အချို့သော အမျိုးသမီးတွေက အလှဆုံးမဟုတ်ပေမယ့် ကိုယ့်ကိုကိုယ်ယုံကြည်မှုနဲ့ ကိုယ့်ကိုကိုယ်လေးစားမှုအပေါ်မှာ တည်ဆောက်ထားတဲ့ သူတို့ရဲ့ အလှတရားက အတွင်းကနေ ဖြာထွက်နေတတ်ပါတယ်။ ဒီလိုအမျိုးသမီးတွေက ရုပ်ရည်မလှပေမယ့် အမျိုးသားတွေရဲ့ ချစ်ခြင်းမေတ္တာကို အပြည့်အဝက ရရှိတတ်ကြပါတယ်။ တန်ဖိုးကြီး အမျိုးသမီးတွေက သဘာဝရဲ့ နတ်ဘုရားမတွေ အဖြစ်နဲ့မွေးဖွားလာတယ်လို့ အမျိုးသားအများစုက လက်ခံကြပါတယ်။ အမျိုးသမီး တစ်ယောက်ရဲ့ အချစ်အပေါ်ခံယူချက်ကလည်း သူတို့ရဲ့တန်ဖိုးကို မြှင့်တင်ပေးပါတယ်။


၁။ သူမက အစီအစဉ်ဆွဲရတာကို ကြိုက်တယ်

သူမက ဆက်ဆံရေးနှင့် ပတ်သက်လာလျှင် အနာဂတ်ကို အမြဲတမ်း အိပ်မက်မက်နေတတ်ပြီး အစီအစဉ်တွေကို ကြိုဆွဲထားတတ်ပါတယ်။ အိမ်ထောင်ပြုပြီးရင် အနာဂတ်က ဘယ်လိုဖြစ်လာမလဲဆိုတာကို စိတ်ကူးယဉ်ပြီး ယောက်ျားတစ်ယောက်ကို ဆွဲဆောင်မှု အပြည့်နဲ့ သူ့ရဲ့အစီအစဉ်တွေကို ပါဝင်စေပါတယ်။ ပြဿနာတိုင်းကိုလည်း အစီအစဉ်တကျ ဖြေရှင်းဖို့ ကြိုးစားတတ်ပြီး ကိုယ့်အားကိုယ်ကိုးတတ်တဲ့ အမျိုးသမီးတွေကို အမျိုးသားတိုင်းက လေးစားအားကျ ကြပါတယ်။


၂။ သူမရဲ့လက်ရှိ ဘဝကို နှစ်သက်တယ်

သူမက ဘဝပေးတဲ့အချိန်တိုင်းကို နှစ်သက်သဘောကျပြီး ရှိသမျှကို ခွဲခြမ်းစိတ်ဖြာပြီး တန်ဖိုးကို နားလည်တဲ့အမျိုးသမီးတစ်ယောက် ဖြစ်ပါတယ်။ အမျိုးသမီး အများစုက သဘာဝပင်ကိုယ်ဗီဇအရ အသေးဆုံးအချက်အလက်တွေကိုပင် အစွဲအလမ်းကြီးပြီး ထိန်းချုပ်တတ်ကြပါတယ်။ ဘဝကပေးစွမ်းသမျှနဲ့ အပန်းဖြေပျော်ရွှင်စွာ နေထိုင်နိုင်တဲ့ အမျိုးသမီးတစ်ယောက်က အလွန်ရှားပါးတဲ့ အရည်အသွေးတစ်ခုပဲ ဖြစ်တဲ့အတွက် ရတနာထက်ပင် တန်ဖိုးကြီးပါတယ်။


၃။ သူမက လျှို့ဝှက်ဆန်းကြယ်တယ်

သူမက ကြွယ်ဝပြီး ရောင်စုံအလွှာများနှင့် ပြည့်နှက်နေပြီး အလွှာတစ်ခုစီကို သူမရဲ့ချစ်သူထံ ဂရုတစိုက် ရှာဖွေကာ ရှာဖွေတွေ့ရှိမှု အသစ်တစ်ခုစီတိုင်းကို ကြည်နူးစွာ ဖော်ပြတတ်ပါတယ်။ အမျိုးသားတွေက သဘာဝအတိုင်း လျှို့ဝှက်ဆန်းကြယ်မှုကို လိုက်ရှာသူများဖြစ်ကာ ဒီလိုအမျိုးသမီးတွေကို ဆွဲဆောင်မှုရှိတဲ့ အမျိုးသမီးတွေအဖြစ် မှတ်ယူကြပါတယ်။ သူမဟာ ပြောစရာကိုမလိုပဲ အရာရာကို အလိုလိုသိနိုင်တဲ့ စိတ်ဝိဉာဉ်ကို ပိုင်ဆိုင်ထားသလိုမျိုး တတ်ကြွစွာ ပြဿနာရဲ့ အရင်းအမြစ်ကို ရှာဖွေတတ်ပါတယ်။


၄။ သူမက အခစြျကို မစှဲလမျးပါ

သူမက ချစ်ခြင်းမေတ္တာကို မနှစ်သက်ဘဲ ချစ်ခြင်းမေတ္တာကို အပြည့်အ၀ ခံစားရရန် လိုအပ်ပါတယ်။ သူမက ရိုမန်တစ်ဆန်တဲ့ ချစ်ခြင်းမေတ္တာရှိ၊ မရှိနဲ့ ပြီးပြည့်စုံပြီး ထိုက်တန်တဲ့ သူဖြစ်တာကို နားလည်လက်ခံထားပါတယ်။ သူမဟာ အချစ်ကို မလိုအပ်ဘဲ တက်ကြွစွာ အချစ်ကို ရှာဖွေနေတတ်တဲ့ သူမဟုတ်ပါဘူး။ သူ့မဘဝကို နှစ်သက်ပြီး ရွေးချယ်ခွင့်ရှိသည်နှင့် သူမသတ်မှတ်ထားသော စံနှုန်းများပေါ်တွင် မူတည်ပြီး မှန်ကန်တဲ့ ယောက်ျားကို ရွေးချယ်မည်ဟု ယုံကြည်ပြီး မည်သည့်ယောက်ျားကိုမဆို လွယ်လွယ်အလျော့ပေးတတ်တဲ့သူ မဟုတ်ပါဘူး။

Lifestyle_Myanmar

Nadi

ref-yourtango