လူတွေဟာ အချစ်နဲ့မကင်းနိုင်ကြဘူးလို့ ဆိုရိုးရှိပေမယ့် အချစ်နဲ့ပတ်သက်ပြီး ဘယ်လိုခံယူထားတယ်ဆိုတာ ကွဲပြားကြပါတယ်။ သင်ကရော အချစ်နဲ့ပတ်သက်ရင် ရိုမန်တစ်ဆန်သူလား၊ ရိုးရိုးရှင်းရှင်းနဲ့ လက်တွေ့ကျသူလားဆိုတာ မေးခွန်းလေးတွေဖြေပြီး စမ်းစစ်ကြည့်လိုက်ပါ။

မေးခွန်းတိုင်းရဲ့ အဖြေတစ်ခုစီအတွက် အောက်မှာဖော်ပြထားတဲ့အတိုင်း အမှတ်ပေးပြီး စုစုပေါင်းဘယ်လောက်ရလဲ ပေါင်းကြည့်ပါ။ ပြီးရင် ရမှတ်အလိုက် သင်ကဘယ်လောက်အထိ ရိုမန်တစ်ဆန်သူလဲဆိုတာ စမ်းစစ်ကြည့်လိုက်ပါ။

က - ၀။ ခ - ၁။ ဂ - ၂။ ဃ - ၃

၁။ မြင်မြင်ချင်းအချစ်ကို ယုံကြည်လား။

က - လုံးဝယုံတယ်                      ခ - ဖြစ်နိုင်ပါတယ်

ဂ - နည်းနည်းပဲဖြစ်နိုင်မှာပါ          ဃ- မယုံဘူး

၂။ ချစ်သူနဲ့ချိန်းတွေ့မယ်ဆို့ ဖော်ပြထားတဲ့အထဲက ဘယ်လိုပုံစံကို အကြိုက်ဆုံးလဲ။


က - စားသောက်ဆိုင်မှာ အတူတူစားပြီး ရုပ်ရှင်သွားကြည့်မယ်

ခ - ရေကူးကန်ဘေးမှာ ဘီယာလေးသောက်၊ မုန့်စားရင်း တွေ့ကြမယ်

ဂ - ကမ်းခြေမှာ နေဝင်ချိန် လမ်းအတူလျှောက်မယ်

ဃ - ကလပ်မှာ အတူသွားကကြမယ်

၃။ အချစ်ဇာတ်လမ်းကောင်းတစ်ခု ကြည့်မိတဲ့အခါ ဘယ်လိုခံစားရလဲ။

က - ကိုယ့်ကိုယ်ကိုယ် ဇာတ်လမ်းထဲကအတိုင်း စိတ်ကူးပုံဖော်မိတယ်

ခ - သဘောကျတယ်

ဂ - ထူးထူးခြားခြား မခံစားရဘူး  

ဃ - အချစ်ရုပ်ရှင်တွေ မကြိုက်ဘူး        

၄။ ကိုယ့်အတွက် အချစ်စစ်တွေ့မယ်လို့ ယုံကြည်ချက်ရှိလား။


က - ယုံတယ်                                         ခ - တွေ့မယ်တော့ ထင်တယ်

ဂ _ သိပ်တော့ မမျှော်လင့်ဘူး                   ဃ - မယုံဘူး

၅။ ဖော်ပြထားတဲ့အထဲက ဘယ်လိုပုံစံနဲ့ လက်ထပ်ခွင့်တောင်းတာကို သဘောကျလဲ။

က - နေဝင်ချိန်မှာ ရေတံခွန်တစ်ခုကို နောက်ခံထားပြီး လက်ထပ်ခွင့်တောင်းမယ်

ခ - ခိုဖြူလေးနဲ့ စာပို့ပြီး လက်ထပ်ခွင့်တောင်းမယ်

ဂ - အထူးညစာစားပွဲလေးလုပ်ပြီး လက်ထပ်ခွင့်တောင်းမယ်

ဃ - ဘောလုံးပွဲမှာ ဆိုင်းဘုတ်ထောင်ပြီး လက်ထပ်ခွင့်တောင်းမယ်

၆။ ချစ်သူကို ချစ်ကြောင်းပြဖို့ အမြဲလိုလို လုပ်ဖြစ်တဲ့အရာ။


က - surprise လက်ဆောင်တွေ ခဏခဏပေးတယ်            ခ - မွေးနေ့တိုင်း အသေအချာစီစဉ်ပြီး လက်ဆောင်ပေးတယ်

ဂ - တစ်ခါတလေတော့ အမှတ်တရတစ်ခုခု ပေးဖြစ်တယ်     ဃ - ဂရုစိုက်ပေးနေတော့ သီးခြားတစ်ခုခုလုပ်ပေးဖို့ မလိုဘူးထင်တယ်

၇။ ပထမဆုံးအနမ်းကို မှတ်မိလား။

က - အသေးစိတ် မှတ်မိတယ်                   ခ - မှတ်မိတယ် 

ဂ - နည်းနည်းတော့ မှတ်မိတယ်               ဃ - မမှတ်မိဘူး

၈။ ချစ်သူက ကိုယ့်ကို ဘယ်လိုလက်ဆောင်မျိုး ပေးစေချင်လည်း


က - သူကိုယ်တိုင်လုပ်ထားတဲ့ တစ်ခုခု                   ခ - ချိန်းတွေ့ပြီး ရုပ်ရှင်လိုက်ပြတာ

