အားလုံး ဝမ်းမချုပ်ဘူးတဲ့သူ မရှိဘူးလို့ထင်ပါတယ်။

ဝမ်းချုပ် တဲ့ပြဿနာဟာ တကယ်ကို စိတ်ရှုပ်ရတဲ့ ပြဿနာတစ်ခုပါ။ ဝမ်းထဲသွေးပါရင် ပိုလို့တောင်အထိတ်တလန့် ဖြစ်ရပါသေးတယ်။ ဘာများဖြစ်နေပြီလဲ စိုးရိမ်ရလားဆိုပြီးတော့ပေါ့။ ဒါကြောင့် ဒီဆောင်းပါးလေးထဲမှာ ဝမ်းထဲ သွေးပါခြင်းကို ဖြစ်စေတဲ့အကြောင်းအရာတွေ ပြောပြပေးတော့မှာပဲ ဖြစ်ပါတယ် ။ ။

ဝမ်းထဲသွေးပါတာ နှစ်မျိုးရှိပါတယ်။

လတ်လတ်ဆတ်ဆတ် သွေးအနီရောင်တွေ ဝမ်းထဲပါတာ၊

သွေးဝမ်း လို့ခေါ်ကြတဲ့ ဝမ်းမဲမဲတွေ ဆိုပြီး နှစ်မျိုးရှိပါတယ်။ ဒီလို ၂ ခုကွဲသွားရခြင်းရဲ့ အကြောင်းအရင်းကတော့ ရောဂါ ဖြစ်တဲ့နေရာ မတူလို့ပဲ ဖြစ်ပါတယ်။

အူသိမ် အပေါ်ပိုင်းအစာခြေလမ်းကြောင်းကထွက်တဲ့ သွေးတွေဟာ

အစာအိမ် ထဲကအက်ဆစ်နဲ့ဓာတ်ပြုပြီး ဝမ်းမဲမဲတွေဖြစ် သွားလေ့ရှိပါတယ်။ သွေးအနီရောင် လတ်လတ်ဆတ်ဆတ်ကကျတော့အူသိမ်အောက်ပိုင်းအစာခြေစနစ်မှာ ပြဿနာတစ်ခုခုရှိနေတာကြောင့် ထွက်လာတဲ့ သွေးတွေပါ။ ဒီတော့ ဘယ်လို ပြဿာနာတွေဖြစ်နိုင်လဲ ။ ။

ဝမ်းထဲသွေးပါရခြင်းကို ဖြစ်စေတဲ့အကြောင်းအရင်းများ ။ ။


ဝမ်းထဲ သွေးနီနီရဲရဲပါရခြင်းအကြောင်းများ ။ ။


လိပ်ခေါင်းရောဂါ - ဝမ်းသွားပြီးနောက်ပိုင်း သွေးနီနီရဲရဲတွေ ဆင်းလာတာ၊ ဝမ်းချုပ်တာ၊ စအိုနားတစ်ဝိုက်တင်းပြီး ယားယံနေတာမျိုး၊ စမ်းလိုက်ရင်အလုံးလေးစမ်းမိတာမျိုးတွေ ရှိပြီဆို လိပ်ခေါင်းရောဂါဖြစ်နေပါပြီ။

စအိုဝကွဲြ ခင်း - သွေးစလေးတွေ ဝမ်းထဲကပ်ပါနေတာ၊ ဝမ်းသွားပြီး စအိုဝစပ်တာ၊ ဝမ်းချုပ်လို့အရမ်းညှစ်သွားရတာမျိုးတွေရှိရင် စအိုဝကွဲတာနေတာ ဖြစ်နိုင်ပါတယ်။ Diverticulitis (

