မတ်လ ၁၃ ရက်နေ့ ပျိုရွယ်သူတို့အတွက် ချစ်ရေးချစ်ရာ ဘဝတွက်တာဗေဒင်
lotaya.mpt.com.mm
|
2019-03-13




မတ်လ ၁၃ ရက်နေ့ ပျိုရွယ်သူတို့အတွက် ချစ်ရေးချစ်ရာ ဘဝတွက်တာဗေဒင်

လိုတရပရိတ်သတ်ကြီးရှင့်၊ ဆရာမဒေါက်တာ စောယုနွယ်ဟောပြောပေးထားတဲ့ ချစ်ရေးချစ်ရာ ဘဝတွက်တာ ဗေဒင်ကို မတ်လ ၁၃ ရက်နေ့အတွက် ဖော်ပြပေးလိုက်ပါတယ်။ မည်သည့်လ၊ မည်သည့်ရက်မှာ မွေးဖွားသူများဖြစ်စေ မိမိမွေးရက်ဖြင့် တိုက်ဆိုင်ကြည့်ရှုလေ့လာနိုင်မှာဖြစ်ပါတယ်။

မည်သည့်လတွင်မဆို (၁၊ ၁ဝ၊ ၁၉၊ ၂၈) ရက်မွေးဖွားသူများ

ဒီရက်မှာ ပျိုရွယ်သူများအဖို့ ချစ်သူ၏ ချိန်းဆိုခြင်းကိုခံရတတ်သည်။ ရပ်ဝေးက သတင်းကောင်းကြားရတတ်သည်။ ဟိုနေရာ၊ ဒီနေရာက ငွေတွေဝင်လာ တတ်သည်။ ဝန်ထမ်းဖြစ်ပါက လုပ်ငန်းတွင်အတိုက်အခံပေါ်တတ်သည်။ နိုင်ငံရပ်ခြား ခရီးသွားရတတ်သည်။အဝါနုရောင်ဝတ်ပြီး ထီထိုးပါက ပိုမို၍ ကံကောင်းတတ်သည်။ စက်ပစ္စည်းတစ်ခု ဝင်လာတတ်သည်။ စက်ကောင်း၊ စက်သန့် ဖြစ်နေတတ်သည်။ လုပ်ငန်းအခွင့်အလမ်းသစ်ရခဲ့ပါက လုပ်ဆောင်လိုက်ပါ။အိမ်ထောင်သည်တွေအဖို့အိမ်ထောင်ဘက်၏ကောင်းသတင်း ကြားရသောကြောင့် စိတ်ပျော်ရွှင်မှုရမည်။ ကျန်းမာရေးမှာ ဆေးမှား၊အစားမှား ဖြစ်မည်။

