ISTJ တွေဟာ အရမ်းကောင်းလွန်းတာတော့ မဟုတ်ပေမယ့် အံ့ဩဖို့ကောင်းတဲ့လူအမျိုးအစားထဲမှာ ပါဝင်ပါတယ်။ ISTJ တွေဟာ ဘာသိဘာသာနေတတ်ခြင်း၊ အာရုံခံစားနိုင်မှု၊ စဉ်းစားခြင်းနှင့် ဝေဖန်ဆုံးဖြတ်နိုင်ခြင်းတို့ကို ကိုယ်စားပြုပါတယ်။ ဂျော့ဂ်ျဝါရှင်တန်၊ အယ်လီဇဘတ်ဘုရင်မနှင့် Warren Buffet တို့ဟာလည်း ISTJ ကိုယ်ရည်ကိုယ်သွေးအမျိုးအစားကို ပိုင်ဆိုင်ထားသူတွေဖြစ်ပါတယ်။ ဒီကနေ့မှာတော့ ကိုယ်ဟာ ISTJ လူအမျိုးအစားဟုတ်မဟုတ် ဆန်းစစ်နိုင်ဖို့ ISTJ ကိုယ်ရည်ကိုယ်သွေးတွေကို မျှဝေပေးချင်ပါတယ်။

၁။ သင့်ကို လူတွေက ခေတ်နောက်ကျနေတဲ့ ဖက်ရှင်တွေဝတ်တတ်သူ (သို့) ခေတ်မှားပြီး မွေးလာတဲ့သူမျိုးလို့ ပြောလေ့ရှိတယ်




ISTJ တွေဟာ တကယ့် Old-School တွေပါပဲ။ ဒါကလည်း သူတို့ရဲ့ အကြီးမားဆုံးကိုယ်ရည်ကိုယ်သွေးပါပဲ။ သူတို့ဟာ အစဉ်အလာကို တန်ဖိုးထားလေ့ရှိပြီး ဘဝတိုးတက်ရေးမှာ အန္တရာယ်ရှိသောနည်းလမ်းတွေထက် ပုံမှန်ကြိုးစားပြီး မှန်ကန်သောနည်းလမ်းတွေကိုသာ လိုက်နာလေ့ရှိပါတယ်။

၂။ ကောင်းမွန်တဲ့နေ့တစ်နေ့ရဲ့ အကောင်းဆုံးစိတ်ကူးဆိုတာ အိမ်ထဲမှာနေပြီး အချိန်ဖြုန်းရခြင်း

သင်ဟာ ကွတ်ကီးမုန့်ဖုတ်နေရတာကို နှစ်သက်တတ်တာကြောင့် ISTJ တို့အဖို့ ခက်ခဲတဲ့နေ့ရက်တွေရဲ့ အဆုံးမှာ မိသားစုနဲ့အတူ အချိန်ကုန်ဆုံးရင်း အနားယူတတ်တဲ့လူတွေအဖြစ် ပိုပြီးနာမည်ကြီးပါတယ်။




၃။ စစ်မှန်ခြင်းနှင့် တာဝန်ခံခြင်းတွေနဲ့ ပတ်သက်ရင် အမြဲစံထားရသူတွေပါ

ISTJ တွေနှင့်အတူ တာဝန်ဝတ္တရားတွေဟာ အမြဲတမ်းလုံးထွေးနေကြပါတယ်။ အာမခံကိစ္စတွေ၊ အခွန်တွေ နောက်ပြီးကလေးထိန်းသိမ်းရေးကိစ္စတွေလိုမျိုးမှာ အကြံဉာဏ်တွေလိုအပ်တဲ့အခါ လူတွေက သင့်ဆီကို ချဉ်းကပ်လာပါလိမ့်မယ်။ ဘာဖြစ်လို့လဲဆိုတော့ သင်ဟာ သူတို့ကို ဘယ်တော့မှ အရူးလုပ်မှာမဟုတ်ဘူးလို့ ယုံကြည်ထားကြလို့ပါ။




၄။ အသေးအဖွဲလေးတွေကသာ သင့်ကို စိတ်လှုပ်ရှားစေပါလိမ့်မယ်

ပန်းခြံထဲက ပန်းပွင့်လေးတစ်ပွင့်ဆိုရင်တောင် သင့်အတွက်က စိတ်လှုပ်ရှားစရာတစ်နေ့တာဖြစ်စေပါတယ်။ သင့်မှာသာ ISTJ ကိုယ်ရည်ကိုယ်သွေးတွေရှိမယ်ဆိုရင် သင်ပျော်ရွှင်ရဖို့ ကလပ်တွေ၊ ဘားတွေနှင့် ပုလင်းတွေကို မလိုအပ်ပါဘူး။