ဂ - ကိုယ်ကြိုက်တတ်တဲ့ လက်ဆောင်ကတ်           ဃ- ချောကလက်

၉။ အချစ်ရေးမှာ ကံတရားက ဘယ်လောက်အထိ အရေးပါတယ်ထင်လဲ။

က- ရာနှုန်းပြည့်နီးပါးပဲ                            ခ- အတော်လေး အရေးပါတယ်

ဂ - သိပ်တော့အရေးမပါဘူးထင်တယ်        ဃ- အရေးမကြီးပါဘူး

၁၀။ ဘယ်လိုမင်္ဂလာပွဲမျိုး လုပ်ချင်လဲ။


က - ပျော်စရာပွဲလမ်းသဘင်တွေနဲ့ ခြိမ့်ခြိမ့်သဲ မင်္ဂလာပွဲ

ခ - သီးသန့်အပမ်းဖြေစခန်းတစ်ခုမှာ လူနည်းနည်းပဲဖိတ်တဲ့ မင်္ဂလာပွဲ

ဂ -  ရင်းနှီးတဲ့ မိသားစုဝင်တွေပဲပါတဲ့ ရိုးရိုးရှင်းရှင်း မင်္ဂလာပွဲ

ဃ - ရိုးရာအတိုင်း မိသားစုတွေ၊ ဧည့်ပရိသတ်တွေနဲ့

၁၁ ။ Valentine’s Day ကို ဘယ်လိုသဘောထားလဲ

က - ချစ်မေတ္တာနဲ့ပတ်သက်ပြီး အရေးပါတဲ့နေ့        

ခ - အရူးအမူးမဟုတ်ပေမယ့် အမှတ်တရတစ်ခုခုတော့ လုပ်ဖြစ်တယ်

ဂ - သိပ်တော့စိတ်မဝင်စားပေမယ့် ချစ်သူကလုပ်ချင်တာတွေ လုပ်ပေးဖြစ်တယ်

ဃ - Valentine’s Day ဆိုတာ စီးပွားရေးသမားတွေ လုပ်စားကြတာပါ

၁၂ ။ ကိုယ့်ရဲ့အချစ်ရေးမှာ အရေးအပါဆုံးနေ့က ဘယ်နေ့ဖြစ်မလဲ။

က - ချစ်သူနဲ့ စတွေ့တဲ့နေ့                       ခ - ပထမဆုံးအနမ်းပေးတဲ့နေ့

ဂ - ချစ်သူစဖြစ်တဲ့နေ့                              ဃ - လက်ထပ်တဲ့နေ့

၁ ။ ရမှတ် ၀ - ၉


သင်က အချစ်ကိုကိုးကွယ်တယ်လို့ ပြောရလောက်တဲ့အထိ ရိုမန်တစ်ဆန်သူပါ။ ချစ်သူလက်ကို ကိုင်စွဲထားရရင် အရာရာပြည့်စုံတယ်လို့ ခံယူထားသူလည်း ဖြစ်ပါတယ်။ အချစ်ရေးနဲ့ပတ်သက်ပြီး ဆုံးဖြတ်ချက်တွေ ချရာမှာလည်း စိတ်ခံစားချက်ကို ဦးစားပေးတတ်သူ ဖြစ်ပါတယ်။

