မတ်လ ၁၄ ရက်နေ့ ပျိုရွယ်သူတို့အတွက် ချစ်ရေးချစ်ရာ ဘဝတွက်တာဗေဒင်
lotaya.mpt.com.mm
|
2019-03-14




မတ်လ ၁၄ ရက်နေ့ ပျိုရွယ်သူတို့အတွက် ချစ်ရေးချစ်ရာ ဘဝတွက်တာဗေဒင်

လိုတရပရိတ်သတ်ကြီးရှင့်၊ ဆရာမဒေါက်တာ စောယုနွယ်ဟောပြောပေးထားတဲ့ ချစ်ရေးချစ်ရာ ဘဝတွက်တာ ဗေဒင်ကို မတ်လ ၁၄ ရက်နေ့အတွက် ဖော်ပြပေးလိုက်ပါတယ်။ မည်သည့်လ၊ မည်သည့်ရက်မှာ မွေးဖွားသူများဖြစ်စေ မိမိမွေးရက်ဖြင့် တိုက်ဆိုင်ကြည့်ရှုလေ့လာနိုင်မှာဖြစ်ပါတယ်။

မည်သည့်လတွင်မဆို (၁၊ ၁ဝ၊ ၁၉၊ ၂၈) ရက်မွေးဖွားသူများ

ဒီရက်မှာ ပျိုရွယ်သူများအနေနှင့်အလွန် စန်းပွင့်နေလိမ့်မည်။ လာဘ်အလွန်ရွှင်မည့်ကာလဖြစ်သည်။ စိန်အပါအဝင်အဖိုးတန်ပစ္စည်းများ ဝင်လာလိမ့် မည်။ မိမိအိမ်သို့ ဘုရားရုပ်ပွားတော် (သို့မဟုတ်) ဘုန်းကြီးတစ်ပါးအိမ်သို့ြ<ွကလာလိမ့်မည်။ ြ<ွကလာပါကအလွန်ကံကောင်းလိမ့်မည်။ ထီထိုးပေးပါ။ ငွေများဝင်ကိန်းရှိသည်။အလုပ်၌ နာမည်ကောင်းရမည်။ ငွေအလိမ်ခံရတတ်သည်။ မိန်းမတစ်ဦး မိမိ၏ဂုဏ်သိက္ခာကို ညှိုးနွမ်းအောင်ပြုလုပ်မည်။ သတိထားနေပါ။ ပညာရေးအနေနှင့် ဒီကာလတွင်အဆင်ပြေမှုများနှင့်သာကြုံရမည်။အိမ်ထောင်ရှင်များအနေနှင့် ဒီကာလတွင် သားသမီးရတနာ ရရှိလိမ့်မည်။ ကျန်းမာရေးအနေဖြင့် ခေါင်းကိုက်ဝေဒနာ ခံစားရမည်။

ကံကောင်းသောနံပါတ် ။ ။ ၆, ၄, ၂ ကံကောင်းသောအရောင် ။ ။ နီညိုရောင်

ယတြာ ။ ။ မြတ်စွာဘုရားအား ဆွမ်းပူပူပေါ်တွင် ထောပတ်ဆမ်း၍ လှူဒါန်းပေးပါ။

မည်သည့်လတွင်မဆို (၂၊ ၁၁၊ ၂ဝ၊ ၂၉) ရက်မွေးဖွားသူများ

ဒီရက်မှာ ပျိုရွယ်သူများအနေနှင့် ချစ်သူနှင့် ခရီးသွားရမည်။ ဆိုင်ခန်းတစ်ခုရရှိမည်။အမှုအခင်းဖြစ်ပေါ်တတ်သည်။ သူတပါးကိစ္စများကိုအာမခံ မပြုလုပ်ပါနှင့်။ သူတပါးကိစ္စ ကိုယ့်ကိစ္စဖြစ်သွား တတ်သည်။အစားမှား၊ ဆေးမှားဖြစ်တတ်သည်။ သတိ ထားပါ။ ငွေဝင်ကိန်းရှိသည်။ သို့သော် လုပ်ငန်း၌အတိုက်အခံပေါ်တတ်သည်။ မြေနှင့်ပတ်သက်ပြီး စကားပြောရတတ်သည်။ ခရီးဝေးသွားရမည်။ ခရီးကောင်းဖြစ်မည်။ ပညာရေးနှင့်ပတ်သက်ပြီးအနှောင့်အယှက်ကြုံရတတ်သည်။အိမ်ထောင်ရှင်များ ငွေကြေးကိစ္စကြောင့်အိမ်တွင်းရေးပြဿနာဖြစ်မည်။ ကျန်းမာရေးအနေဖြင့် ခြေ၊ လက်ထိခိုက်၍ သွေးထွက်သံယို ဖြစ်တတ်သည်။

