လတ်တလော မြန်မာပရိသတ်တွေကြား ရေပန်းစားနေတဲ့ တရုတ်ဇာတ်ကားလေးဖြစ်တဲ့ Everyone Loves Me ထဲက မင်းသမီးချောလေး Zhou Ye ရဲ့ ဖက်ရှင်လေးတွေကို MyStyle Myanmar ရဲ့ အနုပညာရှင်တို့ရဲ့ဖက်ရှင်ကဏ္ဍအတွက် ရွေးချယ်ထားပါတယ်။

၁၉၉၈ ခုနှစ် မေလ ၂၀ ရက်နေ့ဖွားဖြစ်ပြီး တရုတ်နိုင်ငံ Chongqing မြို့မှာ မွေးဖွားခဲ့တာဖြစ်ပါတယ်။ အသက်ငယ်ငယ်လေးနဲ့ သရုပ်ဆောင်လမ်းကြောင်းကို လျှောက်လှမ်းနေတဲ့ Zhou Ye ဟာ ကျောင်းတက်နေတုန်းကလည်း တက္ကသိုလ်ဝင်ခွင့်စာမေးပွဲမှာ နိုင်ငံအဆင့် (၃၆) ချိတ်ခဲ့တဲ့အထိ စာတော်ခဲ့ပါတယ်။

မိသားစုထဲမှာတော့ အစ်မတစ်ယောက်ရှိပြီး အငယ်ဆုံးလေးပါ။ တက္ကသိုလ်တက်နေချိန်မှာလည်း သူမရဲ့အလှအပကြောင့် “Campus Belle of Beijing Film Academy” ဆိုပြီးတော့တောင် အခေါ်ခံခဲ့ရပါသေးတယ်။

၂၀၁၇ ခုနှစ်မှာ “Beyond Belief” ဆိုတဲ့ ရုပ်ရှင်ကားနဲ့ ပွဲဦးထွက်ခဲ့ပြီး လက်ရှိအချိန်ထိ ရိုက်ကူးပြီးခဲ့တဲ့ ဇာတ်လမ်းတွဲတွေကတော့ “Flaming Cloud”, “Word of Honor”, “The Cradle”, “Reset in July”, “1921”, “Back From the Brink” တို့ပဲ ဖြစ်ပါတယ်။

အခုလိုမျိုး သဘာဝအလှနဲ့ ချစ်စရာကောင်းတဲ့ တရုတ်မင်းသမီးလေး Zhou Ye ရဲ့ ပရိသတ်တွေအတွက်ရော ဖက်ရှင်ကိုစိတ်ပါဝင်စားကြသူတွေအတွက်ပါ သူမရဲ့ပေါ့ပေါ့ပါးပါးဖက်ရှင်လေးတွေကို စုစည်းတင်ဆက်ပေးလိုက်ရပါတယ်။
















Image Source: Pinterest