တစ်ကယ်လို့ သင့်ချစ်သူကောင်လေးဟာ ဖောက်ပြန်ပြီးတော့ သူဖောက်ပြန်ရတဲ့အကြောင်းရင်းကသင်ဖြစ်တယ်ဆိုပြီး အပြစ်လွှဲချတာတွေ အမှားကိုဝန်မခံတာတွေလုပ်နေတယ်ဆိုရင် ဒီနည်းလမ်းတွေနှင့်သူ့ကိုပညာပြနိုင်ပါတယ်။


(၁) တစ်ခြားလူတွေနှင့်ပျော်ပျော်ရွှင်ရွှင်နေပြတာ

သူ့အနေနှင့် သင်ငိုပြီးကြေကွဲပြနေရင်တောင် ဂရုစိုက်မှာမဟုတ်တာကြောင့် သူမရှိလဲအဆင်ပြေတယ်ဆိုတဲ့ပုံရိပ်ကိုပြပေးဖို့လိုပါတယ်။ သူငယ်ချင်းအသစ်တွေရှာတာ ဒါမှမဟုတ် ရင်းနှီးတဲ့သူတွေနှင့်အချိန်ပိုဖြုန်းပေးပြီး သူ့ရဲ့ဖောက်ပြန်မှုကြောင့် ပြိုလဲမနေကြောင်းပြပေးပါ။


(၂) သူ့ကိုလုံးဝဥပေက္ခာပြုထားတာ

သွားပြီးဖြေရှင်းချက်တွေတောင်းတာ သင့်ဆီပြန်လာဖို့ငိုယိုပြီးပြောတာမျိုးကအကျိုးမရှိပါဘူး။ အဲ့လိုသာလုပ်မိရင်တစ်ဖက်လူဟာ သူ့လုပ်ရပ်ကိုမှန်ကန်တယ်လို့ထင်သွားပြီးတော့ သင့်ကိုပိုပြီးစိတ်ဒုက္ခပေးပါလိမ့်မယ်။


(၃) ပတ်ဝန်းကျင်ကသူတွေကို သူဖောက်ပြန်ကြောင်းပြောပြထားပါ

ပတ်ဝန်းကျင်က ရင်းနှီးတဲ့သူတွေကို သူဖောက်ပြန်ခဲ့တာကြောင့် လမ်းခွဲပြီးပြီဖြစ်ကြောင်းရှင်းလင်းအောင်ပြောထားပါ။ တစ်ချို့သူတွေဟာ သူတို့ကိုယ်တိုင်ဖောက်ပြန်ပေမဲ့ သင့်ကြောင့်လမ်းခွဲရတာဖြစ်တယ်လို့အတင်းတွေလိုက်ပြောနေနိုင်တာကြောင့်ပါ။ ဆက်ဆံရေးကိုသစ္စာမရှိခဲ့တာက သူသာဖြစ်ကြောင်းလူတွေသိအောင်လုပ်ပါ။


(၅) သူနှင့်ပတ်သက်တာတွေအကုန်လုံးကို ဖျက်ပစ်လိုက်ပါ

နောင်တရပြီးပြန်လာရင်လက်ခံမယ် တောင်းပန်လိုက်ရင်ပြန်လက်ခံပေးမယ်ဆိုတဲ့စိတ်ထားမထားပါနဲ့။ ဖောက်ပြန်သူအများစုဟာ အကြိမ်ကြိမ်ဖောက်ပြန်ဖို့ဝန်မလေးကြတာကြောင့် သူတို့ကိုလွယ်လွယ်နဲ့ခွင့်မလွှတ်သင့်ပါဘူး။ ဆိုရှယ်မီဒီယာအကောင့်အပါအဝင် ဆက်သွယ်လို့ရတဲ့အရာတွေအကုန်လုံးကိုဖြတ်တောက်ပြီး ဘဝထဲကနေအပြီးအပိုင်ဖယ်ထုတ်လိုက်ပါ။


(၆) ကိုယ့်ကိုယ်ကိုယ် ပိုဂရုစိုက်ပါ

ဖောက်ပြန်ခံရသူအများစုဟာ မယုံကြည်နိုင်တာ ယူကျုံးမရတဲ့ခံစားချက်တွေကြောင့် ကိုယ့်ကိုယ်ကိုယ်ဂရုစိုက်ဖို့မေ့နေတတ်ကြပါတယ်။ ဒါကြောင့်သင့်အနေနှင့် ဖောက်ပြန်သွားတဲ့တစ်ဖက်လူကိုဖက်တွယ်မထားဘဲ ကိုယ့်ကိုယ်ကိုယ်ပိုပြီးအချိန်ပေးဂရုစိုက်ဖို့လိုပါတယ်။