ဝါသနာရှိခြင်းဟာ လုပ်ဆောင်ရမယ့်အလုပ်တွေကိုပိုပြီးအထမြောက်အောင်မြင်စေတတ်ပါတယ်။ လူငယ်လူရွယ်တစ်ယောက်မှာ ဒီလိုဝါသနာငါးမျိုးရှိနေတယ်ဆိုရင် သူ့အနေနှင့်အောင်မြင်တဲ့ဘဝတစ်ခုကိုပိုင်ဆိုင်နိုင်လိမ့်မယ်လို့ အကြမ်းဖျင်းသတ်မှတ်နိုင်ပါတယ်။ နံပါတ်တစ်အနေနှင့်ကတော့ ဝင်ငွေပေးနိုင်တဲ့ဝါသနာတစ်ခုရှိထားသင့်ပါတယ်။ ဒီဝါသနာဟာ သက်မွေးဝမ်းကျောင်းလုပ်လို့ရတဲ့အထိ ငွေကြေးပေးစွမ်းနိုင်တဲ့ဝါသနာဖြစ်ဖို့လိုအပ်ပါတယ်။


နံပါတ်နှစ်ဝါသနာကတော့ ကိုယ့်ကိုယ်ပုံစံတကျဖြစ်နေအောင်ကူညီပေးနိုင်တဲ့ဝါသနာပါ။ ဟင်းချက်တာ စာဖတ်တာလိုမျိုး ကိုယ့်ကိုအထောက်အကူပေးနိုင်တဲ့ဝါသနာတစ်ခုရှိဖို့လိုအပ်ပါတယ်။ နောက်ထပ်ရှိသင့်တဲ့ဝါသနာတစ်ခုကတော့ ဖန်တီးတီထွင်နိုင်စွမ်းကို လေ့ကျင့်ပေးနိုင်တဲ့ဝါသနာဖြစ်ပါတယ်။ အသစ်အသစ်သောအရာတွေကိုလေ့လာပြီး ဦးနှောက်ကိုအမြဲအသစ်ဖြစ်နေအောင် ဖန်တီးပေးထားခြင်းဟာ လူတွေအတွက်ရှိနေသင့်တဲ့ဝါသနာတစ်ခုဖြစ်ပါတယ်။


နောက်ထပ်ရှိနေသင့်တဲ့ ဝါသနာတွေကတော့ အသိပညာတွေပိုတိုးလာစေတဲ့ ဝါသနာတစ်ခုနှင့် စိတ်ပိုင်းဆိုင်ရာမှာ ရင့်ကျက်တည်ငြိမ်လာအောင်ကူညီပေးနိုင်တဲ့ ဝါသနာရှိနေဖို့ပါပဲ။ ဥပမာအားဖြင့် စာရေးခြင်းဟာ ငွေကြေးဝင်စေနိုင်သလို အသိပညာတိုးအောင်နှင့် ရင့်ကျက်လာအောင်ပါ ကူညီပေးနိုင်တဲ့ဝါသနာပါ။ အလားတူပဲ အားကစားလုပ်ခြင်းဟာ ပုံစံတကျဖြစ်စေတဲ့အပြင် ဦးနှောက်ကိုအမြဲအသစ်ဖြစ်နေစေမယ့်ဝါသနာဖြစ်ပါတယ်။