ကံကောင်းသောနံပါတ် ။ ။ ၉, ၆, ၄ ကံကောင်းသောအရောင် ။ ။ ပန်းရင့်ရောင်

ယတြာ ။ ။ မိတ်ဆွေများကို ကော်ဖီနှင့် ဂျေဒိုးနတ်မုန့် ဝယ်ကျွေးပါ။

မည်သည့်လတွင်မဆို (၂၊ ၁၁၊ ၂ဝ၊ ၂၉) ရက်မွေးဖွားသူများ

ဒီရက်မှာ ပျိုရွယ်သူများအချစ်ရေး ကောင်းမွန်နေမည်။ လူမှုရေးနယ်ပယ်တွင်အထူးအဆင်ပြေမည်။ သွားလေရာ မျက်နှာပွင့်လန်း၍ မိတ်ဆွေ သစ်များတိုးပွားမည်။ ပြည်တွင်း၌ပင် မိမိ၏လုပ်ငန်းများ ကြီးပွားတိုးတက်လာနိုင်၏။ ထို့ပြင် နယ်စပ် ကုန်သွယ်မှု၊အိမ်နီးချင်းနိုင်ငံများနှင့် ကုန်သွယ်မှု စသည်တို့အကျိုးပေးမည်။ ရိပ်သာဝင်ခြင်း၊အဓိဋ္ဌာန် ဝင်ခြင်းဖြင့် ကုသိုလ်ကံမြင့်မားလာနိုင်ပါသည်။ ဝန်ထမ်းများ မမျှော်လင့်ဘဲ တာဝန်သစ်များ၊ တာဝန်ကြီးများ ပူးတွဲတာဝန်များ ထမ်းဆောင်ရတတ်၏။ သံတမန်လုပ်ငန်းများ ဌာနေကိုယ်စားလှယ်လုပ်ငန်းများ ပိုမိုအကျိုးဖြစ်ထွန်းပါမည်။ စီးပွားတက်လေလေ၊ လုပ်ငန်းအောင်မြင်လေလေ သတိထားရလေဖြစ်သည်။ ပညာရေး၌အောင်မြင်မှုများရမည်။ ကျန်းမာရေးအထူး ဂရုစိုက်ပါ။ ဦးခေါင်းပိုင်းဆိုင်ရာ ရောဂါများ မဖြစ်စေရန် ဂရုစိုက်ပါ။

ကံကောင်းသောနံပါတ် ။ ။ ၉, ၃, ၆ ကံကောင်းသောအရောင် ။ ။အနီရောင်

ယတြာ ။ ။ မိမိအိမ်ကဘုရားတွင် ဆွမ်းပူပူပေါ် နို့ဆီဆမ်း၍ကပ်လှူပါ။

မည်သည့်လတွင်မဆို (၃၊ ၁၂၊ ၂၁၊ ၃ဝ) ရက်မွေးဖွားသူများ

ဒီရက်မှာ ပျိုရွယ်သူတွေအဖို့အချစ်ရေးတွင်အထင်လွဲခံရတတ်သည်။အိမ်၊အလုပ်နေရာ၊အပြောင်းအရွှေ့ပေါ်မည်။ လုပ်ငန်းထဲမှာအနှောင့်အယှက်ပေါ်မည်။ နေအိမ်သို့ ဘုရားဆင်းတုတော်၊ ဘုရားပုံြ<ွကလာပါက ရပ်ဝေးကငွေရောက်လာတတ်သည်။ ခရီးသွားရတတ်သည်။ ပြည်ပသို့ခရီးသွားဖို့ ကြံရွယ်ထားသူများအောင်မြင်နိုင်သည်။ စက်ပစ္စည်းတစ်ခုထွက်တတ်သည်။ ပျက်တတ်သည်။အတတ်ပညာတစ်ခု စတင်သင်ကြားရတတ်သည်။အိမ်ထောင်သည်တွေအဖို့ ခရီးဝေးသွားတာ ကြုံရတတ်သည်။ ဆီးနှင့်ပတ်သက်သော ဝေဒနာ ခံစားရတတ်သည်။

