ကရကဋ်ရာသီခွင်တွေက ဇွန်လ ၂၁ ရက်မှ ဇူလိုင် ၂၂ ရက်အတွင်းမွေးဖွားသူတွေပဲ ဖြစ်ပါတယ်။ ကရကဋ်ရာသီခွင်ရဲ့ စတုတ္ထမြောက်လက္ခဏာဖြစ်ပြီး သူ့ရဲ့သင်္ကေတဖြစ်တဲ့ ကဏန်းကိုကိုယ်စားပြုပါတယ်။ ဂဏန်း ရေအမှတ်အသားက နက်ရှိုင်းတဲ့ ပင်ကိုယ်သဘောရှိပြီး စာနာနားလည်တတ်တဲ့ စိတ်ခံစားမှုကို ပိုင်ဆိုင်ထားတတ်ပါတယ်။ သူတို့က ပျော့ပျောင်းပြီး ထိလွယ်ရှလွယ်သော ခေါင်းဆောင်မှုစွမ်းရည်တွေလည်း ရှိကြပါတယ်။ ကရကဋ်ရာသီခွင်တွေက ပြုစုပျိုးထောင်ခြင်း၊ နူးညံ့သိမ်မွေ့ခြင်း၊ သစ္စာရှိပြီး အားကိုးအားထားပြုတတ်သော်လည်း စိတ်အပြောင်းအရွှေ့များဖြတ်သန်းရန်၊ သူရဲ့ ခံစားချက်အစစ်အမှန်တွေကို ဖုံးကွယ်ထားကာ အခြားသူတွေကိုလည်း အလွယ်တကူ ယုံကြည်မှု မပြုတတ်ကြပါဘူး။ ဒါပေမယ့် သူရဲ့ ထိလွယ်ရှလွယ်တတ်တဲ့ စိတ်ခံစားမှုကနေတဆင့် တခြားသူတွေနဲ့ ချိတ်ဆက်လေ့ရှိပါတယ်။


သူရဲ့ မိသားစုနှင့် သူငယ်ချင်းတွေကို နက်ရှိုင်းတဲ့ ချစ်ခြင်းမေတ္တာနဲ့ လုံခြုံမှုကို ခံစားရစေပြီး၊ သူ့ကို ချစ်မြတ်နိုးလာစေရန် ဘယ်အရာကိုမဆို လုပ်ဆာင်နိုင်တဲ့ သူတွေပဲ ဖြစ်ပါတယ်။ အဲ့ဒီအပြင် သူပေးသလောက်လည်း သူများတွေဆီက ပြန်လိုချင်ကြတယ်။ သူငယ်ချင်း၊ လုပ်ဖော်ကိုင်ဖက်၊ မိသားစုတွေနဲ့ပတ်သတ်ပြီး ခက်ခဲနေတဲ့အချိန်တွေမှာ အားကိုးအားထားပြုရလောက်တဲ့ထိ အမှန်တကယ် ဂရုတစိုက် ကူညီပေးချင်ကြတဲ့သူတွေပဲဖြစ်ပါတယ်။ အချစ်ခံချင်ကြတဲ့ သူတွေလည်းဖြစ်ပါတယ်။

သူတို့က သူများအပေါ် ဂရုတစိုက်နှင့် ပံ့ပိုးပေးကြသော်လည်း စိတ်တိုတတ်၊ အလွန်အကဲဆတ်တတ်ပြီး သံသယဖြစ်တတ်တဲ့ စိတ်နေသဘောထားရှိတဲ့ သူလည်းဖြစ်ပါတယ်။ သူတို့ရဲ့ စိတ်ခံစားချက်တွေက အခြေအနေပေါ်ကိုလိုက်ပြီး တခဏအတွင်း ပြောင်းလဲသွားနိုင်ပြီး တစ်ခါတစ်ရံမှာ အပြောင်းအလဲတွေက သူတို့ကို ခက်ခဲစေပါတယ်။ သူတို့မှာ စိတ်ခံစားမှုတွေရှိသော်လည်း စစ်မှန်တဲ့ ခံစားချက်တွေကိုတော့ ဖုံးကွယ်ထားလေ့ရှိပါတယ်။


အချစ်နှင့် ဆက်ဆံရေးတွေမှာတော့ တစ်ဖက်ကလက်တွဲဖော်ကို ဂရုစိုက်တတ်သော်လည်း ကရကဋ်ရာသီခွင်တွေက သူတို့ရဲ့ မလုံခြုံမှုတွေကို ဖုံးကွယ်ရန် ခက်ခဲတတ်ပါတယ်။ သူတို့ဟာ သူတို့ကိုယ်သူတို့ လုံခြုံပြီး အလားအလာရှိတဲ့ ဆက်ဆံရေးတစ်ခုကို ခံစားချင်ကြပြီး အစပိုင်းမှာတော့ သူတို့ကိုယ်သူတို့ အဲဒီခံစားချက်ကို ပြသနိုင်ဖို့ ရုန်းကန်ရနိုင်ပါတယ်။

