သင်ဟာ တစ်ယောက်တည်းနေရတာ ကြိုက်နှစ်သက်တဲ့သူလား။ ဒါဆိုရင် သင်ဟာ ဉာဏ်ရည်ထက်မြတ်တဲ့သူတစ်ယောက်ဖြစ်ပါတယ်။ လေ့လာတွေ့ရှိမှုအရ ဉာဏ်ရည်ထက်မြတ်တဲ့သူတွေဟာ တစ်ယောက်တည်း သီးသန့်နေရတာကို ကြိုက်နှစ်သက်ကြတယ်လို့ ဆိုပါတယ်။

ဒါပေမယ့် သူတို့တွေဟာ မဖော်ရွေဘူး။ သူငယ်ချင်းမရှိဘူးလို့ ဆိုလိုချင်တာမဟုတ်ပါဘူး။ တစ်ယောက်တည်းနေတော့ မာနကြီးတယ်လို့ ထင်ရပေမယ့် တကယ်ခင်သွားတဲ့အခါကျမှ သူ့တို့ရဲ့ စိတ်ရင်းလေးတွေ ဘယ်လောက်ကောင်းတယ်။ ဘယ်လောက်နွေးထွေးမှုရှိတယ်ဆိုတာကို သိလာရတဲ့သူတွေပါ။ သူတို့ဟာ သူငယ်ချင်းတွေကို ရင်ထဲမှာရှိပေမယ့် ဟေးလားဝါးလားလုပ်ပြီး အချိန်ဖြုန်းမနေဘဲ အချိန်ကို အကောင်းဆုံး အသုံးချချင်သူတွေဖြစ်ပါတယ်။

ဉာဏ်ရည် ထက်မြတ်တဲ့သူတွေဟာ ဘာလို့ တစ်ယောက်တည်းနေရတာကို ကြိုက်ကြသလဲ။ အခုလို တစ်ယောက်တည်း သီးသန့်နေရတာဟာ အခုအောက်မှာဖော်ပြတဲ့ အကျိုးကျေးဇူးတွေရှိနေလို့ပါ။


၁။ တခြားသူတွေနဲ့ အတူတူ အချိန်ဖြုန်းတာထက် တစ်ယောက်တည်းနေရတာ သူ့တို့ရဲ့ လုပ်ဆောင်နိုင်စွမ်းကို ပိုပြီးတိုးတက်စေပါတယ်။ အသင်းအဖွဲ့နဲ့ မလုပ်တတ်တာ၊ လုပ်ရတာ မကြိုက်တာ၊ လုံးဝမလုပ်ချင်တာမျိုးမဟုတ်ဘဲ သူတစ်ယောက်တည်း လုပ်ရမယ့် အလုပ်ရှိတာမျိုး လုပ်နိုင်တာမျိုးဆိုရင် ဘယ်သူ့ကိုမှ အကူအညီမတောင်းဘဲနဲ့ တစ်ဦးတည်း ပြီးမြောက်အောင် လုပ်နိုင်လို့ပါ။

၂။ အသင်းအဖွဲ့အလိုက် လုပ်ရတဲ့ဆိုးကျိုးတစ်ခုက တစ်ယောက်နဲ့တစ်ယောက် သဘောထားတွေ၊ ဆုံးဖြတ်ချက်တွေ၊ ထင်မြင်ချက်တွေ မတိုက်ဆိုင်ဘူးဆိုရင် အရင်ရှိထားတဲ့ ဆက်ဆံရေးကိုပါ ထိခိုက်လာနိုင်ပါတယ်။ ဒါပေမယ့် တစ်ယောက်တည်း သီးသန့်နေတာဟာ ကိုယ့်ဆုံးဖြတ်ချက် ကိုယ့်သဘောနဲ့ကိုယ်မို့ ကိုယ့်ကိုကိုယ် ယုံကြည်မှုပိုတိုးစေပါတယ်။ တခြားသူတွေနဲ့ အတွေးအမြင်တွေကိုလည်း ဘာမှဂရုစိုက်စရာမလိုပါဘူး။

၃။ တစ်ယောက်တည်းသီးသန့်နေတာဟာ တီထွင်မှုစွမ်းရည်မြင့်တက်စေပါတယ်။ ချက်ပြုတ်ဝါသနာပါသူတွေ၊ ပန်းချီဆွဲတာကြိုက်တဲ့သူတွေအများအားဖြင့် တစ်ယောက်တည်း သီးသန့်နေပြီး တီထွင်ဖန်တီးကြတာပါ။ တစ်ယောက်တည်း အေးအေးလူလူနဲ့ ကိုယ့်အတွေးလေးနဲ့ကိုယ် လုပ်ချင်တာလေးလုပ်နေရတာကို ပိုပြီး သဘောကျသူတွေမို့လို့ပါ။


၄။ အခက်အခဲတွေကို အကောင်းဆုံးဖြေရှင်းနိုင်စွမ်းတွေ တိုးတက်လာစေပါတယ်။ တစ်ယောက်တည်းဆိုတော့ တစ်ခါတစ်လေကျ ဘေးဘီဝဲယာက အနှောင့်အယှက်တွေ၊ အတွေးတွေ ဝင်မလာတော့ဘူးဆိုတော့ ဒီပြဿနာကို ဒီအခက်အခဲကို ဘယ်လိုဖြေရှင်းကျော်လွှားမလဲဆိုပြီး ခေါင်းအေးအေးထားပြီး စဥ်းစားလို့ရပါတယ်။

၅။ တစ်ခါတစ်လေကျ သူငယ်ချင်းအပေါင်းအသင်းများလွန်းတာကလည်း ကောင်းတယ်ဆိုပေမယ့် ဆိုးကျိုးတစ်ခုကတော့ အပူများတာပါ။ ကိုယ့်အပူထက် သူလာပြောတဲ့ သူ့အပူတွေကို ခေါင်းထဲရောက်ပြီး အလုပ်ပျက်၊ အစားပျက်တွေဖြစ်တတ်ပါတယ်။ ဒါပေမယ့် အချိန်အများစုကို တစ်ယောက်တည်း အေးအေးလူလူ နေမယ်ဆိုရင်တော့ စိတ်တွေဟာလည်း ရှင်းလင်း ကြည်လင်နေတာကြောင့် သဘောကျကြတာဖြစ်ပါတယ်။

၆။ စိတ်ဖိစီးမှုတွေ ကင်းဝေးစေပြီး သင့်ကို သက်သောင့်သက်သာရှိစေပါတယ်။ တခြားသူတွေရဲ့ ပြဿနာတွေကို ခေါင်းထဲသိပ်ထည့်စရာမလိုပါဘူး။ တစ်ယောက်တည်းသီးသန့်နေတာဟာ ပိုပြီးလွတ်လပ်ပါတယ်။


၇။ တစ်ယောက်တည်းသီးသန့်နေတာဟာ လုပ်ရမယ့် ကိစ္စတွေကို အမြန်ဆုံး ပြီးစီးအောင် လုပ်ဆောင်နိုင်စေပါတယ်။ ဒါ့ကြောင့် အကောင်းဆုံး အောင်မြင်မှုတွေ ဖန်တီးနိုင်လို့ ဉာဏ်ရည်ထက်မြတ်သူတွေဟာ တစ်ယောက်တည်းသီးသန့်နေရတာ ကြိုက်နှစ်သက်ကြပါတယ်။

Lifestyle_Myanmar

ref-medium