တနင်္ဂနွေ - ဘာလုပ်လုပ် အစကနေ ပြန်လှည့်လုပ်ရတာ၊ အဆူအငေါက် အပြောအဆို ခံရတာတွေ ဖြစ်မယ်။ ဒီနေ့မှာ အကြီးအကဲတွေကလည်း ကိုယ့်ကိုမှ ကွက်ပြီး အမြင်မကြည် ဖြစ်တတ်တယ်။ အစိုးရနဲ့ ပတ်သက်ရတဲ့ လုပ်ငန်းကိစ္စတွေ အဆင်မပြေဘဲ ဖြစ်နေမယ်။ အလုပ်တွေကလည်း ဟိုလိုလို၊ သည်လိုလိုနဲ့ ဝေ့လည်နေပြီး အကျိုးအမြတ်လည်း မရေမရာ ဖြစ်တတ်တယ်။ မိသားစုအရေး၊ မေတ္တာရေးတွေတော့ ကံကောင်းတတ်တယ်။ ဒီနေ့ ၁၀ ခွဲနဲ့ ၁၁ ခွဲကြား ကံကောင်းချိန် ဖြစ်တယ်။ ဖခင် (သို့) ကြီးကဲသူကို စားချင်တာ ကျွေးရမယ်။ ဒီနေ့မှာ ၁၂ နဲ့ ၁၆ က အကျိုးပေးဂဏန်း ဖြစ်ပြီး အဝါဖျော့နဲ့ ပန်းရောင်တွေက ကံကောင်းစေမယ့်အရောင် ဖြစ်တယ်။

ညံ့

တနင်္လာ - စိတ်ဂဏှာမငြိမ်တွေ ဖြစ်ပြီး အခု ပျော်လိုက်၊ တော်ကြာ စိတ်ညစ်ရလိုက်နဲ့ ဖြစ်တတ်တယ်။ ဒီနေ့မှာ ပျော်စရာတွေ မကြာခဏ ကြုံရတတ်ပေမယ့် ကိုယ်နဲ့ မဆိုင်တာတွေမှာ ဝင်ပါတာမျိုး ရှောင်ရမယ်။ ကိုယ့်ကိစ္စ မဟုတ်တာမှာ ဝင်ပါမိရင် အာရုံနောက်ရလိမ့်မယ်။ အလုပ်တွေ ကောင်းပြီး ငွေကြေးကံလည်း ကောင်းမွန်မယ်။ မိတ်ဆွေအပေါင်းအသင်းကိုတော့ သတိထားရမယ်။ အချစ်ရေး၊ အိမ်ထောင်ရေးမှာ အထစ်အငေါ့ ဖြစ်မယ်။ ဒီနေ့ ညနေ ၃ ခွဲနဲ့ ၄ ခွဲကြား ကံကောင်းချိန် ဖြစ်တယ်။ ဘုရားမှာ အအေး ၂ ခွက် ကပ်လှူရမယ်။ တစ်နေ့တာ အကျိုးပေးဂဏန်းတွေက ၂၉, ၂၃ ဖြစ်ပြီး ပုလဲရောင်နဲ့ ရောင်စုံကွက်က ကံကောင်းစေမယ့်အရောင် ဖြစ်တယ်။

သင့်

အင်္ဂါ - မိတ်ဆွေအပေါင်းအသင်း၊ အသိုင်းအဝိုင်းကြောင့် စိတ်ချမ်းသာကိုယ်ချမ်းသာ ဖြစ်ရလိမ့်မယ်။ ဒီနေ့မှာ စိတ်ကူးပေါက်ရာလေးတွေ လျှောက်လုပ်ရင်း ကံကောင်းတာလေးတွေ ကြုံရမယ်။ အကြံအစည်ကောင်းတွေပါ ပေါ်ထွက်လာတတ်တယ်။ အလုပ်နဲ့ ငွေကြေးပိုင်းမှာတော့ ကြိုးစားသလောက် အရာမထင်တာတွေ ဖြစ်မယ်။ ငွေ ဘယ်လောက်ရရ ပြန်ကုန်လွယ်မယ်။ မေတ္တာရေးမှာ ဆူဆူပူပူ ဖြစ်တတ်တယ်။ အနှောင့်အယှက် ရှိမယ်။ ဒီနေ့ မနက် ၉ ခွဲနဲ့ ၁၀ ကြား ကံကောင်းချိန် ဖြစ်တယ်။ ဘုရားမှာ ဒိန်ချဉ်တစ်ခွက် ကပ်လှူရမယ်။ တစ်နေ့တာ ကံကောင်းစေမယ့်အရောင်က ၃၇ နဲ့ ၃၀ ဖြစ်ပြီး ကံကောင်းစေမယ့်အရောင်က အနီရင့်နဲ့ အနက် ဖြစ်တယ်။