ကံကောင်းသောနံပါတ် ။ ။ ၃, ၇, ၂ ကံကောင်းသောအရောင် ။ ။အပြာရောင်

ယတြာ ။ ။အိမ်ကဘုရားမှာ ထန်းလျက်နှင့် ဆွမ်းတော်ကပ်ပါ။

မည်သည့်လတွင်မဆို (၄၊ ၁၃၊ ၂၂၊ ၃၁) ရက်မွေးဖွားသူများ

ဒီရက်မှာအချစ်ရေးတွင် ချစ်သူမှ တန်ဖိုးကြီးလက်ဆောင် ဝယ်ပေးလိမ့်မည်။ မိမိစီးပွားရေးလုပ်ငန်း ဝင်ငွေကောင်းခြင်း၊ ကံကောင်းခြင်းများ ဖြစ်နေလိမ့်မည်။ လျှို့ဝှက်မှုများ ပေါက်ကြားတတ်သည်။ ဝန်ထမ်းဖြစ်ပါကအကြီးအကဲတို့၏ ချစ်ခင်ခြင်း၊ ချီးမြှင့်မြောက် စားခြင်းခံရတတ်သည်။အလုပ်နေရာပြောင်းရွှေ့ခြင်း၊ ကောင်းသောနေရာသို့ ရရှိခြင်း ကြုံရတတ်သည်။ လက်အောက်ငယ်သားကြောင့် စိတ်အနှောင့်အယှက်များကြုံမည်။ ပတ်ဝန်းကျင်ရှိသူများနှင့် စိတ်ဝမ်းကွဲတတ်သည်။ ဆိုင်ကိစ္စအခက်အခဲများ ဖြစ်တတ်ပါတယ်။ ခရီးကောင်းသွားရတတ်သည်။ ကျန်းမာရေးမှာ မျက်စိကိုက်ခြင်း၊ ချွန်သောအရာနှင့် ထိခိုက်ခြင်းမျိုး ကြုံရတတ်သည်။

ကံကောင်းသောနံပါတ် ။ ။ ၉, ၇, ၄ ကံကောင်းသောအရောင် ။ ။ ကြက်သွေးရောင်

ယတြာ ။ ။ မိတ်ဆွေတစ်ဦးကို ကြက်သားဖက်ထုပ်ဆီချက် ဝယ်ကျွေးပါ။

မည်သည့်လတွင်မဆို (၅၊ ၁၄၊ ၂၃) ရက်မွေးဖွားသူများ

ဒီရက်မှာ ပျိုရွယ်သူတွေအဖို့ ချစ်သူနဲ့ စိတ်သဘောထား ကွဲလွဲမည်။ မထင်မှတ်သော ပြောင်းလဲမှုနဲ့ ကြုံတွေ့ရတတ်သည်။အပြိုင်အဆိုင်တွေကြားထဲကအောင်မြင်မှုရတတ်သည်။အလုပ်မရှိသေးသူများအလုပ်တစ်ခုရတတ်သည်။ ရပ်ဝေးက ငွေဝင်လာတတ်သည်။ ဘုရားပုံ၊ ဘုရားဆင်းတုတော်ြ<ွကလာပါက ၉အစ ၄အဆုံးထီထိုးလိုက်ပါ။ ပညာရပ်တစ်ခုကို ထပ်မံ၍သင်ကြားရတတ်သည်။အကျိုးပေးသော ပညာရေးဖြစ်သည်။ ဝန်ထမ်းဖြစ်ပါကအထက်လူကြီးကြောင့် စိတ်ညစ်ရတတ်သည်။အိမ်ထောင်သည်တွေအဖို့ ငွေကြေးကိစ္စ စကားပြောရမည်။ ကျန်းမာရေးမှာ လည်ချောင်းနာမည်။

