ပရိသတ်ကြီးရေ .. သရုပ်ဆောင် ထွန်းကိုကိုကတော့ ပရဟိတအလုပ်နဲ့ အနုပညာကို တွဲလုပ်နေတဲ့အနုပညာရှင်တစ်ယောက်ဖြစ်ပြီး ဦးကျော်သူ နာရေးကူညီမှုအသင်းမှာလည်း vlounteer တစ်ယောက်အဖြစ် ကူညီဆောင်ရွက်ပေးနေတာပဲဖြစ်ပါတယ် ။ သီးသန့်မီးသတ်တပ်ဖွဲ့၊ အရေးပေါ်ကယ်ဆယ်ရေး၊ ထွန်းကိုကိုနဲ့ ထွန်းကိုကို ချစ်ကြသူများနဲ့လဲ အလှူငွေလေးတွေကောက် ခံပြီး တစ်လတစ်ကြိမ် တကယ်လိုအပ်တဲ့နေရာတွေမှာ အလှူလေးတွေလုပ်တဲ့ အနုပညာရှင်တစ်ယောက် လည်းဖြစ်ပါတယ် ။





လတ်တလောမှာတော့ နာရေးကူညီမှုအသင်းရဲ့ ဥက္ကဌတစ်ယောက်ဖြစ်တဲ့ ဦးကျော်သူက Covid Positive နဲ့ ဝေဘာဂီဆေးရုံကြီးမှာ Q ဝင်နေရတယ်လို့သိရှိရပါတယ် ။ သရုပ်ဆောင် ထွန်းကိုကိုကလည်း ဦးကျော်သူအတွက် လိုအပ်တာတွေကို ကူညီစောင့်ရှောက် ဂရုစိုက်ပေးနေခဲ့တာပါ ။ ဦးကျော်သူက ယနေ့ ရဲဘော်ရဲဘက်ကြီး ကိုထွန်းကိုကိုကကျွန်တော့်အားဆီးချိုသွေးချိုစစ်ရန် ကူညီဆောင်ရွက်ပေးကာ ၊ ဆရာဝန်များကလည်း ကိုထွန်းကိုကိုအားလာရောက်၍ Swab testing လာရောက်ပြုလုပ်ပြီဖြစ်သည်။ ကံကောင်းပါစေ …. ရဲဘော်ထွန်းကိုကို။ ဆိုတဲ့စာသားလေးကို လူမှုကွန်ရက်စာမျက်နှာထက်မှာရေးသားဖော်ပြခဲ့ပါတယ် ။





ပရိသတ်တွေကတော့ ဦးကျော်သူကို အမြန်ဆုံးနေကောင်းကျန်းမာစေဖို့နဲ့ ထွန်းကိုကိုတစ်ယောက် ရောဂါကင်းရှင်းပြီး Positive မထွက်ဖို့အတွက် ဆုမွန်ကောင်းတွေ တောင်းပေးခဲ့ကြပါတယ် ။ ဦးကျော်သူနဲ့ ထွန်းကိုကို တို့နှစ်ယောက်လုံး ဒီရောဂါဆိုးကြီးကို အမြန်ဆုံး ကျော်ဖြတ်နိုင်ကြပါစေလို့ ဆုမွန်ကောင်းတောင်းပေးကြပါဦး ပရိသတ်ကြီးရေ ..။


Source : Kyaw Thu
Emily (Cele Gabar)





သရုပ်ဆောင်ညီနန္ဒကတော့ COVID-19 ကြောင့် အနုပညာအလုပ်တွေ ရပ်နားထားတဲ့ အချိန်မှာ “ကိုနန္ဒ”လို့ အမည်ပေးထားတဲ့ ထောပတ် ထမင်းကို အွန်လိုင်းကနေတဆင့် ရောင်းချနေတာ ပရိသတ်တွေလည်းသိပြီးဖြစ်မှာပါ ။ အနုပညာသက်တမ်း အနှစ် ၂၀ ကျော် ခဲ့ပြီဖြစ်ပြီး ရုပ်ရှင်ဇာတ်ကားကြီးတွေနဲ့ ရုပ်သံ ဇာတ်လမ်းတွဲပေါင်းများစွာမှာပါဝင်သရုပ်ဆောင်ခဲ့ပါတယ် ။ သမီးလေးတစ်ယောက်နဲ့အတူ သာယာပျော်ရွှင်ဖွယ်မိသားစုလေး ကို ပိုင်ဆိုင်ထားတဲ့ အနုပညာရှင်တစ်ယောက်ဆိုလည်းမမှားပါဘူး ။





အရင်က လောင်းကစားတွေကြောင့် ချစ်ရတဲ့ ဇနီးနဲ့ကွာရှင်းမလိုတွေဖြစ်ခဲ့ပေမယ့် ခုချိန်မှာတော့ စီးပွားရေးတွေလုပ်ပြီး ဇနီးဖြစ်သူကို စိတ်ချမ်းသာအောင် ထားနိုင်ခဲ့ပါပြီ ။ လတ်တလောမှာတော့ ထက်ထက်မိုးဦး live ကိုကြည့်ပြီး အားကျနေတဲ့ ဇနီးဖြစ်သူကို ဝယ်ပေးနိုင်အောင် ကြိုးစားနေပါတယ် မိန်းမရေ ၅နှစ်ပဲစောင့်… ဆိုတဲ့စာသားလေးနဲ့ လူမှုကွန်ရက်စာမျက်နှာကနေတဆင့် ရေးသားဖော်ပြခဲ့ပါတယ် ။





