မိန်းကလေးအများစုဟာ အမေချစ်လွန်းတဲ့ယောကျာ်းလေးတွေကို ချစ်သူတော်ရမှာကို ထိတ်လန့်ကြလေ့ရှိပါတယ်။ အကြောင်းကတော့ အမေဖြစ်သူကိုချစ်လွန်းပြီး တစ်ခြားသူတွေကိုဂရုမစိုက်မှာစိုးတာကြောင့်ပါ။ ဒါပေမဲ့ အမေကောင်းတစ်ယောက်နှင့် အတူနေထိုင်ရတဲ့ အမျိုးသားတွေဟာတစ်ခြားလူတွေထက်အများကြီး နူးညံ့တဲ့စိတ်ထားရှိကြပါတယ်။ 



သူတို့ဟာ အမေဖြစ်သူကို လေးစားကြတာကြောင့် အမျိုးသမီးတွေကိုလေးစားတန်ဖိုးထားတတ်ကြတဲ့သူတွေပါ။ အမေဖြစ်သူရဲ့ ဆုံးမမှုကိုနာခံခဲ့သူတွေဖြစ်တာကြောင့် တစ်ဖက်မိန်းကလေးတွေအပေါ်ကိုတန်ဖိုးထားဆက်ဆံတတ်ပြီး နားလည်ပေးတတ်ကြပါတယ်။ မိန်းကလေးတွေရဲ့စိတ်ခံစားချက်နှင့်သဘောထားတွေကိုလည်း အတတ်နိုင်ဆုံးနားလည်ပေးပြီးတော့ စိတ်ရှည်ကြပါတယ်။



နူးညံ့တဲ့စိတ်ထားနှင့် ကိုယ်ချင်းစာစိတ်ရှိပြီးတော့ မိန်းကလေးတွေရဲ့အောင်မြင်မှုကိုလက်ခုတ်တီးပေးဖို့ဝန်မလေးတတ်တဲ့သူတွေပါ။ သန်မာတဲ့မိန်းကလေးတွေကိုလည်း အလွယ်တကူအသိအမှတ်ပြုကြသလို မိသားစုကိုလည်းပိုပြီးခင်တွယ်တတ်ကြပါတယ်။ အမေဖြစ်သူနှင့်ဆက်ဆံမှုများခဲ့တာကြောင့် ပြင်ပဘဝမှာလည်း ဆက်ဆံရေးကောင်းမွန်ကြပြီးတော့ လူတိုင်းကိုပွင့်ပွင့်လင်းလင်းဆက်ဆံတတ်ကြပါတယ်။ 



#အမေချစ်သား #အမေ #နူးညံ့ခြင်း #နားလည်ပေးခြင်း #အသိအမှတ်ပြု