အခုတင်ပြမှာကတော့ လူမှုဘဝကိစ္စအထွေထွေရှိတဲ့အထဲကနေပြီးတော့ အန္တရာယ်အမျိုးမျိုးကနေ ကင်းဝေးစေတဲ့ ယတြာဂါထာအစီအစဉ်ဘဲ ဖြစ်ပါတယ်။

လူတိုင်းလူတိုင်းတွေမှာ အခက်အခဲတွေ ၊ အန္တရာယ်တွေ ၊ အကျပ်အတည်းတွေ ရှိတတ်ပါတယ်။ တစ်မျိုးမဟုတ်တစ်မျိုးနဲ့ စိတ်ပူရတဲ့ အခြေအနေမျိုးတွေ ရှိတတ်ပါတယ်။ ဒီလိုအခက်အခဲတွေ ၊ ပြဿနာတွေ ၊ ဘေးစိုးတွေ ၊ အန္တရာယ်စိုးတွေ ကင်းဝေးစေဖို့ရာအတွက် နေ့စဉ်ရွတ်ဖတ်ရမယ့် ဂါထာအကြောင်းကို တင်ပြပေးချင်ပါတယ်။

အဲဒါကတော့ ကိုးနဝင်းဂါထာအကြောင်းဘဲ ဖြစ်ပါတယ်။ ကိုးနဝင်းဂါထာကို ရွတ်ဖတ်ပူဇော်မယ်ဆိုရင် အန္တာရာယ်စိုးတွေ ၊ ဘေးစိုးတွေကနေပြီးတော့ ကင်းဝေးပြီးတော့ စိတ်ချမ်းသာ ကိုယ်ချမ်းသာနဲ့ မိမိလုပ်ကိုင်ဆောင်ရွက်တဲ့ကိစ္စတွေမှာ အေးအေးဆေးဆေးနဲ့ သွားလာလုပ်ကိုင် ဆောင်ရွက်နိုင်စွမ်းရှိမှာ ဖြစ်ပါတယ်။

ဂါထာကတော့ -

*ဗုဒ္ဓွေါစ မဇ္ဈိမေ သေဋ္ဌော၊

သာရိပုတ္တော စ ဒက္ခိဏေ။

*ပစ္ဆိမေန စ အာနန္ဒော၊

ဥတ္တရေ မောဂ္ဂလ္လာယနော။

*ကောဏ္ဍညော ပုဗ္ဗဘာဂသ္မိံ၊

ပါဂပ္ပေ စ ဂဝမ္ပတိ။

*ဥပါလိ နရတိ စေ၀ ၊

အဂ္ဂိနေယဉ္စ ရေဝတော။

*ရာဟုလောစေ၀ ဧသန္နေ၊

တေ မေ ဒဒန္တု မင်္ဂလံ။

ဒီဂါထာလေးကို ရွတ်ဖတ်မယ်ဆိုရင် အန္တရာယ်ကင်းပြီးတော့ ဘေးစိုးတွေ ၊ ရန်စိုးတွေ ၊ လက်နက်စိုးတွေကနေပြီးတော့ ကင်းဝေးမှာဖြစ်ပါတယ်။

အဲဒီတော့ မိမိတို့ အမြဲတမ်းသွားလာလုပ်ကိုင်တဲ့အခါမှာ အန္တရာယ်ကြားမှာ သွားရတဲ့အခါမှာ ဘုရားကိုးဆူ နဝင်းမန္တန်ဖြစ်တဲ့ ဂါထာလေးကို ရွတ်ဖတ်ပြီးတော့ သွားလာမယ်ဆိုရင် မိမိမှာတစ်ကိုယ်လုံးမှာ အစောင့်အရှောက် အကာအကွယ် ယူသလိုဖြစ်ပြီး အန္တရာယ်ကနေကင်းဝေးနိုင်ပါတယ်။

မိမိတို့ သွားလာလုပ်ကိုင် ဆောင်ရွက်တဲ့အခါမှာ ခရီးသွားတဲ့အခါမှာ (အန္တရာယ်ရှိတဲ့ခရီးတွေ) ၊ စစ်ဘေးစစ်ဒဏ်ရှိတဲ့ခရီးမျိုးတွေ သွားတဲ့အခါမှာ လက်နက်ဘေးတွေ ဘေးစိုးတွေ အန္တရာယ်စိုးတွေ အမျိုးမျိုးကနေ ကင်းဝေးနိုင်အောင်လို့ ဂါထာကို အမြဲတမ်းရွတ်ဖတ်ပြီး သွားလာလုပ်ကိုင်မယ်ဆိုရင် အဆင်ပြေမှာ ဖြစ်ပါတယ်။

အားလုံးကျန်းမာချမ်းသာ၍ လိုရာဆန္ဒပြည့်ဝကြပါစေ ခင်ဗျာ့။

ဆရာစိုးနိုင် (မြန်မာနိုင်ငံဝေဒသုတေသနအဖွဲ့)

MPT အနေဖြင့် ရပိုင်ခွင့်ရှိသည့် အခွင့်အရေးများအားလုံးကို သီးသန့်ထိန်းသိမ်းထားရှိပါသည်။ လူကြီးမင်းတို့အနေဖြင့် MPT လိုတရ ဝန်ဆောင်မှုတွင် ဖော်ပြထားသည့် စာမူများကို MPT ၏ စာဖြင့်ရေးသားခွင့်ပြုချက်မရှိဘဲ ပြန်လည်ထုတ်ဝေခွင့်မရှိပါ။

#lotaya_horoscope