သမ္မတ၏နှုတ်မစောင့်စည်းမှုကြောင့် အမေရိကန် အကြမ်းဖက်ပစ်ခတ်မှုများ ဖြစ်ရဟု ပြောဆိုကြ
yangonmedia.com
|
2019-08-06


နယူးယောက်၊ ဩဂုတ် ၅အမေရိကန်နိုင်ငံ ဒီမိုကရက်ပါတီသမ္မတလောင်းတစ်ဦးဖြစ်သူ နယူး ဂျာစီပြည်နယ်အထက်လွှတ်တော်အမတ် ကိုရီဘွတ်ကားကအိုဟိုင်းယို နှင့် တက္ကဆက်ပြည်နယ်အတွင်းအကြမ်းဖက်သေနတ်ပစ်ခတ်မှုများ ဖြစ် ပွားရခြင်းသည် သမ္မတဒေါ်နယ်ထရန့်၏ လူနည်းစုများအပေါ် ခွဲခြား ဆက်ဆံသော စကားအပြောအဆို မဆင်ခြင်မှုများကြောင့်ဖြစ်ရသည်ဟု ဩဂုတ် ၅ ရက်က စွပ်စွဲပြစ်တင် ပြောဆိုလိုက်သည်ဟု သတင်းများအရ သိရှိရသည်။အခြားသော သမ္မတလောင်းများကလည်း လူထုဟောပြောပွဲများ၊ ရုပ်မြင်သံကြားများမှတစ်ဆင့် ထရန့်အပေါ်အလားတူစွပ်စွဲပြစ်တင်မှုများ ပြုလုပ်ခဲ့ကြသည်။ ဒေတွန်နှင့်အယ်လ်ပါဆိုမြို့အကြမ်းဖက် သေနတ် ပစ်ခတ်မှုများကြောင့် လူပေါင်း နှစ်ဒါဇင်ကျော် သေဆုံးခဲ့ရပြီး ယင်းဖြစ်ရပ် များသည် သမ္မတဒေါ်နယ်ထရန့်၏ လူမည်းများအပေါ် ခွဲခြားအပြစ်တင် သော မိန့်ခွန်းများ ထွက်ပေါ်လာပြီးနောက် ဖြစ်ပေါ်လာခဲ့ရခြင်းဖြစ်သည်။ "သမ္မတ၏အမုန်းတရားစကားများသည် လူအချို့အပေါ် ကူးစက် လာခြင်းဖြစ်သည် " ဟု ကိုရီဘွတ်ကားက ဆက်လက်ပြောဆိုလိုက်သည်။ "သမ္မတ၏အမျိုးသားရေးဝါဒသည် လူဖြူအကြမ်းဖက်ဝါဒဖြစ်ပြီး လူနည်းစုအပေါ်တွင် ဆွပေးသလိုဖြစ်နေရသည် " ဟု မြို့တော်ဝန် တာ ဘတ်တီဂျိဂ်က ဝေဖန်ပြောဆိုလိုက်သည်။ ကယ်လီဖိုးနီးယားအထက် လွှတ်တော်အမတ် ကမ်မလာဟာရစ်ကလည်း "အကြမ်းဖက် ပစ်ခတ်မှု များသည် သမ္မတ၏ စကားအပြောအဆို မဆင်ခြင်မှုကြောင့်ဖြစ်ရသည် " ဟု ပြောဆိုလိုက်သည်။ "အမေရိကန်နိုင်ငံရဲ့ သမ္မတဖြစ်သူဟာအမုန်းတရားစကားလုံးများ သုံးစွဲပြောဆိုမိခြင်း မပြုစေရန် စကားလုံးရွေးချယ်သုံးနှုန်းဖို့ လိုအပ်ပါ တယ်" ဟု လပ်စ်ဗီးဂတ်စ်မြို့ သတင်းစာရှင်းလင်းပွဲ၌ ထုတ်ဖော်ပြောဆို လိုက်သည်။အထက်လွှတ်တော်အမတ် ဘာနီဆန်းဒါးက မြို့တော်ခန်းမတွင် ပြုလုပ်သောအခမ်းအနားသို့ တက်ရောက်ကာအကြမ်းဖက်ပစ်ခတ်မှု ကြောင့် သေဆုံးရသူများအတွက် ငြိမ်သက်စွာနေပေးခဲ့ပြီး လက်နက်များအလွယ်တကူ ဝယ်ယူသုံးစွဲနိုင်မှုကို ပြန်လည်ဆန်းစစ်ရန်ပြောဆိုခဲ့သည်။ Ref: AP





ပင်မစာမျက်နှာ

သတင်း

ဂိမ်း

ဝန်ဆောင်မှုများ
Some text some message..