ပန်းရောင်ခန္ဓာကိုယ်ပိုင်ဆိုင်ထားပြီးတော့ အမှတ်တမဲ့ကြည့်လိုက်ရင်ပန်းပွင့်ဖတ်လေးနှင့်တူတဲ့ဒီအကောင်လေးဟာ လမ်းလျှောက်နေတဲ့ပန်းပွင့်ရှိခိုးကောင်ဆိုပြီး နာမည်ကြီးတဲ့အကောင်ဖြစ်ပါတယ်။ သူ့ရဲ့ပန်းရောင်ခန္ဓာကိုယ်ဟာသစ်ခွပန်းနှင့်တူတာကြောင့် သစ်ခွရှိခိုးကောင်လို့လည်းခေါ်တတ်ကြပါတယ်။


ဒီအကောင်လေးတွေဟာ အရှေ့တောင်အာရှရဲ့တောနက်တွေထဲမှာနေထိုင်ကြပြီးတော့ သူတို့ရဲ့လှပမှုကြောင့် ရှေးဟောင်းပညာရှင်တစ်ချို့ရဲ့စာပေတွေထဲမှာတောင်မှ ဖော်ပြခြင်းခံခဲ့ကြရပါတယ်။ ဒီအကောင်မျိုးစိတ်မှာဆိုရင် အထီးတွေဟာအမတွေထက်အကောင်သေးငယ်ပြီးတော့ မိတ်လိုက်ပြီးနောက်မှာ အမတွေရဲ့စားသုံးခြင်းကိုခံကြရလေ့ရှိပါတယ်။ ဒါ့အပြင် ပွင့်ဖတ်နှင့်တူတဲ့ခြေထောက်တွေကိုအသုံးပြုပြီးတော့ သူတို့ထက်ကြီးမားတဲ့အကောင်တွေကိုတောင်မှ အမဲလိုက်နိုင်စွမ်းရှိကြပါတယ်။


ဒါပေမဲ့ ပန်းပွင့်ရှိခိုးကောင်တွေဟာ ယင်ကောင် လိုမျိုးအင်းဆက်အသေးလေးတွေကိုပဲစားသုံးနိုင်ကြပါတယ်။ အကြောင်းကတော့ သူတို့ရဲ့အစာချေစနစ်ပုံစံကြောင့်ပါ။ ဒီအင်းဆက်တွေဟာအတော်လေးလှပတာကြောင့် အင်းဆက်မွေးသူတွေကြားမှာနာမည်ကြီးပြီးတော့ ဈေးနှုန်းလည်းအတော်လေးမြင့်မားတဲ့မျိုးစိတ်ဖြစ်ပါတယ်။