အူမကြီး လမ်းကြောင်းတစ်လျှောက်အိတ်ကလေးများ ဖြစ်ခြင်း) – Diverticulosis လို့ခေါ်တဲ့အိတ်ထဲက သွေးကြောမျှင်လေးတွေ ဖောင်းပြီး ပေါက်သွားရာမှ ဝမ်းထဲသွေးပါခြင်းဖြစ်နိုင်ပါတယ်။
Inflammatory Bowel Disease (အူလမ်းကြောင်းရောင်ရမ်းခြင်း ) – IBD ထဲမှာ ulcerative colitis နဲ့ Crohn’s Disease ဆိုပြီး နှစ်မျိုးပါပါတယ်။အဲဒီအထဲမှာ ulcerative colitis ကအူမကြီးကိုထိတာဖြစ်ပြီး Crohn’s Disease ကတော့အူလမ်းကြောင်းတစ်လျှောက် ကြိုက်တဲ့နေရာမှာ ဖြစ်နိုင်ပါတယ်။ ဒီ ၂ မျိုးလုံးဟာအူမကြီးကို သွားထိစေတတ်တာကြောင့် ဝမ်းထဲသွေးပါခြင်းကိုဖြစ်စေတတ်ပါတယ်။

အူမကြီးကင်ဆာ -အူမကြီးကင်ဆာကြောင့် ဝမ်းထဲသွေးပါတာမျိုးဖြစ်တတ်ပါတယ်။ သူ့ရဲ့လက္ခဏာတွေကတော့အရင်တုန်းက ဝမ်းချုပ်ပေမယ့် ခုကျတော့ မနက်ပိုင်း သွေးဝမ်းပျော့ပျော့တွေသွားတာ၊ ဝမ်းသွားပြီး ဝမ်းကျန်သလိုခံစားနေရတာနဲ့၊ ကိုယ်အလေးချိန် သိသိသာသာကျဆင်းတာတွေ ပဲ ဖြစ်ပါတယ်။

ဝမ်းမဲမဲသွားရခြင်းအကြောင်းအရင်းများ ။ ။
ဝမ်းမဲမဲသွားရခြင်းဟာအူသိမ်အပေါ်ပိုင်းအစာခြေစနစ်မှာ ဖြစ်နေတဲ့ ပြဿနာတွေ ကြောင့်ဆိုတာအပေါ်မှာ ပြောခဲ့ပြီး ဖြစ်ပါတယ်။ ဒီတော့ ဝမ်းမဲမဲသွားစေတဲ့အကြောင်းအရင်းတွေက ဘာများလဲ ။ ။

အစာအိမ်အနာ မှ သွေးယိုခြင်း-အစာအိမ်ရောင်တဲ့အဆင့်တင်မဟုတ်ဘဲအနာပါဖြစ်သွားတဲ့အခါကျအစာတစ်ခါဝင်တိုင်းအနာကို ပွတ်မိပြီး သွေးထွက်တတ်ပါတယ်။ ဒီသွေးတွေကအစာအိမ်ထဲကအက်ဆစ်နဲ့ ဓာတ်ပြုတဲ့အခါကျအနံ့နံတဲ့ ဝမ်းမဲမဲတွေအဖြစ် ဆင်းလာပါတော့တယ်။

အစာရေမြိုပြွန် မှ သွေးကြောထုံးများ -

အသည်းရောဂါ ရဲ့ နောက်ဆက်တွဲ ဖြစ်တဲ့အစာရေမြိုပြွန်မှ သွေးကြောထုံးတွေပေါက်သွားရာမှ တစ်ဆင့် ဝမ်းမဲမဲတွေ သွားတတ်ပါတယ်။

အကိုက်အခဲပျောက်ဆေး များကြောင့်

အစာအိမ်သွေးယိုြ ခင်း -အကိုက်အခဲ ပျောက်ဆေးအပြင်းစားကိုအစာမစားဘဲ သောက်လိုက်တဲ့အခါအစာအိမ်နံရံ သွေးယိုပြီး ဝမ်းမဲမဲတွေ သွားတတ်ပါတယ်။ ဒါတွေကတော့ ဝမ်းထဲသွေးပါခြင်းကို ဖြစ်စေတဲ့အကြောင်းအရင်းတွေ ပဲ ဖြစ်ပါတယ်။ ဝမ်းထဲ သွေးပါတယ်ဆိုတာကအချိန်ကြာလာရင် သွေးအားနည်းပြီး သေချာဆေးကုသမှု မခံယူရင် ပိုဆိုးလာတတ်တာကြောင့်  မပေါ့ဆဘဲ ဆရာဝန်ဆီသွားတာအကောင်းဆုံးပါ။

Hello Health Group   သည် ဆေးပညာဆိုင်ရာအကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။