ကံကောင်းသောနံပါတ် ။ ။ ၉, ၃, ၇ ကံကောင်းသောအရောင် ။ ။ ပန်းနုရောင်

ယတြာ ။ ။ မိတ်ဆွေများကို ပဲပြုတ်နှင့် ထမင်းကြော်ကျွေးပါ။

မည်သည့်လတွင်မဆို (၆၊ ၁၅၊ ၂၄) ရက်မွေးဖွားသူများ

ဒီရက်မှာ ပျိုရွယ်သူများအချစ်ကံ ခေနေမည့်အချိန်ဖြစ်သည်။အတိုက်အခံစီးပွားရေးလုပ်ငန်းများအောင်မြင်တတ်သည်။ ဝင်ငွေများလည်းအစု လိုက်အပုံလိုက် ဝင်လာတတ်သည်။အကြီးအကဲများရဲ့အကူအညီရတတ်ပါသည်။ နိုင်ငံရပ်ခြားသွားရန် စီစဉ်ထားသူများအဆင်မပြေနိုင်သေးပါ။ ဆွေမျိုးသားချင်းထဲက ဘုရားဖူးခရီးထွက်ရန် လာခေါ်တာမျိုးနဲ့ ကြုံရတတ်ပါတယ်။အတွေးအခေါ်သစ်၊အကြံအစည်သစ်များ တိုးတက်မြင့်မားအောင်မြင်အောင် ကြိုးစား နိုင်ပါလိမ့်မည်။အရေးကြီးသောလုပ်ငန်းများ၊ စာချုပ် ချုပ်ဆိုခြင်းများမှာ ဆုံးဖြတ်ချက်တစ်စုံတစ်ရာ ချရတတ်တယ်။ မှန်ကန်သော ဆုံးဖြတ်ချက် ဖြစ်တတ်ပါတယ်။ ယှဉ်ပြိုင်ဘက်များကို ကျော်လွှား၍ စီးပွားရေးဈေးကွက် ချဲ့ထွင်နိုင်မည်။ မိမိကျွမ်းကျင်သော ပညာရပ်နယ်ပယ်၊ လုပ်ငန်းနယ်ပယ်တို့၌သာလျှင် တိုးတက်အောင် စူးစိုက်ဆောင်ရွက်သင့်ချိန်ဖြစ်သည်။ ကျန်းမာရေး ကောင်းမွန်ချိန်ဖြစ်သည်။

ကံကောင်းသောနံပါတ် ။ ။ ၃ဝ, ၄ဝ ကံကောင်းသောအရောင် ။ ။ မြင်းချီးရောင်

ယတြာ ။ ။အိမ်ကဘုရားမှာ မုန့်ဖက်ထုပ်ဖြင့် ဆွမ်းတော်ကပ်ပါ။

မည်သည့်လတွင်မဆို (၇၊ ၁၆၊ ၂၅) ရက်မွေးဖွားသူများ

ဒီရက်မှာအချစ်ရေး ချစ်သူကြောင့် စိတ်လေရတတ်ပါတယ်။ ထူးထူးခြားခြား ငွေများ လာဘ်လာဘများ ဝင်လာတတ်သည်။အလုပ်အကိုင်နှင့် ပတ်ဝန်းကျင်တွင်လည်းအတိုက်အခံများ မတွေ့နိုင်ပါ။အပြိုင်အဆိုင်လုပ်ငန်းများအထူးအကျိုးရှိတတ် သည်။ ခက်ခဲ၍ တောင်းမရသော ငွေကြေးများ ပြန်လည်ရရှိအောင် ဆောင်ရွက်နိုင်မည်။ မိတ်ဆွေတု၊ မိတ်ဆွေဟောင်းများကြောင့် လုပ်ငန်းမှားယွင်း လုပ်ဆောင်မိ၍ ဆုံးရှုံးရတတ်သည်။ ခရီးကောင်း၊ ဘုရားဖူးခရီးတွေ ထွက်ရတတ်တယ်။ နိုင်ငံရပ်ခြားသွားရန် စီစဉ်ထားသူများအဆင်ပြေနိုင်ပါတယ်။ ငွေကြေးနဲ့ပတ်သက်ပြီး စိတ်ပူပင်သောက ရောက်ရတတ်တယ်။ မိခင် ဖခင်အကြီးအကဲတို့ရဲ့ ကျန်းမာရေး ဂရုစိုက်လိုက်ပါ။ မိတ်ဆွေကောင်း၊ ဆရာသမားကောင်းတို့နဲ့ တွေ့ရတတ်တယ်။ ပညာရေးနဲ့ပတ်သက်ပြီးအပေါင်းအသင်း ဖျက်တတ်ပါတယ်။ ကျန်းမာရေးအထူးဂရုစိုက်ပါ။

