ကိုရီးယားကားတွေကို ကြိုက်ကြသလိုမျိုးပဲ တရုတ်ကားတွေဆိုလည်း မလွတ်တမ်း ကြည့်တဲ့သူတွေအဖို့တော့ မင်းသမီး Shen Yue ကို ကျိန်းသေပေါက်သိကြမှာပါ။

အထူးသဖြင့် သူမပါဝင်သရုပ်ဆောင်ခဲ့တဲ့ A Love So Beautiful ထဲက ဇာတ်ဝင်တေးဆိုရင် ကမ္ဘာတစ်ဝှမ်းမှာ တော်တော်လေး လူကြိုက်များခဲ့ပြီး တရုတ်လိုကနေ ဘာသာတွေပြန်ပြီးတော့တောင် သီဆိုကြတဲ့အထိပါပဲ။

Shen Yue ကို ၁၉၉၇ ခုနှစ် ဖေဖော်ဝါရီလ ၂၇ ရက်နေ့မှာ တရုတ်နိုင်ငံ ဟူနန််ခရိုင် Wugang, Shaoyang City မှာ မွေးဖွားခဲ့ပါတယ်။

ပညာရေးအနေနဲ့ကတော့ ၂၀၁၄ ခုနှစ်မှာ Journalism and Communication မေဂျာကို Hunan Normal University မှာ လေ့လာတက်ရောက်ခဲ့ပါတယ်။

မင်းသမီးဖြစ်မလာခင် Hunan Satellite TV မှာ အလုပ်သင်အဖြစ် ဝင်ရောက်လုပ်ကိုင်ခဲ့ပြီး သူမ တက္ကသိုလ် ဒုတိယနှစ်မှာ ဓာတ်ပုံဆရာသူငယ်ချင်းကနေပြီး သူမရဲ့ပုံကို အွန်လိုင်းမှာ တင်လိုက်ရာကနေ အေးဂျင့်မျက်စိကျခဲ့တာပါ။

သရုပ်ဆောင်အလုပ်ကိုတော့ ၂၀၁၇ ခုနှစ်က Autumn Harvest Uprising ဆိုတဲ့ တီဗီစီးရီးနဲ့ စတင်ခဲ့ပြီး A Love So Beautiful ဒရမ်မာမှာ Hu Yitian နဲ့အတူ တွဲဖက်ပြီး ခေါင်းဆောင်မင်းသမီးအဖြစ် သရုပ်ဆောင်ခွင့်ရရှိခဲ့ပါတယ်။

ဒီဇာတ်ကားနဲ့ပဲ တော်တော်လေးအောင်မြင်မှုရရှိခဲ့ပြီးတော့ Meteor Garden (2018), Count Your Lucky Stars (2020), Use for My Talent (2021) and Mr. Bad (2022) တို့မှာလည်း သရုပ်ဆောင်ထားပါတယ်။

အရပ်အမြင့် ငါးပေ သုံးလက်မပဲရှိတဲ့ မင်းသမီး Shen Yue က မြန်မာမလေးတွေ အများစုရဲ့ အရပ်နဲ့တူနေလို့ သူမဝတ်ဆင်ခဲ့ဖူးတဲ့ ပေါ့ပေါ့ပါးပါး ဖက်ရှင်လေးတွေကို စုစည်းတင်ဆက်ပေးလိုက်ရပါတယ်။
















Image Source: Pinterest