၅။ ISTJ တွေဟာ ပြဿနာဖြေရှင်းသူ/စာရင်းအင်းဖြေရှင်းသူ

တကယ်တော့ သင်ဟာ စာရင်းကိုင်မဟုတ်ရင် သိပ္ပံပညာရှင်ဖြစ်ဖို့ မွေးဖွားလာသူပါ။ နံပါတ်တွေဟာ သင့်ဘဝရဲ့ နေရာတော်တော်များများမှာ အရေးပါတဲ့နေရာမှာရှိနေပါလိမ့်မယ်။ ဘာကြောင့်လဲဆိုတော့ ISTJ တွေဟာ အင်မတန်အလုပ်ကြိုးစားသူတွေဖြစ်ပြီး အလုပ်ကိုအချိန်မှီပြီးစီးအောင် လုပ်ဆော်ငနိုင်သူတွေပါ။ သင်ကို သင့်ရဲ့ Boss က ‘ရွှေနဲ့တူသော ဝန်ထမ်း’လို့ ပြောဖူးတယ်ဆိုရင် သင်ဟာ ISTJ ပါပဲ။




၆။ ISTJ တို့အတွက် ပြောင်းလဲခြင်းတွေ၊ မပြည့်စုံခြင်းတွေနဲ့ ကြိုတင်မခန့်မှန်းနိုင်ခြင်းတွေကို ကြောက်တတ်ကြပါတယ်

တည်ငြိမ်မှုနှင့် ပုံမှန်အခြေအနေတွေဟာ ISTJ တို့အတွက် လုံခြုံမှုကို ခံစားရစေပါတယ်။ သင့်အနေနဲ့ အလုပ်တစ်ခုခုကောင်းကောင်းမလုပ်ရဘူးလို့ ခံစားရတဲ့အခါ (သို့) လူတွေကို ကြိုတင်မခန့်မှန်းနိုင်တဲ့အခါ ISTJ တို့ကို စိတ်ပျက်စေပါတယ်။ ပြီးပြည့်စုံခြင်းဆိုတဲ့ စကားလုံးကသာ ၎င်းတို့ကို ရွှင်လန်းတက်ကြွစေပါတယ်။




၇။ လူတွေကို စိတ်ရင်းအတိုင်းသာ ဆက်ဆံတတ်ကြပါတယ် (တစ်ဖက်သတ်က စိတ်ခံစားချက်ကို သိပ်ဂရုမစိုက်တတ်)

ဒီအချက်က ISTJ တို့အတွက် ဆက်ဆံရေးပြဿနာရဲ့ အဓိကအကြောင်းရင်းဖြစ်ပါတယ်။ သူတို့ရဲ့ ယုတ္တိဗေဒကျလွန်းခြင်းကြောင့် တစ်ခါတလေမှာ သူတို့ပတ်ဝန်းကျင်ကလူတွေနဲ့တောင် ဝေးကွာစေပါတယ်။




၈။ ရိုးသားဖြောင့်မတ်ခြင်းဟာ သင့်ရဲ့ အကောင်းဆုံးလက်ကိုင်တုတ်

ISTJ တွေဟာ တုံးတိတိပြောတတ်ကြပြီး တစ်ခါတရံမှာ အင်မတန်ရိုးသားပြတ်သားလွန်းပါ။ အကျိုးဆက်အနေနဲ့ သင်လုပ်နေတဲ့အရာအပေါ်မူတည်ပြီး ကောင်းခြင်း/ ဆိုးခြင်းရလဒ်တွေကို ရရှိနိုင်ပါတယ်။




၉။ သူငယ်ချင်းတွေနှင့် မိသားစုတွေကို ပျော်ရွှင်စေသူ

တစ်ချိန်တည်းမှာပဲ INTJ တွေဟာ လူတွေကို သဘောကျတတ်သူများအဖြစ် လူသိများပါသေးတယ်။ သူတို့ဟာ ပတ်ဝန်းကျင်မှာရှိတဲ့ လူတွေကို ပျော်ရွှင်စေဖို့ သူတို့လုပ်သင့်တယ်လို့ ထင်တဲ့အရာမှန်သမျှကို လုပ်ပေးပါလိမ့်မယ်။

Lifestyle_Myanmar
Nyein_Thu


Ref-spiritualify