လူငယ်တိုက်စစ်မှူးအမ်ခီတီယာရဲ့အငှားချမှုနှင့် ပတ်သတ်ပြီးအာဆင်နယ်အသင်းဟာ လိဒ်စ်နှင့် ဘရစ္စတိုးစီးတီးတို့အပါအဝင်အသင်းတော်တော်များများနှင့် ပြောဆိုနေပါတယ် လို့ စကိုင်းက ဖော်ပြထားပါတယ်။အသက် ၂၀အရွယ်အကယ်ဒမီထွက် ကစားသမားဟာ ရာသီကြိုတွင် ခြေစွမ်းပြ ကစားခဲ့တာဖြစ်ပြီး ဖီအိုရင်တီးနားနှင့် ကစားခဲ့တဲ့ပွဲနှင့် ဘိုင်ယန်မြူးနစ်အား ၂-၁ ဂိုးဖြင့်အနိုင်ရရှိခဲ့တဲ့ ပွဲများတွင် စုစုပေါင်း ၂ ဂိုး သွင်းယူခဲ့ပါတယ်။၂၀၁၇ ခုနှစ် ယူရိုပါလိဂ်တုန်းကလည်း ဘိုရီဆော့ဗ်အသင်းနှင့် ကစားခဲ့တဲ့အာဆင်နယ်အသင်းအတွက် ပထမဆုံး စီနီယာ ပွဲထွက်ခွင့် ရရှိခဲ့ပြီး ပရီးမီးယားလိဂ် ၅ ပွဲတွင်လည်း လူငယ်တိုက်စစ်မှုးက ၁ ဂိုး သွင်းယူ ခဲ့ပါတယ်။အမ်ခီတီယာဟာ ပြီးခဲ့တဲ့နှစ် မေလတွင်အင်္ဂလန်ယူ ၂၁ လက်ရွေးစင်အသင်းအတွက် ရွေးချယ်ခြင်း ခံခဲ့ရပြီး ကတည်းကအသင်းအတွက် ၄ ပွဲ ကစားထားကာ ၂ ဂိုး သွင်းယူ ပေးထားပါတယ်။အပြောင်းအရွှေ့နောက်ဆုံးရက်ဖြစ်တဲ့ သြဂုတ်လ ၈ ရက်နေ့ မတိုင်ခင်အက်ချ်တွန်ဂိတ်သို့ တိုက်စစ်မှုးအား ခေါ်ယူလိုကြောင်းကို ဘရစ္စတိုးနည်းပြ ဂျွန်ဆင်က ပြောဆိုထားပါတယ်။