အရပ်ပိုရှည်လာစေမယ့် အကြောဆန့်နည်း (၆) မျိုး
mystylemyanmar.com
|
2021-10-12

သင်က နဂိုအရပ်ထက် ပိုရှည်ချင်တယ်ဆိုရင် ပုံမှန် အကြောဆန့်ပေးသင့်ပါတယ်။ ဒါ့အပြင် အာဟာရပြည့်ဝတဲ့ အစားအသောက်တွေကို စားသောက်ပေးသင့်ပါတယ်။ နဂိုအရပ်ကလေးထက် ပိုရှည်ချင်တဲ့ဆန္ဒက အရပ် ၅ ပေ ကျော်ကျော်လေးတွေမှာ ရှိတတ်ကြပါတယ်။ များသောအားဖြင့် အသက် ၂၀ ကျော်ရင် အရပ်ဆက်မရှည်တော့ပါဘူး။ ဒါပေမဲ့ ဒီအကြောဆန့်လေ့ကျင့်ခန်းတွေနဲ့ သင်က ကြိုးစားကြည့်နိုင်ပါတယ်။ ဒီလေ့ကျင့်ခန်းတွေက သင့်ကို သိသိသာသာ အရပ်မရှည်စေရင်တောင် ကိုယ်နေဟန်ထား ပိုမှန်ကန်ပြီး အရပ်ရှည်သယောင် ထင်ရစေပါလိမ့်မယ်။

၁။ Clasped Press Back

လက်နှစ်ဖက်ကို နောက်ပြန်လှန် ချိတ်ပေးကာ အပေါ်မြှောက်ပေးရပါမယ်။ ပြီးနောက် နောက်ဘက် အခါ ၃၀ လွှဲပေးရပါမယ်။


၂။ Chest to Walls

လက်နှစ်ဖက်ကို နံရံဆီ ထောက်ထားကာ ရင်ဘတ်ကို နံရံနဲ့ နီးအောင် ကပ်ပေးရပါမယ်။ ရင်ဘတ်နဲ့ ကပ်တဲ့အချိန် လက်ကို ခန္ဓာကိုယ်အမြင့်ဘက် ထားပေးရပါမယ်။ ဒါကို ၂၅ ခါ လုပ်ရပါမယ်။



၃။ Bird Dog Crunch

ဒီ လေ့ကျင့်ခန်းက သင့်ကိုယ်နေဟန်ထားကို မှန်ကန်စေကာ အရပ်ရှည်သယောင် ထင်ရစေပါတယ်။ လက်ဆန့်တဲ့အခါ နောက်ဘက် ခြေထောက်တစ်ဘက်ကိုပါ ဆန့်ပေးကာ ပြန်စုတဲ့အခါ တံတောင်နဲ့ ဒူးထိအောင် ကွေးပေးရပါမယ်။ တစ်ဘက်ဆီကို ၁၅ ခါ လုပ်ရပါမယ်။


Photo Source: Pinterest

၄။ Camel Stretch

ခန္ဓာကိုယ်ကို ဒူးထောက်ထားကာ ရင်ဘတ်ကို မျက်နှာကျက်ဆီ ဖွင့်ကာ နောက်ပြန်လှန်ပေးရပါမယ်။ ဒီလိုလှန်တဲ့အချိန် အထိန်းရအောင် လက်တစ်ဖက်က ခြေဖနောင့်ကို ကိုင်ထားပြီး ကျန်တစ်ဘက်ကို ဆန့်ထားရပါမယ်။ ဒါကို ဘယ်ညာ တစ်လှည့်စီ စက္ကန့် ၃၀ နေပေးရပါမယ်။


Photo Source: Yoga Basics

၅။ Bow Pose

ပုံထဲကအတိုင်း ခြေကျင်းဝတ်ကို လက်နှစ်ဖက်နဲ့ ကိုင်ထားကာ ဟန်ချက်အရင်ထိန်းပေးရပါမယ်။ ပြီးနောက် ခန္ဓာကိုယ်ကို လေးပုံစံ အပေါ်ထောင်လာပေးရပါမယ်။ ဒီအတိုင်း ၁ မိနစ်နေပေးရပါမယ်။


Photo Source: Verywell-Fit

၆။ Puppy Pose

ဒူးထောက်ကာ လက်နှစ်ဖက်ကို ရှေ့ဘက်ဆန့်ပေးရပါမယ်။ ရင်ဘတ်နဲ့ မြေကြီး ထိလုနီးပါးအထိ ဆန့်ပေးရပါမယ်။ ဒီအတိုင်း ၁ မိနစ် နေပေးရပါမယ်။


Photo Source: Yoga-Journal

By MyStyle Myanmar




Some text some message..