တနင်္ဂနွေ - စိတ်ရှုပ်စရာလေးတွေ ရှိပေမယ့် ဒီနေ့မှာ ကိုယ်လုပ်ရမယ့်အရာတွေကို အဆင်ပြေပြေ လုပ်နိုင်မယ်။ နာမည်ရစရာ၊ မျက်နှာပွင့်စရာကိစ္စတွေ ကြုံရတတ်တယ်။ အစိုးရနဲ့ ဆက်စပ်တဲ့ကိစ္စတွေ ဆက်သွယ်ပြောဆို အောင်မြင်နိုင်တယ်။ လူကြီးသူမတွေက မျက်နှာသာပေး ကူညီပေးတတ်တယ်။ ငွေရေးကြေးရေးကံဇာတာတွေ ပွင့်လန်းမယ်။ အလုပ်တွေ အဆတင်ပြေလွယ်ကူမယ်။ ချစ်ရေးချစ်ရာပိုင်းမှာတော့ ဆိုးကောင်းယှဉ်နေမယ်။ ဒီနေ့ ညနေ ၃ ခွဲနဲ့ ၄ ခွဲကြား ကံကောင်းချိန် ဖြစ်တယ်။ ဘုရားမှာ အုန်းနို့ခေါက်ဆွဲ လှူပေးရမယ်။ တစ်နေ့တာ ကံကောင်းစေမယ့်အရောင်က ဝါရွှေရောင်နဲ့ လိမ္မော်ရောင် ဖြစ်ပြီး အကျိုးပေးဂဏန်းက ၁၂ နဲ့ ၁၉ ဖြစ်တယ်။

ကောင်း

တနင်္လာ - မမျှော်လင့်ဘဲ လိုအင်ဆန္ဒလေးတွေ ပြည့်ဝတတ်တယ်။ သွားချင်တာလေးတွေ သွားခွင့်ရတတ်ပြီး မထင်မှတ်ထားသူတွေဆီကလည်း အကူအညီ၊ ဆက်သွယ်မှုတွေ ရရှိတတ်တယ်။ အမျိုးသမီးအကြီးအကဲတွေ၊ ရွယ်တူ (သို့) ငယ်ရွယ်သူတွေကြောင့် အဆင်ပြေ စိတ်ချမ်းသာမယ်။ အလုပ်အကိုင်ပိုင်းမှာ အတိုက်အခိုက်တွေ ပေါ်မယ်။ စိတ်ညစ်စရာတွေလည်း ဖြတ်သန်းရလိမ့်မယ်။ အချစ်ရေး၊ အိမ်ထောင်ရေးမှာ စိတ်ပူပန်မှု များမယ်။ ဒီနေ့ မနက် ၉ နဲ့ ၉ ခွဲကြား ကံကောင်းချိန် ဖြစ်တယ်။ ဘုရားမှာ ခေါက်ဆွဲကြော် ကပ်လှူရမယ်။ တစ်နေ့တာ အကျိုးပေးဂဏန်းက ၂၀ နဲ့ ၉၇ ဖြစ်ပြီး ကံကောင်းစေမယ့်အရောင်က အဖြူဆွတ်ဆွတ်နဲ့ ပန်းရောင် ဖြစ်တယ်။

သင့်

အင်္ဂါ - ဒီနေ့မှာ သည်းခံနိုင်စွမ်းတွေ နည်းနေတတ်လို့ ခိုက်ရန်၊ ပြဿနာတွေ ဖြစ်တတ်တယ်။ ထစ်ခနဲဆိုတာနဲ့ ကိုယ့်စိတ်က မထိန်းနိုင်ဘဲ အမှားတွေ လုပ်မိတတ်တယ်။ စိတ်က တက်ကြွလျင်မြန်လွန်းလို့ လူက မနည်းကို လိုက်နေရလိမ့်မယ်။ ဒေါသကြောင့် ပြဿနာတွေ ဖြစ်တတ်လို့ သည်းခံစိတ်ရှည်မှ ကောင်းမယ်။ အလုပ်တွေ ဆက်လုပ်နေရင် ဟိုမရောက်ဒီမရောက် ဖြစ်မယ်။ အချစ်ရေး၊ အိမ်ထောင်ရေးမှာတော့ လိုအင်ဆန္ဒ ပြည့်မယ်။ နေ့ခင်း ၂ နဲ့ ၂ ခွဲကြား ကံကောင်းချိန် ဖြစ်တယ်။ စိတ်ကျန်းမာရေးမကောင်းသူကို စားစရာ လှူပေးရမယ်။ ဒီနေ့ ကံကောင်းစေမယ့်အရောင်က နို့နှစ်ရောင်နဲ့ လိမ္မော်ရောင် ဖြစ်ပြီး အကျိုးပေးဂဏန်းက ၁၄ နဲ့ ၁၀ ဖြစ်တယ်။