ကံကောင်းသောနံပါတ် ။ ။ ၄၁, ၅၁ ကံကောင်းသောအရောင် ။ ။အဝါဖျော့ရောင်

ယတြာ ။ ။အိမ်ကဘုရားမှာ ထောပတ်ဆွမ်း ကပ်လှူပါ။

မည်သည့်လတွင်မဆို (၈၊ ၁၇၊ ၂၆) ရက်မွေးဖွားသူများ

ဒီရက်မှာ ပျိုရွယ်သူများ ချစ်သူနှင့် လမ်းခွဲရတတ်သည်။ ဒုက္ခအခက်အခဲများ မတွေ့နိုင်ပါ။ ငွေကြေးလာဘ်လာဘများလည်းအထူးပွင့်နေ မည်။ ကြီးမားသောအတိုက်အခံများ တွေ့ကြုံရတတ်သည်။အတိုက်အခံများ ကြုံတွေ့ခံစားပြီးပါကအောင်မြင်မှုနဲ့ တေ့လွဲလွဲချော် နေတတ်သေးသည်။ ပျောက်ဆုံးနေသော ပစ္စည်းများ ပြန်ရတတ်သလို ပျက်စီးနေသောအိမ်သုံးပစ္စည်းများ ပြန်လည်ပြုပြင်ရတတ်သည်။ ခက်ခဲနက်နဲသောအသိပညာ၊အတတ် ပညာတို့ကို လေ့လာတတ်မြောက် သင်ယူရတတ်သည်။အလုပ်အကိုင် တိုးတက်ကောင်းမွန်မည်။ မိတ်ဆွေရင်းများနဲ့ တစ်ဦးအပေါ်တစ်ဦး သံသယစိတ်ဝင်မိ၍ နောင်တရစရာ ဖြစ်တတ်သည်။ ရေလမ်းခရီးအရောင်းအဝယ်များမှအမြတ်အစွန်း ကြီးမားစွာ ရတတ်သည်။

ကံကောင်းသောနံပါတ် ။ ။ ၁၂, ၁၄ ကံကောင်းသောအရောင် ။ ။အဖြူရောင်

ယတြာ ။ ။အိမ်ကဘုရားမှာအုန်းဆွမ်းဖြင့် ဆွမ်းတော်ကပ်ပါ။

မည်သည့်လတွင်မဆို (၉၊ ၁၈၊ ၂၇) ရက်မွေးဖွားသူများ

ဒီရက်မှာ ပျိုရွယ်သူများ ချစ်သူမှ ရန်လိုနေမည်။ မည်သည့်လုပ်ငန်းကို လုပ်ကိုင်သည်ဖြစ်စေ ဒုက္ခအခက်အခဲနှင့် ကြုံတွေ့ရတတ် သည်။ ထို့အတူ လုပ်ငန်းနှင့်ပတ်သက်၍ လည်းကောင်း၊ ငွေကြေးနှင့် ပတ်သက်၍သော်လည်းကောင်း ဒုက္ခရောက်တတ်သည်။ ပတ်ဝန်းကျင်တွင်အတိုက်အခံများ ကင်းရှင်းနေတတ်သည်။ ငွေနှင့်ပတ်သက်၍ ဒုက္ခရောက်မည် ဖြစ်သော်လည်းအစစအရာရာအောင်မြင်မှုများ ရရှိမည်ဖြစ်သည်။ စာမေးပွဲဖြေဆိုခြင်း၊ ဆွေးနွေးညှိနှိုင်းခြင်း၊ စာချုပ် ချုပ်ဆိုခြင်း စသည်တို့အောင်မြင်ပြီးမြောက်မည်။အရောင်းအဝယ်ကိစ္စများအထူးအဆင်ပြေနိုင်၏။အိမ်ထောင်ရေး သာယာမည်။အလုပ်တိုးတက်ကောင်းမွန်မည်။ ဂုဏ်သိက္ခာရှိသော မိတ်ဆွေကောင်း တိုးပွားမည်။ သူတော်ကောင်း၊ သူတော်စင်များ ဖူးတွေ့ခွင့်ကြုံတတ်၏။

ကံကောင်းသောနံပါတ် ။ ။ ၃ဝ, ၃၂ ကံကောင်းသောအရောင် ။ ။ ကြံရည်ရောင်

ယတြာ ။ ။အိမ်ကဘုရားမှာ သကြားဆွမ်းဖြင့် ဆွမ်းတော်ကပ်ပါ။





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..