ဝက်ဂုတ်သားကုန်းဘောင်ကြီးကြော် လုပ်စားကြမယ် ...

ဝက်သားမှာဆိုရင် ဂုတ်သားက တကယ့်ကိုအသားများများနဲ့အရသာ အရမ်းရှိတယ်ဆိုတာ သိကြတယ်ဟုတ်... ဒီတစ်ခေါက်မှာတော့ အရမ်းကိုးအရသာရှိပြီး ဆိုင်ကြီးတွေမှာ ရောင်းလေ့ရှိတဲ့ ဝက်ဂုတ်သားကုန်းဘောင်ကြီးကြော်လုပ်နည်းလေးကို အိမ်မှာ လုပ်စားကြည့်ရအောင်...အိမ်မှာလုပ်တော့သန့်လည်းသန့်များများလည်းစားရတယ်နော်


ဝက်ဂုတ်သား၂၀ကျပ်သား

ကြက်သွန်နီ ၂လုံး

ပန်းငရုတ်ပွ ၁လုံး

ခရမ်းချဉ်သီး ၁လုံး

ကြက်သွန်မြိတ် ၃ပင်

ချင်းသေးသေး ၁တက်

တရုတ်မဆလာ အနည်းငယ်

ခရုဆီ ၂ဇွန်း

ပဲငံပြာရည်အကြည်  ၂ဇွန်း

အနောက်ရည်  အနည်းငယ်


သကြား  အနည်းငယ်

ဝက်ဂုတ်သားကိုပါးပါးလှီးပြီးအရသာအနည်းငယ်သွင်းထားပါ။

ကြက်သွန်နီ ၊ပန်းငရုတ်ပွ၊ခရမ်းချဉ်သီးကို လေးစိတ်လှီးပါ။

ချင်းကိုအမျှင်ငယ်များအဖြစ်လှီးပါ။

ပူနေတဲ့ဒယ်အိုးမှာဆီအနည်းငယ်ကိုထည့်ပြီးလေးသိတ်လှီးထားသောကြက်သွန်နီ၊ပန်းငရုတ်ပွတို့ကိုအနည်းငယ်နွမ်းအောင်ကြော်ပြီးစစ်ယူပါ။

ခရမ်းချဉ်သီးကိုလဲသီးသန့်ထည့်ကြော်ပြီးစစ်ယူပါ။


ဆီအနည်းငယ်ထပ်ဖြည့်ပြီးအမျှင်လှီးထားသောချင်းကိုထည့်ကြော်ပါ။အနည်းငယ်မွှေးလာလျှင်ဝက်ဂုတ်သားတွေထည့်ကြော်ပါ။

ချက်ချင်းဆိုသလိုပါဝင်သောအရသာများကိုအမြန်ထည့်ပေးလိုက်က်ပါ။

စစ်ယူထားသောအသီးအရွက်တွေထည့်ပြီး၁လက်မခန့်လှီးထားသောကြက်သွန်မြိတ်လေးဖြူးထည့်ပါ။

နောက်ဆုံးမှာ တရုတ်မဆလာလေးအုပ်ပြီး ဟင်းအနံ့ကို ထိမိအောင်လုပ်ပေးပါ။

ဒါဆိုရင်တော့ အရသာအရမ်းရှိတဲ့ဝက်ဂုတ်သားကုန်းဘောင်ကြီးကြော်လေးရပါပြီနော်...