ကံကောင်းသောနံပါတ် ။ ။ ၈, ၇, ၂ ကံကောင်းသောအရောင် ။ ။ မီးခိုးရောင်

ယတြာ ။ ။ မြတ်စွာဘုရားအား ဆွမ်းပူပူပေါ်တွင် နို့ဆမ်း၍လှူဒါန်းပေးပါ။

မည်သည့်လတွင်မဆို (၃၊ ၁၂၊ ၂၁၊ ၃ဝ) ရက်မွေးဖွားသူများ

ဒီရက်မှာ ပျိုရွယ်သူများ ချစ်သူနှင့် ခေတ္တဝေးနေရတတ်ပါတယ်။ ခွန်အားစိုက်ထုတ်လုပ်ရသောအလုပ်များအောင်မြင်မည်။ ပိုင်ဆိုင်မှုများလည်း ရရှိမည်။ ပစ္စည်းဥစ္စာ၊ စိန်၊ ရွှေ ရတနာများ တိုးပွားမည်။အောင်မြင်မှုတွေ ဒီရေအလားရရှိမည်။ ပညာနှင့်လုပ်သောအလုပ်များအဆင်ပြေမည်။ မထင်မှတ်ဘဲ လုပ်ငန်းများ တိုးတက်အောင်မြင်တတ်သလို ဆရာကောင်းတွေ့မည်။အလှူတစ်ခုပြုလုပ်ရမည်။ မိတ်ဟောင်း ဆွေဟောင်းများနှင့် ပြန်လည်ဆုံဆည်း ရမည်။ ကူညီမှုများလည်းရရှိမည်။ ခက်ခဲနက်နဲသော ပညာရပ်များ သင်ကြားခွင့်ရမည်။အိမ်ထောင်ရှင်များအနေနှင့် မိသားစုကြားမှာ ငွေရေး၊ ကြေးရေး ကိစ္စများအဆင်မပြေမှုများကြုံရမည်။ ကျန်းမာရေးအနေနှင့် ဦးခေါင်းနှင့် ပတ်သက်သောဝေဒနာများ ခံစားရတတ်သည်။

ကံကောင်းသောနံပါတ် ။ ။ ၉, ၆, ၄ ကံကောင်းသောအရောင် ။ ။အနီရောင်

ယတြာ ။ ။ ဆေးဝါးကုသနေသောသူများကိုအားဆေးလှူဒါန်းပေးပါ။

မည်သည့်လတွင်မဆို (၄၊ ၁၃၊ ၂၂၊ ၃၁) ရက်မွေးဖွားသူများ

ဒီရက်မှာ ပျိုရွယ်သူများအချစ်ရေးတွင်အနှောင့်အယှက်များမည်။ လူမျိုးခြားနှင့်လက်တွဲ၍အကျိုးရှိသောလုပ်ငန်းများ ပြုလုပ်ရမည်။ ရာထူးတိုးခြင်းများ လည်းကြုံရတတ်သည်။ စက်ရုံ၊အလုပ်ရုံများအခြေအနေကောင်းမည်။ ပညာရေးနှင့်ပတ်သက်ပြီးအခွင့်အလမ်းသစ်များရရှိမည်။အနုပညာရှင်များအောင်မြင်မည်။ နည်းလမ်းအသွယ်သွယ်နှင့်အားထုတ်မှုမှ တိုးတက်အောင်မြင်မည်။ မိတ်ဆွေများ မိမိအပေါ်သစ္စာ ဖောက်တတ်သည်။ မလုပ်သင့်တာတွေ လုပ်မိ၊ မတွဲသင့်တာတွေနှင့် တွဲမိလိမ့်မည်။အိမ်ထောင်ရှင်များအနေနှင့်အနေအထိုင် သတိပြုပါ။အိမ်ထောင်ဖက်၏အထင်လွဲမှုခံရတတ်သည်။ ကျန်းမာရေးကတော့အလွန်ကောင်းမည်။

