးပါဝင်သရုပ်ဆောင်ထားတဲ့ နွေလယ်ညရဲ့လမင်းဇာတ်လမ်းတွဲထဲက ဖူးဝေကာရိုက်တာလေးနဲ့ ပရိသတ်အချစ်ကိုသိမ်းပိုက်ခဲ့သူပါ။





ဖြူစင်ရိုးသားပြီး ချစ်ဖို့ကောင်းတဲ့မျက်နှာလေးနဲ့ ဖူးဝေကာရိုက်တာကို အံဝင်ဂွင်ကျဖြစ်အောင်သရုပ်ဆောင်နိုင်ခဲ့တာကြောင့်လည်း သံသာညီနဲ့ ဖူးဝေခွဲခြားမရအောင် ဖြစ်ခဲ့ရပါတယ်။ဇာတ်လမ်းတွဲပြီးကတည်းက ကြော်ငြာတွေနဲ့ ဆိုင်ဖွင့်ပွဲအခမ်းအနားတွေဆက်တိုက်တက်ရောက်နေရသူ ဖူးဝေလေးကတော့ အသက်ငယ်ငယ်ရွယ်ရွယ်နဲ့ အောင်မြင်မှုလမ်းကြောင်းပေါ် လျှောက်လှမ်းနေသူဆိုရင်လည်း မမှားပါဘူး။ မကြာခင်အချိန်အတွင်းမှာလည်း ရိုးသားဖြူစင်တဲ့ကာရိုက်တာလေးနဲ့ ပရိသတ်အချစ်ပိုခဲ့သူ သံသာညီကို ဆန့်ကျင်ဘက်ကာရိုက်နဲ့ထပ်မံမြင်တွေ့ရမယ့် သရဖူဇာတ်လမ်းတွဲကြီးနဲ့အတူ ပရိသတ်ရှေ့ကို ရောက်ရှိလာဦးမှာပါ။





ဒီနေ့သူ့ရဲ့မွေးနေ့လေးမှာတော့ ချစ်ရတဲ့ပရိသတ်တွေက ဆုမွန်ကောင်းတောင်းပေးခဲ့တဲ့အပြင် နွေလယ်ညရဲ့လမင်း ဇာတ်လမ်းတွဲထဲမှာ တွဲဖက်သရုပ်ဆောင်ခဲ့ပြီး အပြင်မှာလည်း သူငယ်ချင်းဖြစ်သူ နက်ရှိုင်းကိုကလည်း အမှတ်တရမွေးနေ့ဆုတောင်းပေးခဲ့ပါသေးတယ်။ ဖူးဝေလေးတစ်ယောက် အသက်(၁၉) နှစ်ပြည့်မွေးနေ့မှစ ရှေ့လျှောက်အနုပညာခရီးလမ်းမှာလည်း အောင်မြင်မှုတွေ ဆွတ်ခူးနိုင်ပါစေလို့ ဆယ်လီကမ္ဘာကနေ ဆုမွန်ကောင်းတောင်းပေးလိုက်ပါတယ်နော်။



Source – Than Thar Nyi
Rainbow- Cele Gabar