သင့်


MPT IPTV သို့သွားရန်နှိပ်ပါ ဗုဒ္ဓဟူး - ဒီနေ့မှာ အလုပ်ကိစ္စတွေကို မပေါ့ဆသင့်ဘဲ သေချာလုပ်ရမယ်။ လုပ်မှားကိုင်မှား ဖြစ်တတ်ပြီး ငွေပါ ဆုံးရှုံးတတ်တယ်။ လုပ်ငန်းခွင်မှာ အတိုက်အခိုက် များတတ်ပြီး ကိုယ်တိုင်ကလည်း အလွဲတွေ လုပ်မိလိမ့်မယ်။ တစ်နေ့တာလုံးမှာ စိတ်လေးလံပြီး လူလည်း ထိုင်းမှိုင်းနေတတ်တယ်။ မိတ်ဆွေတွေဆီက အကူအညီ ရမယ်။ ငွေလက်လွန် သုံးစွဲမိတာ မဖြစ်အောင် သတိပြုရမယ်။ အချစ်ရေး၊ အိမ်ထောင်ရေးမှာ ဝမ်းသာစရာ ဖြစ်မယ်။ ဒီနေ့ နေ့ခင်း ၂ ခွဲနဲ့ ၃ ကြား ကံကောင်းချိန် ဖြစ်တယ်။ သံဃာတော်ကို အအေး၊ အချိုရည် လှူရမယ်။ ဒီနေ့မှာ အကျိုးပေးဂဏန်းက ၄၂ နဲ့ ၄၉ ဖြစ်ပြီး ကံကောင်းစေတဲ့အရောင်တွေက အဖြူတောက်တောက်ပဲ ဖြစ်တယ်။

ညံ့

ရာဟု - စိတ်ထဲ ထင်ရာမြင်ရာတွေ လျှောက်လုပ်လို့ အမှားများတဲ့နေ့ ဖြစ်တယ်။ ကိုယ့်စိတ်ကို ထိန်းနိုင်ပါမှ အဆင်ပြေလိမ့်မယ်။ စိတ်နောက်ကိုယ်ပါတွေ လျှောက်လုပ်နေရင် ပြဿနာ ကြီးမယ်။ အရင်က မရှင်းနိုင်တဲ့ ကိစ္စဟောင်းတွေ ပြန်ပေါ်တတ်တယ်။ ရန်ဖြစ်တာ၊ စကားများတွေ ဖြစ်လွယ်တတ်လို့ လက်ရှောင်သင့်တယ်။ အလုပ်နဲ့ ငွေကြေးကံ အားနည်းတယ်။ ဖြစ်သလိုပဲ လုပ်ရတတ်တယ်။ မေတ္တာရေးမှာ စိတ်ကစားမှု များနေမယ်။ ဒီနေ့ နေ့ခင်း ၁ ခွဲနဲ့ ၂ ခွဲကြား ကံကောင်းချိန် ဖြစ်တယ်။ ယတြာအဖြစ် အိမ်ခြေရာမဲ့ကို စားစရာ လှူပေးရမယ်။ အကျိုးပေးဂဏန်းက ၈၈ နဲ့ ၈၆ တွေ ဖြစ်ပြီး စိမ်းနုရောင်နဲ့ အဝါရောင်က ကံကောင်းစေမယ့်အရောင် ဖြစ်တယ်။

ညံ့

ကြာသပတေး - တစ်နေ့လုံးမှာ ကိုယ့်အတွက် မဟုတ်ဘဲ သူများတွေအတွက် အချိန်ကုန်လူပန်း ဖြစ်နေမယ်။ အကြောင်းမဲ့ စိတ်ပူနေတာ၊ ကြံဖန်တွေးပူတာတွေလည်း ဖြစ်တတ်တယ်။ ဘာလုပ်လုပ် အနှောင့်အယှက်တွေ ရင်ဆိုင်နေရတတ်တယ်။ အလုပ်အကိုင်လေး ကောင်းပေမယ့် အကျိုးအမြတ် သိပ်မကျန်ဘဲ ဖြစ်မယ်။ ငွေကံ မဆိုးပေမယ့် အဖတ်မတင် ဖြစ်မယ်။ မိတ်ဆွေကြောင့် စိတ်ညစ်ရမယ်။ ချစ်ရေးချစ်ရာကံလေး ကောင်းနေမယ်။ ဒီနေ့ မနက် ၈ နဲ့ ၉ ကြား ကံကောင်းချိန် ဖြစ်တယ်။ ဘုရားမှာ ပေါင်မုန့်သကြားဆမ်း လှူရမယ်။ တစ်နေ့တာ ကံကောင်းစေမယ့်အရောင်က နံ့သာရောင်နဲ့ ပန်းရောင် ဖြစ်ပြီး ၃၃ နဲ့ ၃၉ ဂဏန်းတွေက အကျိုးပေးလိမ့်မယ်။

