ညီမလေးအိမ်ထောင်ပြုဖို့ ဆုံးဖြတ်တော့မယ်ဆိုရင်
mmcelesmedia.com
|
2019-03-10




1) စာတတ်တဲ့ယောက်ျားထက် စာနာစိတ်ရှိတဲ့ယောကျ်ားကိုသာ
ရွေးချယ်ပါ တစ်မိုးအောက်ထဲအတူနေထိုင်မဲ့သူဆိုတာကိုယ့်ခံစားချက်ကို စာနာစိတ်နဲ့ကြည့်မြင်တတ်သူ ဖြစ်နေဖို့သိပ်လိုအပ်တယ် ။
2) ပညာတတ်သူထက် ကြင်နာစိတ်ရှိသူကိုသာရွေးချယ်ပါ ကိုယ့်ဘဝတစ်သက်တာလုံး
အနီးဆုံးမှာရှိနေမဲ့သူဟာကိုယ့်ရဲ့လိုအပ်ချက်တွေကိုကြင်နာတတ်တဲ့စိတ်နဲ့ဖေးမနိုင်သူဖြစ်ဖို့ သိပ်လိုအပ်ပါတယ် ။


3) ငွေချမ်းသာသူထက် စိတ်ထားရိုးဖြောင့်သူကိုသာရွေးချယ်ပါ ။
ဘဝတစ်လျှောက်လုံးအေးအတူပူအမျှ လက်တွဲထားရမဲ့သူဟာ ကိုယ့်လိုအပ်ချက်တွေကိုငွေနဲ့ဖြည့်ဆည်းပေးနိုင်ရုံနဲ့ မရဘူး
ဘယ်အရာမှာမဆို ပွင့်လင်းရိုးသားစွာနဲ့ ဆက်ဆံရေးကသာနှစ်ဦးနှစ်ဖက်အငြိုးကင်းစေတဲ့ လက်နက်ဖြစ်တယ် ။


4) ဂုဏ်ရှိသူထက် ပြုံးရယ်နိုင်စေသူကိုသာရွေးချယ်ပါ ။
လူ့ဘဝဆိုတာ ရေလှိုင်းလိုပဲအနိမ့်အမြင့်ရှိတယ်ကိုယ့်အရိပ်အဖြစ် ခိုလှုံနေရသူဟာ ဘယ်လိုအခက်ခဲတွေနဲ့ကြုံလာပါစေ
မားမားမတ်မတ်ရပ်တည်ပေးပြီး ပြုံးရယ်နိုင်စေသူဖြစ်ဖို့အဓိက ကျတယ် ။


5) ရုပ်ချောသူထက်အသိုင်းဝိုင်းသန့်ရှင်းသူကိုသာရွေးချယ်ပါ ။
မတူညီတဲ့အသိုင်းဝိုင်းနှစ်ခု ပေါက်ဖွားလာသူတွေတစ်ဘဝအတူလက်တွဲပြီး တစ်မိုးအောက်ထဲနေဖို့
ဆိုတာပတ်ဝန်းကျင်ပါလာသလိုနှစ်ဖက်အသိုင်းဝိုင်းဆိုတာလည်း
အိမ်ထောင်စုတစ်ခုရဲ့ တစ်စိပ်တစ်ဒေသမှာပါဝင်ပါတ်သက်စေပါတယ် ။
ကိုယ့်ဘဝကို တစ်သက်တာပေးအပ်ထားရမဲ့သူဟာကိုယ်နှုတ်အမူအယာ ယဉ်ကျေးပြီး မိမိသိက္ခာကို တန်ဖိုးထားတတ်သူဖြစ်ဖို့အရေးကြီးဆုံးပဲ ။


6) ဥစ္စာပြည့်စုံသူထက် နားလည်မှုရှိသူကိုသာရွေးချယ်ပါ ။ကိုယ့်ရဲ့အနီးဆုံးမှာနေတဲ့သူဆိုတာ မတော်တဆအမှားတွေအပေါ် ဒါမှမဟုတ် မိမိအသိုင်းဝိုင်းနဲ့
ဆက်ဆံရေးမှာ သဘောထားကြီးပြီး နားလည်မှုရှိသူဖြစ်ဖို့လည်း လိုအပ်ပါတယ် ။
တကယ်တော့အိမ်ထောင်ပြုခြင်းဆိုတဲ့အရာကိုကျူးလွန်ပြီးသွားရင် ယောကျ်ားလေးဖြစ်စေ
မိန်းကလေးဖြစ်စေ လက်ရှိတန်ဖိုးထက်တော့ကျဆင်းသွားရတာပါပဲ ။


အိမ်ထောင်သည်ဘဝရောက်သွားပြီးရင်မိန်းမသားတွေက ယောကျ်ားသားတွေထက် မိမိကိုယ်ပိုင်အခွင့်အရေးတွေ ၊
ထိန်းချုပ်ခံရတာတွေပိုလာသလို ၊
မိမိဖြစ်ခြင်တဲ့အခွင့်အရေးတွေများစွာ ပေးဆပ်လိုက်ရပါတယ်။
ဒါကြောင့်အိမ်ထောင်ပြုတော့မယ်လို့ ဆုံးဖြတ်လိုက်ရင်လူတစ်ယောက်ကိုအပေါ်ယံတင် ဆုံးဖြတ်တာမျိုး
ရှောင်ကျဉ်ပါ ။


အချိန်ပေးပြီးလေ့လာပါ ။လူတစ်ယောက်ရဲ့စိတ်ဓာတ်ကို သိဖို့အချိန်ကြာကြာစောင့်ကြည့်ဖို့ မလိုအပ်ပါဘူး ။
သတိကြီးကြီးနဲ့ စောင့်ကြည့်ကြည့်လိုက်ပါ
လူတစ်ယောက်ရဲ့ မနောဆိုတာ မထင်မှတ်တဲ့အရာတွေကနေအဖြေတွေပေါ်လာတတ်ပါတယ်။
တစ်သက်တာစိတ်ချမ်းသာချင်ရင် လူရွေးမမှားဖို့အတွက်တခါတရံတော့ မျက်ရည်တွေလည်းရင်းနှီးလိုက်ပါ ညီမလေး

မူရင်းရေးသားသူအား လေးစားစွာဖြင့် ခွက်ဒစ်ပေးပါသည်။





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..