ကံကောင်းသောနံပါတ် ။ ။ ၈, ၇, ၆ ကံကောင်းသောအရောင် ။ ။အပြာရင့်ရောင်

ယတြာ ။ ။ ခရီးသွားမည့်သူတစ်ဦးကို စရိတ်မျှပေးပါ။

မည်သည့်လတွင်မဆို (၅၊ ၁၄၊ ၂၃) ရက်မွေးဖွားသူများ

ဒီနေ့မှာ ပျိုရွယ်သူများအဖို့ ငွေကြေးကိစ္စနှင့်ပတ်သက်၍အိမ်ထောင်ဖက်နှင့် စကားများရတတ်ပါတယ်။အတိုက်အခံလုပ်သူတွေ တန်းစီနေတတ်တယ်။ မတော်တဆထိခိုက်တာ ဆေးရုံဆေးခန်း ရောက်ရတာမျိုးတွေ ကြုံရတတ်ပါတယ်။ ဒါ့ကြောင့် ဘာမဆို သတိထားပြီး လုပ်သင့်တဲ့ကာလဖြစ်ပါတယ်။အလုပ်မှာလည်းအနှောင့်အယှက်တွေ တစ်ခုခုကြုံနေမယ်၊ ကိုယ့်အမှားကို စောင့်ကြည့်နေတတ်သူတွေနဲ့သာ ကြုံတွေ့နေရတတ်ပါတယ်။ ခရီးဝေး သွားရတတ်တယ်။အမှုအခင်းပြဿနာ ကြုံရတတ်ပါသေးတယ်။ သတိထားပါလေ၊ ကျန်းမာရေးအတွက်မူ ဒူး၊ ခါးအောက်ပိုင်း နာကျင်ကိုက်ခဲမှုဝေဒနာများ ခံစားရတတ်ပါတယ်။

ကံကောင်းသောနံပါတ် ။ ။ ၈, ၇, ၄ ကံကောင်းသောအရောင် ။ ။ မိုးပြာရောင်

ယတြာ ။ ။ ရဟန်းတော်တစ်ပါးကို ထီးတစ်လက်လှူပါ။

မည်သည့်လတွင်မဆို (၆၊ ၁၅၊ ၂၄) ရက်မွေးဖွားသူများ

ဒီရက်မှာ ပျိုရွယ်သူတွေအဖို့ တစ်ဦးကိုတစ်ဦး စိတ်မချခြင်းကြောင့် စိတ်ပင်ပန်း၊ လူပင်ပန်း ဖြစ်နေတတ်သည်။ မိမိရဲ့လုပ်ငန်းပိုင်းနဲ့ ပတ်သက်ပြီး ထူးထူးခြားခြားအကျိုးခံစားရတတ်ပါသည်။ ဆိုင်တစ်ဆိုင်ဖွင့်ဖို့ နေရာရှာတာလည်း ဒီရက်ပိုင်းအတွင်း ပြေလည်သွားတတ်တယ်။ မိတ်ဆွေဟောင်း များနဲ့ ပြန်လည်ဆုံတွေ့ရတတ်တယ်။ ¤င်းတို့ဆီမှလည်းအကူအညီရတတ်သည်။အလုပ်လျှောက်ထား သူများ၊အလုပ်အကိုင်အဆင်မပြေသူများ ကောင်းသောသတင်း ကြားရတတ်သည်။ ယခုရက်အတွင်း စက်ပစ္စည်းဝယ်လျှင်အဆင်မပြေ ဖြစ်တတ်တယ်။ သူများအတွက် ငွေအာမခံခြင်းများ ရှောင်လိုက်ပါ။အိုး၊အိမ်၊ ကား၊ ခြံနှင့် ပတ်သက်သောလုပ်ငန်းများအကျိုးအမြတ် ရရှိမည်။ ဝန်ထမ်းများအဖို့အလုပ်ထဲတွင်အတိုက်အခံများ ကြုံရတတ်သည်။ ပြည်ပခရီးဝေးသွားရန် ကြံရွယ်ထားသူများ ဒုတိယအကြိမ် ကြိုးစားမှသာလျှင်အောင်မြင်မှုရမည်။အိမ်ထောင်သည်တွေအဖု့ိ သားသမီးနဲ့ပတ်သက်ပြီးအနည်းငယ် ပူပန်ရတတ်တယ်။ ကျန်းမာရေးမှာ ဆီး၊ မျက်စိ ဒုက္ခပေးတတ်သည်။

