
ကြိုးခုန်တာကို ကလေးဘဝထဲက လူတိုင်းဆော့ဖူးကြပါတယ်။ တစ်ခါတစ်ရံမှာ အပျော်အနေနဲ့ ဆော့ခဲ့ကြတာတွေက ကျန်းမာရေးအတွက် အများကြီးအထောက်အကူပြုပေးခဲ့တယ်ဆိုတာကို သတိမထားမိ ခဲ့ပါဘူး။ အများစုကတော့ ကျန်းမာရေးအတွက် လေ့ကျင့်ခန်းလုပ်တယ်လို့ ပြောရင် အပြေးလေ့ကျင့်တာ၊ လမ်းလျှောက်တာကိုပဲ လုပ်ကြတာများပါတယ်။ ကြိုးခုန်တဲ့ လေ့ကျင့်ခန်းက လူတိုင်းအတွက် ကောင်းပေမယ့် ကြိုးခုန်တာက အမျိုးသမီးတွေအတွက် ဘယ်လို အထောက်အကူပြုလဲဆိုတာကို ပြောပြပေးချင် ပါတယ်။
(၁) ကိုယ်အလေးချိန်ကို ကျအောင် ကူညီပေးခြင်း
အမျိုးသမီးအများစုက ဝလာတဲ့အခါ ကျရင် ဝိတ်ကျဖို့ ခက်ခဲတတ်ပါတယ်။ ဒါကြောင့် ခန္ဓာကိုယ် ကြံ့ခိုင်ပြီး ကိုယ်အလေးချိန်ကိုလျှော့ချရန်အတွက် အများကြီး အထောက်အကူပေးနိုင်ပါတယ်။ ကြိုးခုန်ခြင်းက ခန္ဓာကိုယ်တစ်ခုလုံးရဲ့ ကြွက်သားတွေကို လှုံဆော်ပေးပါတယ်။ ဒီလို လှုံဆော်ပေးတာက ခန္ဓာကိုယ်အလေးချိန်ကို ကျစေတဲ့အပြင် ခန္ဓာကိုယ်အလေးချိန်ကိုလည်း ထိန်းသိမ်းပေးနိုင်တာကြောင့် ဝိတ်ကျစေမယ့် နည်းလမ်းတွေထဲက အလွယ်ကူဆုံးနည်းလမ်းတစ်ခုဖြစ်ပါတယ်။

(၂) နှလုံးကျန်းမာစေခြင်း
ကြိုးခုန်တာက နှလုံးကို သန်မာစေပြီး ကျန်းမာစေပါတယ်။ နှလုံးသွေးကြောစနစ်သည် သွေးလွှတ်ကြောနဲ့ သွေးပြန်ကြောများမှတစ်ဆင့် နှလုံးဆီသို့ သွေးစီးဆင်းမှုကို ချိတ်ပေးတာဖြစ်ပါတယ်။ ကျော်သွားရင် အသက်ရှုကျပ်ခြင်း ဖြစ်စေပါတယ်။ ကြိုးခုန်စေတာက နှလုံးညှစ်အားစနစ်ကို ကောင်းမွန်စေရုံသာမက သွေးခဲခြင်းကိုလည်း ကာကွယ်ပေးပါတယ်။

(၃) စိတ်ကျန်းမာရေးကိုမြှင့်တင်ပေးခြင်း
ကြိုးခုန်ခြင်းက ဦးနှောက်အတွက် အကျိုးများစွာ ရှိစေပါတယ်။ ကိုယ်ကာယလေ့ကျင့်ခန်းအတွက် ခန္ဓာကိုယ်လှုပ်ရှားမှု များများ ပါဝင်တာကြောင့် စိတ်ပိုင်းဆိုင်ရာကို တိုးတက်စေပါတယ်။ မယုံနိုင်စရာဖြစ်ပေမယ့် ၄ လကနေ ၆ လကြာပြီးနောက်မှာ စိတ်ရောဂါနဲ့ ဝမ်းနည်းမှုတွေကို ကင်းဝေးသွားတယ်လို့ ခံစားလာရစေပါတယ်။

(၄) ကိုယ်ခံအားတိုးစေခြင်း
ကြိုးခုန်ခြင်းက ခံနိုင်ရည်အားများစွာ ရစေပါတယ်။ ပုံမှန် ၁ လ ၂ လလောက်လုပ်ပြီးတဲ့အချိန်မှာ အကြံဉာဏ်ကောင်းများ ထွက်စေတဲ့အပြင် ကိုယ်ခံအားကိုလည်း တိုးစေပါတယ်။ အစပိုင်းလေ့ကျင့်ခန်းတွေမှာ မပြုလုပ်ခိုင်းပေမယ့် ခံနိုင်ရည်စွမ်းပိုများလာတာကြောင့် တဖြည်းဖြည်းနဲ့ လုပ်ခွင့်ပြုလာကြပါတယ်။ ကိုယ်လက်လှုပ်ရှားမှုပိုတိုးစေတာကြောင့် စွမ်းအင်အဆင့်ကိုလည်း မြှင့်တင်ပေးနိုင်ပါတယ်။

(၅) အရေပြားကို တိုးတက်ကောင်းမွန်အောင် ကူညီပေးနိုင်ခြင်း
အပြစ်အနာအဆာကင်းတဲ့ အသားအရေအတွက် အကောင်းဆုံးနည်းလမ်းကတော့လေ့ကျင်ခန်းလုပ်ဖို့ပါပဲ။ အလုပ်များလို့ GYM မသွားနိုင်ပေမယ့်လည်း ရနေတဲ့အချိန်ခဏလေးကို မလုပ်ခြင်းက အကြောင်းပြချက်တစ်ခု မဖြစ်သင့်ပါဘူး။ လှပတဲ့ အသားအရေ ရဖို့အတွက် ကြိုးခုန်ခြင်းဆိုရင် မဖြစ်မနေကို လုပ်ပေးသင့်ပါတယ်။ အချိန်အများကြီးပေးစရာလည်း မလိုသလို လုပ်ရတာလည်း လွယ်ကူပါတယ်။

(၆) သွက်လက်စေခြင်း
ကိုယ်ခံပညာရှင်များ၊ အားကစားသမားများနဲ့ တင်းနစ်ကစားသမားများကလည်း လေ့ကျင့်ခန်းလုပ်တဲ့ထဲမှာ ကြိုးခုန်လေ့ရှိကြပါတယ်။ နာမည်ကြီးတွေတောင် အားကစားလုပ်တဲ့အချိန်မှာ ကြိုးခုန်ခြင်းကို ပြုလုပ်ကြပါတယ်။ ဒါကြောင့် ကြိုးခုန်ဖို့အတွက် တိုက်တွန်းလိုက်ပါတယ်နော်။
ref: Benefits of Skipping for Women