၂ ။ ရမှတ် ၁၀ - ၁၈


သင်က ရိုမန်တစ်ဆန်သူ ဖြစ်ပေမယ့် ဘဝမှာ အချစ်ထက်အရေးကြီးတာတွေ ရှိသေးတယ်လို့ ခံယူထားသူပါ။ အချစ်ရေးမှာ နှလုံးသားနဲ့ဦးနှောက် နှစ်မျိုးလုံး ဟန်ချက်ညီဖို့ ကြိုးစားသူလည်း ဖြစ်ပါတယ်။ ဆုံးဖြတ်ချက်ချရာမှာ ဦးနှောက်နဲ့ စဉ်းစားသူဖြစ်ပေမယ့် ရွေးချယ်ထားတဲ့အချစ်ရေးမှာတော့ ရိုမန်တစ်ဆန်ဖို့ ကြိုးစားတတ်ပါတယ်။

၃။ ရမှတ် ၁၉ -၂၇


သင်က အချစ်ဆိုတာ ဘဝအတွက် မရှိမဖြစ် မဟုတ်ဘဲ အခြေခံလိုအပ်ချက်တွေ ပြည့်စုံချိန်မှ စဉ်းစားသင့်တဲ့အရာလို့ ခံယူထားသူပါ။ အချစ်ရေးမှာ စိတ်ခံစားချက်ကို အလိုမလိုက်ဘဲ အရာရာကို အချက်အလက်တွေ အခြေခံကာ စဉ်းစားဆုံးဖြတ်တတ်သူလည်း ဖြစ်ပါတယ်။

၄။ ရမှတ် ၂၈ -၃၆


သင်က အချစ်ဆိုတာ လူတွေစိတ်က ထင်ယောင်ထင်မှားဖြစ်တဲ့ အပိုသက်သက်လို့ ခံယူသူဖြစ်ပါတယ်။ ဒါ့အပြင် အချစ်ရေးကိစ္စရပ်တွေက ဘဝခရီးလမ်းမှာ အနှောက်အယှက်တစ်ခုလို့ တစ်ခါတလေ ရှုမြင်တတ်သူပါ။ လက်တွဲဖော်ရွေးချယ်ရာမှာလည်း ဦးနှောက်နဲ့သာ ဆုံးဖြတ်လေ့ရှိသူ ဖြစ်ပါတယ်။

MPT အနေဖြင့် ရပိုင်ခွင့်ရှိသည့် အခွင့်အရေးများအားလုံးကို သီးသန့်ထိန်းသိမ်းထားရှိပါသည်။ လူကြီးမင်းတို့အနေဖြင့် MPT လိုတရ ဝန်ဆောင်မှုတွင် ဖော်ပြထားသည့် စာမူများကို MPT ၏ စာဖြင့်ရေးသားခွင့်ပြုချက်မရှိဘဲ ပြန်လည်ထုတ်ဝေခွင့်မရှိပါ။

#lotaya_quiz