Collage_Fotor (5)

ပရိသတ်ကြီးရေ ဒီနေ့ ဇူလိုင်လ (၁၀)ရက်နေ့လေးကတော့ ပရိသတ်တွေရဲ့ အချစ်တော် သရုပ်ဆောင် မင်းသားချော သုတအောင်ရဲ့ မွေးနေ့ရက်မြတ်လေးပဲဖြစ်ပါတယ်။ဒီနှစ်ရဲ့ မွေးနေ့ရက်မြတ်လေးမှာတော့ပရိသတ်တွေရဲ့အချစ်တော် မင်းသားချောလေး သုတအောင်က အသက် (၂၇)နှစ်ပြည့်မြောက်သွားခဲ့တာပဲဖြစ်ပါတယ်။




သုတအောင်က ဒီနေ့မွေးနေ့ရက်လေးမှာ မွေးနေ့အလှူလေးအနေနဲ့ ရွှေပြည်သာမှာရှိတဲ့ အခြေခံလူတန်းစားတွေအတွက် အခြေခံစားသောက်ကုန်တွေဖြစ်တဲ့ ဆန်၊ ဆီ၊ ကြက်သွန်နီတို့ကို သွားရောက်လှူဒါန်းသွားမှာဖြစ်ပါတယ်။ သုတအောင်ရဲ့ပရိသတ်တွေကတော့ ဒီနေ့သုတအောင်ရဲ့ မွေးနေ့လေးအတွက်ကို မွေးနေ့ဆုမန်ကောင်းတွေတောင်းပေးထားကြပါသေးတယ်။




သုတအောင်လည်း ဒီနေ့မွေးနေ့လေးကနေစလို့ နောင်နှစ်ပေါင်းများစွာအနုပညာလောကမှာအောင်မြင်တဲ့ သူတစ်ယောက် အနေနဲ့ ရပ်တည်နိုင်ပြီး ပရိသတ်တွေရဲ့ အားပေးချစ်ခင်မှုတွေကို ပိုမိုရရှိပါစေလို့ CeleGabar ကနေ မွေးနေ့ဆုတောင်းပေးလိုက်ပါတယ်။ CeleGabar ပရိသတ်ကြီးတွေလည်း သုတအောင်ရဲ့ မွေးနေ့အတွက် မွေးနေ့ဆုတောင်းစကားလေးတွေပြောပေးခဲ့ကြပါဦး။



Chilli – CeleGabar
Source – Thu Ta Aung



tyron 3-tinified

နှုတ်ခမ်းနီမလေးတွေရဲ့အသည်းကျော်အမိုက်စားမင်းသားတစ်လက်ဖြစ်တဲ့ တိုင်ရွန်ကိုတော့ မကြာခဏဆိုသလို အမိုက်စားပုံရိပ်တွေနဲ့ တွေ့မြင်ရမှာပါ။ သူ့ရဲ့ပုံတွေထဲမှာဆိုရင်လည်း ခမ်မိုက်မိုက်ဆိုင်ကယ်တွေနဲ့ရိုက်ကူးလေ့ရှိတာကို အများဆုံး တွေ့မြင်ရမှာပါ။




ဆိုင်ကယ်ချစ်သူတစ်ယောက်ဖြစ်ပေမယ့်လည်း ရန်ကုန်မှာအနေများသူမို့ စိတ်ရှိတိုင်းဆိုင်ကယ်စီးခွင့်မရတဲ့တိုင်ရွန်ကတော့ မနေ့ညက သူအသစ်ဝယ်ထားတဲ့ဆိုင်ကယ်နဲ့အတူ ” Good night …..အိပ်မက်ထဲက မင်းက ခုတော့ဘေးနားရောက်လာပြီ တစိမ့်စိမ့်ကြည့်ပြီးအိပ်မပျော်တော့ဘူး” ဆိုပြီးရေးသားမျှဝေခဲ့တဲ့အပြင် ဒီနေ့မှာ ဆိုင်ကယ်ကိုအရမ်းချစ်ကြောင်း ဗွီဒီယိုလေးနဲ့ ဖော်ပြလာပါတယ်။