ကံကောင်းသောနံပါတ် ။ ။ ၉, ၁၁ ကံကောင်းသောအရောင် ။ ။အညိုရောင်

ယတြာ ။ ။ ဘုရားဖူးမည့်သူကို ခရီးစရိတ်ထောက်ပံ့ပါ။

မည်သည့်လတွင်မဆို (၇၊ ၁၆၊ ၂၅) ရက်မွေးဖွားသူများ

ဒီရက်မှာ ပျိုရွယ်သူတွေအဖု့ိအချစ်ရေးတွင် မိမိက တိတ်တခိုးနဲ့ စွဲလန်းနေသူအား လက်တွဲခွင့်ရရှိမည်။ သင့်အလုပ်အတွက်အပြောင်းအလဲတစ်ခု ကြုံတွေ့ရလိမ့်မယ်။ ကောင်းသောအပြောင်းအလဲဖြစ်သည်။ စီးပွားရေး စပ်တူလုပ်ရခြင်းမျိုး ကြုံတွေ့ရတတ်သည်။ ပတ်ဝန်းကျင်မှ မိမိအပေါ် လေးစားပျူငှာစွာ ဆက်ဆံရမည့်ကာလဖြစ်သည်။ ဆရာသမား၊အကြီးအကဲတို့၏အကူအညီကောင်းတွေ လည်း ရတတ်ပါတယ်။ ဒီရက်အတွင်း သင်တန်းတစ်ခုတက်ရခြင်း၊အင်တာဗျူးတစ်ခု ဝင်ရောက်ဖြေဆို ခြင်းမျိုး ကြုံရတတ်သည်။ ငွေကြေးရင်းနှီးမြှုပ်နှံမှုပြုလုပ်လျှင်အောင်မြင်မှုရသောကာလဖြစ်ပါတယ်။အဖိုးတန် ပစ္စည်းတွေကလည်း တစ်ခုမက ဝင်လာတတ်တယ်။ မထင်မှတ်တဲ့ ဧည့်သည်တွေ ရောက်လာ တတ်တယ်။အိမ်၊အဆောက်အဦ၊ နေရာထိုင်ခင်းကိစ္စတွေမှာအဆင်မပြေ ရှုပ်ထွေးနေတတ်ပါတယ်။ ပြည်ပခရီးဝေးသွားရန် ကြံရွယ်ထားသူများအလုပ်အကိုင်အဆင်ပြေတတ်သည်။အိမ်ထောင်သည်တွေအဖို့ မိသားစုနှင့် ပျော်ပျော်ပါးပါး နေခွင့်ရသောကာလ ဖြစ်သည်။ ကျန်းမာရေးမှာ သွားဖုံးနာခြင်း၊ သွားကိုက်ခြင်းမျိုး ကြုံရတတ်သည်။

ကံကောင်းသောနံပါတ် ။ ။ ၆, ၇, ၉, ၁၁ ကံကောင်းသောအရောင် ။ ။အစိမ်းရောင်

ယတြာ ။ ။ ဒံပေါက်တစ်ပွဲကို လောကပါလမယ်တော်အား လှူပေးပါ။

မည်သည့်လတွင်မဆို (၈၊ ၁၇၊ ၂၆) ရက်မွေးဖွားသူများ

ဒီရက်မှာ ပျိုရွယ်သူတွေအဖို့ ချစ်သူနဲ့ ရန်ဖြစ်ရတဲ့အလုပ်မျိုး မလုပ်မိပါစေနဲ့။ မဖြစ်သင့်သောအလိုဆန္ဒများ ဖြစ်ပေါ်နေပေလိမ့်မည်။ စိတ်မငြိမ် ဖြစ်နေတတ်သည်။ စက်ကိစ္စ၊ စပ်တူကိစ္စ၊ ဆန်ကိစ္စ၊ စာချုပ်စာတမ်းကိစ္စတွေ လုံးဝမလုပ်သင့်တဲ့ကာလပါပဲ။ ဆွေမျိုးကိစ္စ၊အပေါင်းအသင်းကိစ္စတွေလည်း မနားရအောင် ဖြစ်နေလိမ့်မယ်။ ငွေကြေးနဲ့ပတ်သက်ပြီးအတော်စိတ်ရှုပ် ရမယ့်ကာလပါပဲ။ စာမေးပွဲတစ်ခု ဖြေဆိုခြင်း၊အင်တာဗျူးတစ်ခု ဖြေဆိုခြင်းတို့ကို နောက်တစ်ကြိမ် ပြန်လည်ဖြေဆိုရတတ်တယ်။အစိုးရဝန်ထမ်းတွေအဖို့အထက်လူကြီးက ခေါ်ယူတွေ့ဆုံခြင်း၊ ဆူပူခြင်းမျိုး ကြုံရတတ်တယ်။ ငွေချေးငှားမှု၊အာမခံမှုတွေ မလုပ်သင့်ပါ။အိမ်ထောင်သည်တွေအဖို့ ငွေကြေးကိစ္စနဲ့ပတ်သက်ပြီး ရန်ဖြစ်ရတတ်တယ်။ ကျန်းမာရေးမှာအဆိပ်ရှိသော သတ္တဝါတစ်ကောင်အကိုက်ခံရတတ်သည်။