သင့်

သောကြာ - တစ်နေ့တာအတွင်း အလုပ်အကိုင်ကံတွေ ပွင့်လန်းလာမယ်။ ကြိုးစားထားတာတွေကနေ ရလဒ် ပေါ်လာမယ်။ ငွေကြေးပိုင်းမှာလည်း ကျေနပ်အားရစရာ ဖြစ်မယ်။ ကံစမ်းဉာဏ်စမ်းတွေလည်း လုပ်သင့်တယ်။ မိတ်ဆွေအပေါင်းအသင်းတွေကြောင့် စိတ်ချမ်းသာရလိမ့်မယ်။ အဆက်အသွယ်ကောင်းတွေ ရရှိတတ်တယ်။ ငွေဝင်ပေမယ့် လက်ဖွာမိပြီး အကုန်အကျ များလိမ့်မယ်။ အချစ်ရေး၊ အိမ်ထောင်ရေးမှာ ဒီနေ့က အညံ့ ရှိတယ်။ ဒီနေ့ မွန်းလွဲ ၁၂ ခွဲနဲ့ ၁ ကြား ကံကောင်းချိန် ဖြစ်တယ်။ ဘုရားမှာ နို့ထမင်းဆွမ်း ကပ်လှူရမယ်။ တစ်နေ့တာ အကျိုးပေးဂဏန်းက ၆၃ နဲ့ ၈၄ ဖြစ်ပြီး နက်ပြာနဲ့ မိုးပြာရောင်က ကံကောင်းစေမယ့်အရောင်တွေ ဖြစ်တယ်။

ကောင်း

စနေ - ကာလရှည်ကြာ စောင့်မျှော်နေတဲ့ကိစ္စတွေ အောင်မြင်မှု ရတတ်တယ်။ နိုင်ငံရပ်ခြားကိစ္စတွေလည်း ဒီနေ့ ဆောင်ရွက်ရင် အဆင်ပြေတာ များမယ်။ သက်ကြီးဝါကြီးတွေ၊ လူမျိုးခြား၊ ဘာသာခြားတွေက ကူညီကြမယ်။ မမျှော်လင့်ဘဲ ကံစမ်းတာတွေက ထူးခြားတတ်တယ်။ ငွေဝင်ကိန်း ရှိပေမယ့် ဝင်လာသမျှ မမြဲဘဲ ဖြစ်နေမယ်။ အလုပ်မှာ အကောင်းရောအဆိုးပါ ယှဉ်နေတတ်တယ်။ မေတ္တာရေးကိစ္စမှာ စိတ်အနှောင့်အယှက် များလိမ့်မယ်။ ဒီနေ့ ညနေ ၄ ခွဲနဲ့ ၅ ကြား ကံကောင်းချိန် ဖြစ်တယ်။ ဘုရားမှာ နန်းကြီးသုပ် ကပ်လှူပေးရမယ်။ တစ်နေ့တာ ကံကောင်းစေမယ့်အရောင်က အဝါဖျော့နဲ့ အနက် ဖြစ်ပြီး ၉၇ နဲ့ ၉၀ တွေက အကျိုးပေးဂဏန်းတွေ ဖြစ်တယ်။

သင့်

MPT အနေဖြင့် ရပိုင်ခွင့်ရှိသည့် အခွင့်အရေးများအားလုံးကို သီးသန့်ထိန်းသိမ်းထားရှိပါသည်။ လူကြီးမင်းတို့အနေဖြင့် MPT လိုတရ ဝန်ဆောင်မှုတွင် ဖော်ပြထားသည့် စာမူများကို MPT ၏ စာဖြင့်ရေးသားခွင့်ပြုချက်မရှိဘဲ ပြန်လည်ထုတ်ဝေခွင့်မရှိပါ။

#lotaya_horoscope