ဆိုင်ကယ်ချစ်သူပေမယ့် စီးစရာနေရာမရှိတဲ့တိုင်ရွန်ကတော့ အခန်းထဲမှာ အိမ်သာသွားလည်း စီးကြောင်း ဟာသအနေနဲ့ ရိုက်ကူးကာမျှဝေခဲ့တာပါ ။ ဆယ်လီကမ္ဘာပရိသတ်ကြီးထဲမှာရော တိုင်ရွန်လို ဆိုင်ကယ်ချစ်သူတွေရှိလား မှတ်ချက်ပေးခဲ့ပါဦးနော်။


Source – Tyron Bejay
Rainbow- Cele Gabar



kyaw htet aung-tinified

ကျော်ထက်အောင်ကတော့ မြန်မာအိုင်ဒေါ Host တစ်ယောက်အဖြစ်ကနေ ပရိသတ်အားပေးတဲ့သရုပ်ဆောင်တစ်ယောက်အဖြစ် အောင်မြင်မှုလမ်းကြောင်းပေါ်အဆင့်ဆင့်လျှောက်လှမ်းလာသူတစ်ယောက်ပါ။ ရုပ်ရှင်ဇာတ်ကားကြီးတွေ အများကြီးရိုက်ကူးနေရတဲ့အပြင် ကိုယ့်ကိုယ်ကိုယ် ထက်မြက်ဖို့ အမြဲကြိုးစားနေသူတစ်ယောက်ဆိုရင်လည်း မမှားပါဘူး။




စံပြအနုပညာရှင်တစ်ယောက်အဖြစ် ပရိသတ်အားပေးချစ်ခင်နေရတဲ့ကျော်ထက်အောင်ကတော့ ဒီနေ့မှာ Australia’s Got Talent ကဗွီဒီယိုလေးတစ်ခုနဲ့အတူ အိမ်တွင်းအကြမ်းဖက်မှုတွေကို အပြင်းအထန်ရှုတ်ချကြောင်း မျှဝေလာခဲ့ပါတယ်။ “ကျွန်တော်တို့ နိုင်ငံမှာလည်း ဒီအရေးတွေကြုံနေရတဲ့အမျိုးသမီးထု ရှိပါတယ် ……ဒါကို အိမ်တွင်းရေးပဲ ဆိုပြီးအရေးတယူမရှိတတ်ကြပါဘူး…… ချစ်လို့ပဲယူထားထား …. ပေးစားလို့ပဲယူထားထား….. အိမ်ထောင်သည်တွေမှမဟုတ်ပါဘူး….တခြားသောသူတွေကိုလည်း လုပ်မိနေတတ်ပါတယ်“အိမ်တွင်းအကြမ်းဖက်” (Domestic Violence) ဆိုတာ ယုတ်ညံ့တဲ့လုပ်ရပ်တစ်ခုပါ…….လူသားချင်းတန်ဖိုးထား ချစ်ခင်တတ်ပါစေ” ဆိုပြီး ရေးသားမျှဝေခဲ့ပါတယ်။




ဒီဗွီဒီယိုလေးထဲမှာတော့ အိမ်တွင်းအကြမ်းဖက်ခံနေရတဲ့အမျိုးသမီးတွေအတွက် Somewhere only we know ဆိုတဲ့သီချင်းလေးကို အမျိုးသမီးတွေအများကြီးနဲ့ ကြက်သီးထစရာကောင်းလောက်အောင် သီဆိုထားတာပါ။ အိမ်တွင်းအကြမ်းဖက်မှုဒဏ်ကို ခံစားနေရတဲ့အမျိုးသမီးတွေ ကမ္ဘာအနှံ့အပြားမှာရှိနေတာဖြစ်ပြီး ဒီအမျိုးသမီးတွေရဲ့ သနားစရာအဖြစ်ကို ကိုယ်ချင်းစာတဲ့ ကျော်ထက်အောင်ကတော့ အိမ်တွင်းအကြမ်းဖက်မှုဆိုတာ ယုတ်ညံ့တဲ့လုပ်ရပ်တစ်ခုပါဆိုပြီး မျှဝေခဲ့တာပဲ ဖြစ်ပါတယ် ပရိသတ်ကြီးရေ…


Source – Kyaw Htet Aung
Rainbow- Cele Gabar