သူလိုချင်တဲ့ ပုံစံမျိုးနဲ့ လက်တွဲဖော်ကို ရရှိထားပြီဆိုရင်တော့ ဒီဆက်ဆံရေးကို ဘယ်လိုခိုင်မြဲအောင် လုပ်ဆောင်ရမလဲပဲ တွေးနေတတ်တဲ့သူမျိုးတွေပါ။ အဆိပ်အတောက်ဖြစ်စေတဲ့ အတွေ့အကြုံတွေအစား ရိုမန်တစ်ဆန်တဲ့ အတွေ့အကြုံတွေကို ပိုမိုနှစ်သက်ကြပြီး ကရကဋ်ရာသီခွင်တွေက အချစ်တတ်ဆုံးလူသားတွေပဲ ဖြစ်ပါတယ်။ ကရကဋ်ရာသီခွင်တွေနဲ့ ဆက်ဆံရေးတစ်ခုကို တည်ဆောက်ထားပြီ ဆိုရင်တော့ သင်ကအချစ်ရေးမှာ ကံအကောင်းဆုံးလူသား ဖြစ်မှာပါ။ ပထမအစပိုင်းတွေမှာတော့ ပေါင်းသင်းဆက်ဆံရေးကို ချီတုံချတုံဖြစ်တတ်ပေမယ့် နောက်ပိုင်းမှာတော့ သူ့ရဲ့လက်တွဲဖော်ကို လေးလေးနက်နက်နဲ့ ကတိကဝတ်တွေအပေါ် ဂရုတစိုက်နဲ့ ကြင်နာတတ်တဲ့သူတွေပဲ ဖြစ်ပါတယ်။


လက်တွဲဖော်ရဲ့ အသေးစိတ် အချက်အလက်တွေက အစ သဘောကျပြီး အာရုံစိုက်တတ်တဲ့ လူမျိုးတွေပါ။ လှဲလျောင်းရုံဖြင့် သက်တောင့်သက်သာ ခံစားရလိမ့်မည်။ သို့သော် သူ၏လုပ်ဖော်ကိုင်ဖက်သည် သူ့တွင် မနာလိုဖြစ်လာကာ ငြင်းပယ်ခံရမည်ကို ကြောက်ရွံ့ကာ ပိုမိုကောင်းမွန်သောအရာတစ်ခုခုအတွက် အရောင်းအ၀ယ်လုပ်လိုစိတ်ရှိကြောင်း သတိပြုရမည်ဖြစ်သည်။ Cancer ရာသီခွင်တွေက Scorpio ရာသီခွင်နဲ့ အလွန်လိုက်ဖက်ပြီး အရာရာကို တည်တည်ငြိမ်ငြိမ်နဲ့ သိမြင်ကာ အတူတကွ ပေါင်းသင်းဆက်ဆံရေးတွင် လုံခြုံသည်ဟု ခံစားရစေပါတယ်။ သူတို့ရဲ့ အဓိက အာရုံက တစ်ယောက်နဲ့တစ်ယောက် ပျော်ရွှင်ဖို့ပါပဲ။ Cancer နှင့် Scorpio ရာသီခွင်တွေကတော့ နှစ်မျိုးလုံးက ထိလွယ်ရှလွယ်ဖြစ်ပြီး ကြင်နာတတ်သောကြောင့် တည်ငြိမ်မှုကို လိုချင်ပြီး သက်တောင့်သက်သာ ရှိတဲ့ဘဝကို လိုချင်တဲ့သူတွေအတွက်တော့ အဆင်ပြေမှာပါ။


Cancer ရာသီခွင်တွေက ဒီနှစ်မှာ အကောင်းဆုံးလုပ်ရမှာကတော့ ငယ်ဘဝရဲ့ အမှတ်တရတွေကို ကျော်သွားတာပါပဲ။ အမှတ်တရတွေကို အချိန်အကြာကြီး ဆုပ်ကိုင်ထားတယ်ဆိုတာ သင့်အတွက်မကောင်းတဲ့အတွက် 2022 မှာ အောင်မြင်တဲ့ သူတစ်ယောက်ဖြစ်အောင် လုပ်မယ်ဆိုရင်တော့ သင့်ရဲ့ကိုယ်ပိုင်လမ်းကနေ ရုန်းထွက်ရပါလိမ့်မယ်။

အလုပ်အကိုင်တွေမှာ လုပ်ရင်လုပ်သလောက် ကြိုးစားရင်ကြိုးစားသလောက် ဖြစ်ထွန်းလာပြီး သင့်ကိုကူညီပေးမယ့်လူတွေလည်း ရှိပါလိမ့်မယ်။ ငွေရေးကြေးရေးပိုင်းမှာတော့ ပြဿနာမရှိပဲ ပြေပြေလည်လည် ဖြစ်လာပါလိမ့်မယ်။ အချစ်ရေးမှာတော့ သင့်ရဲ့ကိုယ်ရေးကိုယ်တာ ကိစ္စတွေကြောင့် အဆင်ပြေချောမွေ့သွားပါလိမ့်မယ်။ ယုံနိုင်လောက်အောင် စိတ်ဓာတ်ကျလာတဲ့အခါမှာတော့ သူ့ရဲ့ခံစားချက်တွေက အားနည်းချက်တစ်ခု ဖြစ်လာနိုင်ပါတယ်။ သူက ထိလွယ်ရှလွယ်ဖြစ်တတ်ပြီး သူ့ရဲ့ခံစားချက်တွေက သူလိုချင်သောအရာကို မသိနိုင်တဲ့အထိ လွှမ်းမိုးသွားနိုင်တဲ့ အတွက် ဂရုစိုက်သင့်ပါတယ်။

Lifestyle_Myanmar

Nadi

ref-yourtango