မနက်ဖြန် ထောပတ်ထမင်း ရောင်းရအုံးမယ် မိန်းမရေ… ဆက်မကြည့်နဲ့တော့နော်. လို့လည်း အရွှန်းဖောက်ပြီးရေးသားထားပါသေးတယ် ။ ပရိသတ်တွေကတော့ သူတို့ဇနီးမောင်နှံရဲ့ ချစ်စဖွယ် ပုံစံလေးကို အရမ်းကိုသဘောကျနေကြတာပါ ။ ညီနန္ဒရဲ့ ချစ်ပရိသတ်တွေကလည်း ထောပတ်ထမင်းတွေ အများကြီးရောင်းရပြီး ရုပ်ရှင်ဇာတ်ကားတွေလည်း အများကြီးရိုက်ကူးနိုင်ပါစေလို့ ဆုမွန်ကောင်းတွေ တောင်းပေးခဲ့ကြပါတယ် ။


Source : Nyi Nanda
Emily (Cele Gabar)



Pan Yaung Chel 123-tinified

ပန်းရောင်ခြယ်ကတော့ အနုပညာမျိုးဆက်တစ်ယောက်ဖြစ်သလို အနုပညာပါရမီအပြည့်အဝပါတဲ့သူတစ်ယောက်ပါ။ ဖခင်ဖြစ်သူဂရေဟမ်လိုပဲ အောင်မြင်တဲ့အဆိုတော်တစ်ယောက်အဖြစ်ရပ်တည်နေသလို သရုပ်ဆောင်တစ်ယောက်အနေနဲ့လည်း အနုပညာခြေလှမ်းတွေစတင်လာခဲ့ပြီဖြစ်ပါတယ်။





အသက်ငယ်ငယ်နဲ့အောင်မြင်နေတဲ့ပန်းရောင်ခြယ်ကတော့ နာမည်ကြီးအမှတ်တံဆိပ်တွေနဲ့ကာလကြာရှည်လက်တွဲရတဲ့အထိလည်း အောင်မြင်တဲ့သူပါ။ သူကတော့ Sunsilk၊ Cute Press၊ Samsung နဲ့ Mitsubishi Motors စတာတွေနဲ့လက်တွဲလုပ်ကိုင်နေတာပါ။ Sunsilk နဲ့ကတော့ Brand Ambassador အဖြစ် (၃) နှစ်လုပ်ဆောင်ခဲ့ပြီး (၂) နှစ်ထပ်မံအလုပ်တွဲလုပ်ဦးမှာပါ။ Cute Press နဲ့ကလည်း Brand Ambassador အဖြစ် (၃) နှစ် ဆောင်ရွက်ခဲ့ပြီးလို့ နောက်ထပ် (၁) နှစ်ထပ်မံအလုပ်လုပ်ကိုင်ဦးမှာဖြစ်ပြီး Samsung နဲ့ကတော့ (၄) နှစ်မြောက်လက်တွဲလုပ်ကိုင်နေခြင်းပါ။ Mitsubishi Motorsနဲ့ကတော့ မိသားစုလိုက် Brand Ambassador အဖြစ် (၂ )နှစ် မြောက်ဆောင်ရွက်နေတယ်လို့သိရပါတယ်။



ပန်းရောင်ကတော့ ” မြန်မာနိုင်ငံမှာရော ကမ္ဘာတစ်ဝန်းမှာပါ ပြည်သူတွေချစ်တဲ့ Brand ရဲ့ Ambassador တစ်ယောက်ဖြစ်ဖို့အခွင့်အရေး၊ ဖြစ်ပြီးရင်လဲ ကိုယ်နဲ့ဒီခရီးကိုဆက်တိုက် နောက်နှစ် နောက်နှစ်တွေ အတူဆက်သွားချင်တယ်ဆိုတဲ့ အခွင့်အရေးဆိုတာ မလွယ်ကူဘူးလို့ထင်မိပါတယ်။ အဲဒီအတွက်ကြောင့် ပျော်ရွှင်ဂုဏ်ယူမိပါတယ်။ ပန်းရောင်ရဲ့ Brands လေးခု လုံးကိုလဲ မြတ်မြတ်နိုးနိုးချစ်ပြီး တန်ဖိုးထားပါတယ်။ ဒီခရီးရှည်တစ်လျှောက် အမှတ်တရတွေကတော့ပြောမကုန်ပါ။ အတူဆက်လျှောက်ဖို့ရှိတဲ့ ခြေလှမ်းတွေအတွက်လဲ ရင်ခုန်နေပါတယ်”ဆိုပြီးတော့ ဖေ့ဘွတ်ခ်မှာရေးသားခဲ့ပါတယ်။ အမှတ်တံဆိပ်တစ်ခုရဲ့ Brand Ambassador အဖြစ်လုပ်ကိုင်ဖို့ဆိုတာ မလွယ်ကူလှသလို အခုလိုနှစ်များစွာလက်တွဲနိုင်ပြီး အနုပညာမှာလည်းအောင်မြင်သည်ထက်အောင်မြင်လာအောင်ကြိုးစားနိုင်တာကတော့ တကယ့်ကိုဂုဏ်ယူစရာပါပဲနော်…
Source : PanYaungChel