ကိုယ်ခန္ဓာပုံပန်းသဏ္ဍာန် လေးမျိုးနဲ့ တခုချင်းစီအတွက် အကောင်းဆုံးအဝတ်အစားဒီဇိုင်းများ
mystylemyanmar.com
|
2020-07-08

မိန်းကလေးတွေရဲ့ ကိုယ်ခန္ဓာအချိုးအစား အထူးသဖြင့် တင်ပါးရဲ့ပုံပန်းသဏ္ဍာန်ကို အခန်းကဏ္ဍလေးမျိုးဖြင့် ခွဲခြားထားပါတယ်။

ဒါကြောင့် MyStyle Myanmar ကနေပြီး ကိုယ်ခန္ဓာပုံပန်းသဏ္ဍာန်တစ်ခုချင်းစီနဲ့ ထိုအချိုးအစားတွေပေါ်လိုက်ပြီး ဝတ်ဆင်နိုင်မယ့် ဖက်ရှင်ဒီဇိုင်းလေးတွေကို ဖော်ပြပေးလိုက်ရပါတယ်။


လေးထောင့်ပုံသဏ္ဍာန်




တင်ပါးဆုံရိုးနဲ့ ပေါင်တံအရိုးတို့ဟာ ပြားချပ်ချပ်ပုံသဏ္ဍာန်ရှိပြီး တင်ပါးသေးကာ သိသာတဲ့ ခါး၊ တင်၊ ပေါင်တံ အသွင်အပြင်မရှိဘူးဆိုရင်တော့ လေးထောင့်ပုံသဏ္ဍာန်ကိုယ်ခန္ဓာပိုင်ရှင်တစ်ဦးဖြစ်ပါတယ်။


ဘယ်အဝတ်အစားကိုရွေးချယ်ရမလဲ




အထပ်အများအပြားပါဝင်တဲ့ ဝတ်စုံများကသင့်တော်မှုရှိပြီး ကတ္တီပါအသားများကို အထူးရွေးချယ်ဝတ်ဆင့်သင့်ပါတယ်။ အကယ်၍သင်ရွေးချယ်လိုက်တဲ့ ဝတ်စုံမှာ အနောက်ဖက်တွင်လှလှပပ ချည်နှောင်ထားနိုင်မယ့် ဖဲကြိုးပါဝင်မယ်ဆိုရင်တော့ ခန္ဓာကိုယ်ပေါ်လွင်စေဖို့ လုပ်ဆောင်နိုင်မယ့် အကောင်းဆုံးနည်းလမ်းတစ်ခုပဲဖြစ်ပါတယ်။


လုံးဝန်းသောကိုယ်ခန္ဓာပုံသဏ္ဍာန်




အခြားအချိုးအစားများနှင့် ယှဉ်လျှင်တော့ တင်ပါးပုံသဏ္ဍာန်ကကြီးသည်ဟု ထင်ရပါတယ်။ မှန်ထဲတွင် ဘေးတိုက်ကြည့်လိုက်မယ်ဆိုရင် သင့်တင်ပါးက လုံးလုံးလေးဖြစ်နေမယ်ဆိုရင် ကိုယ့်ကိုယ်ကို လုံးဝန်းသောကိုယ်ခန္ဓာပုံသဏ္ဍာန်ထဲက တစ်ယောက်ဟုယူဆနိုင်ပါတယ်။


ဘယ်လိုအဝတ်အစားကလိုက်ဖက်သလဲ




သူများတွေတောင်လိုချင်လို့ မနည်းလုပ်ယူနေရတဲ့အချိန်မှာ ဒီလိုမျိုးပုံသဏ္ဍာန်ကို ရရှိထားသူတွေက ကိုယ့်ကိုယ်ကို ဂုဏ်ယူလိုက်ပါ။ အကယ်၍အနည်းငယ်မသိသာစေချင်ဘူးဆိုရင်တော့ အောက်နားမှာကားထွက်သွားတဲ့ ဝတ်စုံလေးတွေကို ရွေးချယ်စေလိုပါတယ်။ အရှင်းဆုံးကတော့ အောက်နားကျယ်သွားလေလေ၊ တင်ပါးပုံစံသေးသွားလေလေဖြစ်ပါတယ်။


ပြောင်းပြန်အသည်းနှလုံးသဏ္ဍာန်




ဒီလိုမျိုးပုံသဏ္ဍာန်ရှိကြတဲ့သူတွေဟာ တင်ပါးအပေါ်ပိုင်းသေးပြီး အောက်ပိုင်းအရွယ်အစားအနည်းငယ်ကြီးပြီး ဘေးနှစ်ဖက်နှစ်ချက်မှာ မည်သည့်မလိုလားအပ်သည့်အရာ တစ်ခုမှမရှိသည့် ပိုင်ရှင်များဖြစ်ကြပါတယ်။


ရွေးချယ်ရမည့်အဝတ်အစားပုံစံ




ဒီခန္ဓာကိုယ်ပိုင်ရှင်တွေက ခါးအမြင့်ရှိပြီး နန်းဆန်တဲ့ဝတ်စုံဒီဇိုင်းတွေကို ရွေးဝတ်ရမှာဖြစ်ပါတယ်။ သည့်အပြင် ဒူးအရှည်လောက်ရှိသည့် ကိုယ်ကျပ်အဝတ်အစားများကလည်း ပေါင်တံအလှကိုပေါ်လွင်စေမှာဖြစ်ပါတယ်။


ဗွီပုံစံအလှ (ပြောင်းပြန်တြိဂံ)




တြိဂံကိုပြောင်းပြန်လှန်ထားသလိုမျိုး ပုံစံဒီဇိုင်းနဲ့ သင့်ပုခုံးတွေက တင်ပါးထက် ပိုကျယ်ပြန့်တယ်ဆိုရင်တော့ သင်ဟာ ဗွီပုံသဏ္ဍာန်တင်ပါးပိုင်ရှင်ဖြစ်ပါတယ်။


ဝတ်ဆင်သင့်တဲ့ အဝတ်အစားဒီဇိုင်း




အဝတ်အစားကိုရွေးချယ်တဲ့အခါမှာ ပေါ့ပေါ့ပါးပါး၊ လွတ်လွတ်လပ်လပ်နဲ့အသားတွေကို ရွေးချယ်စေလိုပါတယ်။ ပုံတွင်ပြထားသည့်အတိုင်း ပိုးသားဂါဝန်အတိုလေးတွေနဲ့ဆိုရင်လည်း အလွန်လှပသည့်အသွင်ကို ရရှိနိုင်မှာပါ။


The post

ကိုယ်ခန္ဓာပုံပန်းသဏ္ဍာန် လေးမျိုးနဲ့ တခုချင်းစီအတွက် အကောင်းဆုံးအဝတ်အစားဒီဇိုင်းများ appeared first on

MyStyle Myanmar .





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..