ကံကောင်းသောနံပါတ် ။ ။ ၂, ၆, ၈ ကံကောင်းသောအရောင် ။ ။ ပန်းရောင်

ယတြာ ။ ။ ဘုန်းတော်ကြီးကျောင်းရှိ ကုဋီများကို ရေဆေးပါ။

မည်သည့်လတွင်မဆို (၉၊ ၁၈၊ ၂၇) ရက်မွေးဖွားသူများ

ဒီရက်မှာ ပျိုရွယ်သူတွေအဖို့ မိမိ၏ မိဘဖက်မှ တားဆီးမှုကြောင့် တကွဲတပြားစီ နေရတတ်သည်။ လုပ်သမျှကိစ္စအားလုံး တိုးလို့တန်းလန်း ဖြစ်တတ်သည်။အငြမ်နေရသည်မရှိဘဲ လှုပ်ရှားနေရမယ်။အိမ်ကိစ္စ၊အလုပ်ကိစ္စတွေနှင့် ပတ်သက်ပြီး စိတ်တိုင်းမကျခြင်းမျိုး ဖြစ်တတ်သည်။ ငွေများဝင်သော်လည်းအဖတ်မတင် ဖြစ်နေတတ်သည်။ ဆွေမျိုးညီအစ်ကို မောင်နှမများကြောင့် ငွေကုန်ကြေးကျ များတတ်သည်။အထူးသဖြင့် သောကြာသားသမီး၊ တနင်္လာသားသမီးတို့ စိတ်အနှောင့်အယှက်ပေးတတ်သည်။ မမျှော်လင့်ဘဲ ကွဲကွာနေသော မိတ်ဆွေဟောင်းတစ်ဦးနဲ့ မထင်မှတ်ဘဲ ပြန်လည်တွေ့ရတတ်သည်။ ဘဝတစ်ခုလုံးအတွက်အသုံးဝင်သော ပညာရပ်တစ်ခု သင်ကြားရတတ်သည်။ ဆိုင်သစ်၊ နေရာသစ် ရတတ်သည်။ လူမျိုးခြား ကပြားရုပ်ရှိသူများနှင့် လုပ်ငန်းစပ်တူ လုပ်ရတတ်သည်။ စက်ပစ္စည်းရောင်းဝယ်ရေးလုပ်ငန်းတစ်ခု ဖြစ်နေတတ်သည်။ ဝန်ထမ်းများအဖု့ိ မိမိရဲ့ဆရာသမားအကြီးအကဲက ကိုယ့်ကိုခေါ်ယူ၍အပြစ်တင်ခြင်း၊အပြစ်ဒဏ်ပေးခြင်းမျိုး ကြုံရတတ်သည်။ ပြည်ပခရီးဝေး သွားရန် ကြံရွယ်သူများ မိမိမျှော်လင့်သလို ဖြစ်မလာနိုင်ပါ။အိမ်ထောင်သည်တွေအဖု့ိအိမ်ထောင်ဖက်၏အလုပ်နှင့်ပတ်သက်၍ စိတ်ချမ်းသာစရာ ကြားရတတ်သည်။ ကျန်းမာရေးမှာ ခြေထောက်တွင် ထိခိုက်ဒဏ်ရာ ရတတ်သည်။

ကံကောင်းသောနံပါတ် ။ ။ ၃, ၆, ၉ ကံကောင်းသောအရောင် ။ ။ ချောကလက်ရောင်

ယတြာ ။ ။ ခြေသုတ်ခုံတစ်ခု ဓမ္မာရုံတွင် လှူပေးပါ။





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..