လက်သည်းအလှပြင်တဲ့သူအများစုဟာ အနက်ရောင်ကိုဆိုသိပ်ပြီးရွေးချယ်ကြလေ့မရှိပါဘူး။ ပုံဖော်ဖို့တစ်ခြားအရောင်တွေနှင့်သိပ်ပြီးမရောချင်တာအပြင် အနက်ရောင်ဟာ သိပ်ပြီးထင်ရှားအောင်မလုပ်ပေးတာကြောင့် မရွေးကြတာဖြစ်ပါတယ်။ ဒါပေမဲ့ အနက်ရောင်ကိုတစ်ခြားအရောင်တွေနှင့်အများကြီးမရောစပ်ဘဲနဲ့ အနက်ရောင်တစ်ခုနှင့်ပဲလှအောင်လည်းလုပ်နိုင်ပါတယ်။ တစ်ခြားအရောင်တွေအနည်းအကျဥ်းပါပေမဲ့ အနက်ရောင်အဓိကအလှဆင်ထားတဲ့ ဒီဇိုင်းတွေကိုဖော်ပြပေးသွားပါမယ်။ 





အနက်ရောင်အခံပေါ်မှာ အဖြူရောင်အစက်လေးတွေပါဝင်တဲ့ဒီဒီဇိုင်းကလည်း ရိုးရှင်းပေမဲ့ အခုချိန်ထိကြိုက်တဲ့သူတွေရှိနေဆဲဖြစ်တဲ့ဒီဇိုင်းဖြစ်ပါတယ်။ ဒီလိုဒီဇိုင်းတွေကို များသောအားဖြင့် ပုံမှာဖော်ပြထားသလိုမျိုး လက်ငါးချောင်းလုံးမှာအပြည့်မဆွဲဘဲ အကြည်ရောင်နှင့်ရောဆွဲတာကပိုကောင်းပါတယ်။




အနက်ရောင်ကိုအခြေခံအရောင်အဖြစ် သတ်မှတ်ထားပြီးတစ်ခြားအရောင်တွေနှင့် တစ်လှည့်စီဆိုးထားတဲ့ဒီဇိုင်းကလည်း လှပြီးတော့ ရိုးရှင်းတဲ့ဒီဇိုင်းလေးပဲဖြစ်ပါတယ်။