ညံ့


MPT IPTV သို့သွားရန်နှိပ်ပါ ဗုဒ္ဓဟူး - ဟိုသွားဒီသွားချင်စိတ်တွေ များမယ်။ ဟိုနေရာလည်းပါ၊ ဒီနေရာလည်းပါချင်ပြီး စိတ်ဂဏှာမငြိမ်တွေ ဖြစ်နေမယ်။ မိတ်ဆွေအပေါင်းအသင်းတွေကတော့ အားကိုးရမယ်။ အကူအညီကောင်းတွေလည်း ရလိမ့်မယ်။ လုပ်ငန်းစီးပွားနဲ့ ငွေကြေးကိစ္စပိုင်းမှာ အတော်အသင့် ဖြစ်ထွန်းမှု ရှိလာမယ်။ စပ်တူရှယ်ယာတွေကလည်း အကျိုးပေးမယ်။ နေရာထိုင်ခင်းကိစ္စ စိတ်ပူစရာ ပေါ်မယ်။ မေတ္တာရေးမှာ စိတ်ကသိကအောက် ဖြစ်နေရမယ်။ ဒီနေ့ မနက် ၈ နဲ့ ၉ ကြား ကံကောင်းချိန် ဖြစ်တယ်။ ဘုရားမှာ အုန်းရည် ကပ်လှူပေးရမယ်။ တစ်နေ့တာ အကျိုးပေးဂဏန်းက ၄၅ နဲ့ ၁၅ ဖြစ်တယ်။ ကံကောင်းစေမယ့်အရောင်က ကြည်ပြာရောင်တစ်မျိုးပဲ ဖြစ်တယ်။

သင့်

ရာဟု - တစ်နေ့လုံးမှာ အကြောင်းကိစ္စပေါင်းစုံနဲ့ စိတ်ရှုပ်စရာတွေ အရမ်း များလာနိုင်တယ်။ အိမ်မကပ်ဘဲ အသွားအလာကိစ္စတွေလည်း မကြာခဏ ပေါ်လာတတ်တယ်။ မိသားစုထဲမှာ အသေးအဖွဲ ပြဿနာလေးတွေနဲ့ စကား အခြေအတင် ဖြစ်တတ်တယ်။ အဆိုးအကောင်း ကိစ္စကြီးကြီးမားမား မရှိတတ်ပေမယ့် ဒီနေ့ကတော့ ဗာဟီရတွေ များပြီး အငြိမ်မနေရဘဲ ဖြစ်နေမယ်။ အချစ်ရေး၊ အိမ်ထောင်ရေးမှာ အငြင်းအခုံလေးတွေ ဖြစ်မယ်။ ဒီနေ့ နေ့ခင်း ၁ ခွဲနဲ့ ၂ ကြား ကံကောင်းချိန် ဖြစ်တယ်။ ဘုရားမှာ ပေါင်မုန့်အုန်းနို့ဆမ်း လှူရမယ်။ တစ်နေ့တာ ကံကောင်းစေမယ့်အရောင်ကတော့ အနီရောင်တစ်မျိုးတည်း ဖြစ်ပြီး အကျိုးပေးဂဏန်းက ၈၂ နဲ့ ၁၈ ဖြစ်တယ်။

သင့်

ကြာသပတေး - ငွေကြေး (သို့) လိုချင်တဲ့အရာလေးတွေ ရရှိတတ်တယ်။ စိတ်တိုင်းမကျစရာ ရှိတတ်ပေမယ့် တစ်နေ့တာလုံးမှာ လာဘ်လာဘတွေ ဝင်လာတတ်တယ်။ အလုပ်ကိစ္စ၊ ငွေကြေးကိစ္စမှာ စိတ်ပင်ပန်းလူပင်ပန်း ဖြစ်ပြီးမှ အဆင်ပြေတတ်တယ်။ မိတ်ဆွေ၊ ဆရာသမား၊ အကြီးအကဲတွေက ကူညီစောင့်ရှောက်ပေးလာမယ်။ မိသားစု၊ အိမ်တွင်းရေးမှာ သောက ဖြစ်ရတတ်တယ်။ မေတ္တာရေးမှာလည်း တကျက်ကျက်နဲ့ ဆူပူရလိမ့်မယ်။ ဒီနေ့ နေ့လယ် ၁၂ နဲ့ ၁ ကြား ကံကောင်းချိန် ဖြစ်တယ်။ ဘုရားမှာ ကော်ဖီ ၂ ခွက် ကပ်လှူရမယ်။ တစ်နေ့တာ အကျိုးပေးဂဏန်းက ၅၉ နဲ့ ၂၂ ဖြစ်တယ်။ ကံကောင်းစေမယ့်အရောင်က အဖြူသန့်သန့်နဲ့ အဝါဖျော့ ဖြစ်တယ်။

