ကြက်ဥသံပုရာ ချဉ်စပ် လုပ်စားကြမယ်

ငါးသံပုရာပေါင်းတို့ကင်မွန် သံပုရာပေါင်းတို့လို ချဉ်ချဉ်စပ်စပ်သံပုရာပေါင်းစားချင်တဲ့သူတွေအတွက် ဒီတစ်ခေါက်မှာအထူးအဆန်းသံပုရာပေါင်းတစ်ခုကို ပြောပြမယ်နော်

  ဒါကတော့ဆီလည်းမပါ၊ ဝိတ်လည်းကျ၊ အရသာလည်းရှိပြီး ချဉ်ချဉ်စပ်စပ်လေးနဲ့စားလို့ကောင်းတဲ့ ကြက်ဥသံပုရာချဉ်စပ်လေးကိုလုပ်စားကြည့်ရအောင်…

ကြက်ဥ(သို့)ဘဲဥသံပုရာအတွက်

ပါဝင်ပစ္စည်းများကတော့


ကြက်ဥ- ၅ လုံး(ဆားထည့်ပြုတ်ပါ)

သံပုရာသီး- ၃ လုံး(အရည်ညှစ်ထားပါ)

စပါးလင်- ၁ ပင် (ရိတ်ရိတ်လှီး)

ငရုတ်သီးစိမ်းအနီတောင့်- ၁၀ တောင့်(လှီးထားပါ)

ကြက်သွန်ဖြူ- ၁ လုံး(နုတ်နုတ်စင်း)

ဂျင်း- လက် ၂ ဆစ်(နုတ်နုတ်စင်း)

နံနံပင်- အနည်းငယ်

ရှမ်းနံနံ- အနည်းငယ်

ပြုတ်ထားတဲ့ဘဲဥတွေကိုထက်ခြမ်းခြမ်းထားပါ

ဆော့စ်ရည်အတွက်

သံပုရာရည်- စားပွဲတင်ဇွန်း၄ စွန်း

ငံပြာရည်- စားပွဲတင်ဇွန်း၂ စွန်း

ဆား- လက်ဖက်ရည်ဇွန်း၁ စွန်း

ကြက်သားမှုန့်- လက်ဖက်ရည်ဇွန်း၁ ဝက်

သကြား- လက်ဖက်ရည်ဇွန်း၂ စွန်း

ရေနွေး- ပန်းကန်လုံး၁ လုံး

ပန်းကန်၁ ခုထဲသို လှီးထားတဲ့အစာတွေထည့်၊ အပေါ်က ပါဝင်ပစ္စည်းတွေထည့်ပြီးသမအောင်ရောပေးပါ။အရသာမြည်းပါ။လိုသလိုပြင်ပါ။

ပြီးရင်ဆော့စ်ရည်ကို ကြက်ဥပန်းကန်ထဲလောင်းထည့်ပါ။သံပုရာသီး ၁ လုံးကို အကွင်းလိုက်လှီးပြီးစီထည့်ပါ။

အခုဆိုရင်ချဉ်ငံစပ်အရသာလေးနဲ့ဘဲဥသံပုရာကိုထမင်းပူပူလေးနဲ့သုံးဆောင်နိုင်ပါပြီ

မိမိကြိုက်နှစ်သက်ရာကြက်ဥ(သို့ ) ဘဲဥ (သို့) ငုံးဥနဲ့ လုပ်စားလို့ရတယ်နော်…