ပိုက်ဆံချေးထားသူဆီကနေအမြန်ဆုံးပိုက်ဆံပြန်ရစေမယ့် နည်းလမ်း(၅)မျိုး
shwemom.com
|
2019-07-11

ဒီလိုအချိန်ဆို လက်ထဲမှာ ပိုက်ဆံလည်း သိပ်မရှိတော့ဘူး ။ ဒီတော့ ကိုယ့်ဆီမှာ ပိုက်ဆံချေးထားတဲ့သူတွေဘာတွေ လိုက်ရှာပြီးအကြွေးတောင်းဖို့ ပြင်ဆင်နေရပြီ။အကြွေးတောင်းတယ်ဆိုတာကလည်း မလွယ်ဘူးနော်။ ကိုယ်က နည်းစနစ်ကျကျ တောင်းတတ်မှ။ မဟုတ်ရင် ပြန်ရဖို့က လွယ်တာမဟုတ်ဘူး။ ကဲ…ဒီတော့ နည်းစနစ်ကျကျ ဘယ်လိုအကွက်တွေသုံးကြမလဲ။ ဒီနည်းလမ်းလေးတွေကို လေ့လာကြည့်ပါ။

(၁)။ သူ့ဆီမှာ ပိုက်ဆံရှိ၊မရှိအရင်လေ့လာပါ
ချေးထားတဲ့သူဆီကနေ ပိုက်ဆံပြန်တောင်းဖို့ဆိုရင်အရေးကြီးဆုံးက သူ့ဆီမှာ ပိုက်ဆံ ရှိ၊မရှိကိုအရင်စုံစမ်းဖို့ပါ။ သူ့ဆီမှာ ပိုက်ဆံမရှိဘူးဆိုရင် ကိုယ်က ပြန်တောင်းတာပဲအဖတ်တင်ပြီး ပိုက်ဆံရမှာမဟုတ်ဘူးလေ။ ဒီတော့အကြွေးတောင်းမယ်လို့ ဆုံးဖြတ်ပြီးရင်တောင် ပိုက်ဆံအနေအထားကို လေ့လာကြည့်ပါဦး။ သူ့မှာ ပိုက်ဆံတွေရှိနေပြီဆိုတာ သေချာတော့မှ လုပ်ငန်းစတာပေါ့။


Yulia Grigoryeva/Shutterstock

(၂)။ တိုက်ရိုက်မပြောပါနဲ့
တိုက်ရိုက်မပြောနဲ့ဆိုတာအကြွေးတောင်းတဲ့ပုံစံမျိုး ပြောတာမဟုတ်ပဲနဲ့ ကိုယ့်မှာ ပိုက်ဆံလိုတဲ့အကြောင်း၊အဆင်မပြေတဲ့အကြောင်းတွေ သူ့ကိုသွယ်ဝိုက်ပြီးအသိပေးတာမျိုးကို ဆိုလိုတာပါ။ လူတွေကအကြွေးတောင်းရင်သာ ပြန်ဆပ်ဖို့ စဉ်းစားကြတာဖြစ်ပေမယ့် တစ်ဖက်သား ဒုက္ခရောက်နေတယ်လို့ ထင်မိရင်တော့ သူတို့ တတ်နိုင်တာလေးတွေ လုပ်ပေးတတ်ကြပါတယ်။ ဒီတော့ ပိုက်ဆံကို တိုက်ရိုက်မတောင်းပဲ သင့်ရဲ့အဆင်မပြေတာလေးတွေသာ ပြောပြပါ။ သူ သင့်ကိုအကြွေးပြန်ဆပ်ဖို့ စဉ်းစားလာပါလိမ့်မယ်။


WAYHOME studio/Shutterstock

(၃)။ ဖိအားမပေးပါနဲ့
ဖိအားမပေးပါနဲ့။အဲဒါကလည်းအရေးကြီးပါတယ်။အတင်းတွေ ဖိအားပေးပြီးအကြွေးတောင်းနေရင် သူက သင့်အကြွေးကို ပြန်မဆပ်ချင်တဲ့အပြင် သင့်ကိုပါ ရှောင်နေတော့မှာပါ။ ဘယ်နေ့နောက်ဆုံးထားပြီးပေးတို့၊ ဒီလထဲမှာအပြီးပေးတို့ဆိုပြီးအတင်းဖိအားသွားပေးတဲ့အချိန်၊ သူ့မှာ ပိုက်ဆံမရှိတာနဲ့ ကြုံနေရင် သင်ဘာတတ်နိုင်မှာလဲ။

(၄)။ ဒေါသမကြီးပါနဲ့
အကြွေးတောင်းလို့ရသည်ဖြစ်စေ၊ မရသည်ဖြစ်စေ ဒေါသမကြီးပါနဲ့။အကြွေးမရလို့ သင် ဒေါသကြီးတယ်ဆိုရင်လည်း နှစ်ယောက်ကြားက ဆက်ဆံရေးက ပျက်သွားတာပဲအဖတ်တင်မှာပါ။ ဟိုဖက်ကလည်း သင်စိတ်ဆိုးတာကို ခံရတဲ့အတူတူတော့အကြွေးမပေးတော့ဘူးဆိုပြီး စဉ်းစားကောင်း၊ စဉ်းစားမှာဖြစ်လို့ တတ်နိုင်သလောက် ဒေါသမကြီးတာမကောင်းဆုံးပါ။


Lipik Stock Media/Shutterstock

(၅)။ မက်လုံးပေးပါ
မက်လုံးပေးတယ်ဆိုတာ သိလား။ “ငါ့ကိုအကြွေးပြန်ပေးရင် မင်းကို Hot Pot လိုက်ကျွေးမယ်” ဆိုတာမျိုး။ “မင်းအကြွေးဆပ်မယ့်ပိုက်ဆံနဲ့ သွားသောက်ကြမယ်လေ” ဆိုတာမျိုးတွေက မက်လုံးပေးပြီးအကြွေးတောင်းတဲ့အကွက်တွေပါ။ သင်ရမယ့်အကြွေးပမာဏပေါ်မူတည်ပြီး မက်လုံးပေးတဲ့ ပမာဏကိုအတိုးအလျော့လုပ်သင့်ပါတယ်။

Linn





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..