ဟယ်လို myStyle Myanmar ပရိသတ်တို့ရေ…ဒီတစ်ခေါက်မှာ အနုပညာရှင်တို့ရဲ့ ဖက်ရှင်ကဏ္ဍအတွက် ရွေးချယ်ထားတာကတော့ တရုတ်မင်းသမီး Gulnezer Bextiyar ပဲ ဖြစ်ပါတယ်။

သူမကိုတော့ Gulinazha ခေါ် Nazha လို့လည်း လူသိများပါတယ်။ ၁၉၉၂ ခုနှစ် မေလ (၂) ရက်နေ့မှာ မွေးဖွားခဲ့ပြီး ၂၀၁၁ ခုနှစ်မှာ Beijing Film Academy ကနေ ကျောင်းပြီးထားပါတယ်။

၂၀၁၂ ခုနှစ်မှာ သူမရဲ့ သရုပ်ဆောင်ဘဝကို စတင်လျှောက်လှမ်းခဲ့တာဖြစ်ပြီး ပထမဆုံးခြေလှမ်းကတော့ Xuan-Yuan Sword: Scar of Sky ပဲ ဖြစ်ပါတယ်။ အဲ့ဇာတ်ကားနဲ့ပဲ နာမည်လည်းရခဲ့ပါတယ်။

၂၀၁၃ ခုနှစ်မှာတော့ Police Story ဇာတ်ကားနဲ့ ပိတ်သားပြင်ပေါ်ရောက်ရှိခဲ့သလို The Breakup Guru နဲ့ Black & White: The Dawn of Justice ဆိုတဲ့ ဇာတ်ကားတွေကိုလည်း ရိုက်ကူးခဲ့ပါတယ်။

၂၀၁၆ ခုနှစ်မှာတော့ The Classic of Mountains and Seas ဆိုတဲ့ ဇာတ်လမ်းတွဲမှာ ခေါင်းဆောင်မင်းသမီးအဖြစ် ရိုက်ကူးခဲ့ရပြီး အဲ့နှစ်မှာပဲ God of War, Zhao Yun, Chinese Paladin 5 တို့မှာလည်း ပါဝင်သရုပ်ဆောင်ခဲ့ပါတယ်။

အသက် (၃၀) ကျော်တယ်လို့ကို မထင်ရတဲ့ တရုတ်မင်းသမီးချော Gulnezer ရဲ့ ဖက်ရှင်တွေကို ဖော်ပြပေးလိုက်ရပါတယ်။
















Image Source: Pinterest