သင့်

သောကြာ - တစ်နေကုန် လူရောစိတ်ပါ မရွှင်လန်းဘဲ လေးလံထိုင်းမှိုင်းနေတတ်တယ်။ ကိုယ်ရေးကိုယ်တာကိစ္စ တစ်နေ့တာ အကြံအစည်၊ ရည်ရွယ်ချက်ကိစ္စတွေက ထင်သလို မဖြစ်ဘဲ အချိန်ကုန်၊ လူပန်း ဖြစ်ရတတ်တယ်။ အလုပ်ကိစ္စ၊ ငွေကြေးကိစ္စတွေမှာ ပြောဆိုငြင်းခုံစရာတွေ ဖြစ်လာတတ်တယ်။ အနှောင့်အယှက် များနေမယ်။ ခရီးကိစ္စ၊ အသွားအလာကိစ္စတွေ ပျက်သွားတတ်တယ်။ ချစ်ရေးချစ်ရာပိုင်းမှာ ကောင်းဆိုး ယှဉ်တွဲတတ်တယ်။ ဒီနေ့ ညနေ ၄ ခွဲနဲ့ ၅ ကြား ကံကောင်းချိန် ဖြစ်တယ်။ မသန်စွမ်းသူကို စားစရာ ကူညီပေးရမယ်။ တစ်နေ့တာ ကံကောင်းစေမယ့်အရောင်ကတော့ အဝါရင့်နဲ့ အပြာရင့် ဖြစ်ပြီး အကျိုးပေးဂဏန်းက ၄၇ နဲ့ ၈၀ ဖြစ်တယ်။

ညံ့

စနေ - ပုံမှန်ဝင်ငွေသာမက တခြားရပေါက်ရလမ်းတွေလည်း ပေါ်လာတတ်တယ်။ လက်ဆောင်တွေ ရတာမျိုး၊ လိုချင်တာလေးတွေ လက်ထဲ ရောက်လာတာမျိုး ကြုံရမယ်။ လုပ်ငန်းကိုင်ငန်း တိုးတက်လမ်းတွေ မြင်ရမယ်။ အကူအညီ၊ အထောက်အပံ့တွေလည်း ရရှိလွယ်မယ်။ အကြီးအကဲ၊ အစိုးရအာဏာပိုင်တွေက ကူညီပေးမယ်။ သူများကိစ္စနဲ့ အချိန်ကုန်ရတာတွေ၊ တာဝန်ခံရတာတွေ ဖြစ်မယ်။ ချစ်မေတ္တာရေးမှာ ကံဇာတာ တက်နေမယ်။ ဒီနေ့ မနက် ၁၁ နဲ့ ၁၂ ကြား ကံကောင်းချိန် ဖြစ်တယ်။ ဘုရားမှာ အိုဗာတင်း ကပ်လှူရမယ်။ တစ်နေ့တာ အကျိုးပေးဂဏန်းက ၇၁ နဲ့ ၇၅ ဖြစ်တယ်။ မိုးပြာရောင်နဲ့ အနက်ရောင်တွေကို အဆောင်အဖြစ် သုံးနိုင်တယ်။

ကောင်း

MPT အနေဖြင့် ရပိုင်ခွင့်ရှိသည့် အခွင့်အရေးများအားလုံးကို သီးသန့်ထိန်းသိမ်းထားရှိပါသည်။ လူကြီးမင်းတို့အနေဖြင့် MPT လိုတရ ဝန်ဆောင်မှုတွင် ဖော်ပြထားသည့် စာမူများကို MPT ၏ စာဖြင့်ရေးသားခွင့်ပြုချက်မရှိဘဲ ပြန်လည်ထုတ်ဝေခွင့်မရှိပါ။

#lotaya_horoscope