အသီးစားတဲ့အချိန်မှာ အထဲက အရသာရှိတာကိုပဲ စားသုံးမယ်ဆိုရင် အသီးရဲ့ အခွံမှာရှိတဲ့ အာဟာရဓာတ်တွေကိုလွတ်သွားနိုင်ပါတယ်။ ဘာကြောင့်လဲဆိုတော့ အသီးရဲ့ အသားကိုသာစားပြီး အခွံကို လွှင့်ပစ်လိုက်တာကြောင့်ဖြစ်ပါတယ်။ အသီးတိုင်းမှာ အာဟာရဓာတ်တွေက ပြည့်ဝစွာပါဝင်ပေမယ့် အခွံကို မစားတဲ့ အခါမှာ အခွံမှာ ပါတဲ့အာဟာရဓာတ်တွေကိုလည်း လွတ်သွားနိုင်ပါတယ်။ ဒါကြောင့် အသီးတွေစားသုံးပေးမယ်ဆိုရင် အခွံတွေကိုလည်းစားသုံးပေးသင့်ပါတယ်။ အချို့သော အသီးအခွံတွေမှာ အမျှင်ဓာတ်တွေ များစွာ ပါဝင်ပြီး ဝမ်းချုပ်ခြင်း၊ အူမကြီးကင်ဆာဖြစ်ပွားမှုကိုလျှော့ချရာတွင် အရေးပါလှပါတယ်။ ဒါကြောင့် အခုပြောပြမှာကတော့ အချို့အသီးအနှံတွေရဲံအခွံကို စားသုံးပေးမယ်ဆိုရင် ရရှိနိုင်မယ့်အကျိုးကျေးဇူးပဲဖြစ်ပါတယ်။




၁။ ပန်းသီးအခွံ အရေပြားအတွက် အာဟာရဓာတ်ကြွယ်ဝခြင်း

ပန်းသီးကို စားပါသလား။ ပန်းသီးစားရင် ပန်းသီးအခွံကိုကော စားပါသလား။ အရင်ကတော့ အခွံလည်း စားပါတယ်။ နောက်ပိုင်းမှ ဖယောင်းပါတယ်ဆိုပြီးမစားတော့တာမျိုးဟုတ်ပါသလား။ ဒါကတော့ လူတိုင်းပြောနေကျစကားလိုဖြစ်နေပါပြီ။ ဒါပေမယ့် ဖယောင်းတွေ ပျောက်အောင်လုပ်ပြီးစားသုံးပေးသင့်ပါတယ်။ ဘာကြောင့်လဲဆိုတော့ ပန်းသီးအခွံမှာ ကယ်လစီယမ်၊ ဗီတာမင်အေ၊ ကင်ဆာတိုက်ဖျက်ပေးနိုင်သော ဖီတိုဓာတုပစ္စည်းနဲ့ ဓာတ်တိုးပစ္စည်းများပါဝင်တာကြောင့် စားသုံးပေးသင့်ပါတယ်။ ပန်းသီးအခွံမှာပါဝင်တဲ့ ဗီတာမင်အေက အရေပြားမှာ လိုအပ်တဲ့ အာဟာရဓာတ်တွေ ကြွယ်ဝစွာပါဝင်တဲ့အပြင် အစာခြေစနစ်ကိုအထောက်အကူဖြစ်စေတဲ့ အမျှင်ဓာတ်တွေ များစွာပါဝင်နေပါတယ်။




၂။ အစာခြေစနစ်အတွက် သံပရိုအခွံ

သံပရိုအခွံက အနည်းငယ်ခါးသော်လည်း သံပရိုအခွံက အစာခြေစနစ်ကို ကူညီပေးခြင်း၊ ကြွက်တက်ခြင်းကို လျှော့ချပေးနိုင်ခြင်း သွေးလည်ပတ်မှုတိုးတက်စေခြင်း၊ ကိုယ်ခံစွမ်းအားစနစ်ကို တိုးတက်ကောင်းမွန်စေနိုင်ပါတယ်။ သံပရိုအခွံက citrus bioflavonoids ၏ အရင်းအမြစ်ဖြစ်တာကြောင့် ခန္ဓာကိုယ်မှာအဆိပ်တွေကိုလည်း ဖယ်ထုတ်ပေးနိုင်ပါတယ်။ သံပရိုအခွံမှာ ကယ်လ်စီယမ်နှင့် ဗီတာမင်ပါဝင်မှု မြင့်မားခြင်းကြောင့် အရိုးကိုလည်း သန်မာစေပါတယ်။




၃။ လိမ္မော်ခံက ကိုလက်စထရောလျှေ့ချရာတွင် အထောက်အကူပြုနိုင်ခြင်း

လိမ္မော်အခွံက phytonutrients နှင့် flavonoids များစွာ ပါဝင်ပါတယ်။ လိမ္မော်အခွံသည် အစာကြေလွယ်စေခြင်း၊ ကိုလက်စထရောအဆိပ်အတောက်များကို လျှော့ချပေးနိုင်ပါတယ်။ အခြောက်ခံပြီး အသုံးပြုလို့ ရသလို ဖျော်ရည်အဖြစ်လည်း အသုံးပြုလို့ ရပါတယ်။




၄။ ကီဝီခွံမှာ antioxidants ကြွယ်ဝခြင်း

ကီဝီက ကျန်းမာရေးနဲ့ ညီညွတ်တဲ့ အသီးအနှံတွေထဲက တစ်မျိုးဖြစ်ပါတယ်။ ကီဝီအခွံမှာ အရေပြားအတွက် လိုအပ်တဲ့ ဗီတာမင်နှင့် သတ္တုဓာတ်တွေ antioxidants များကြွယ်ဝစွာပါဝင်တဲ့အရင်းအမြစ်တွေ ဖြစ်ပါတယ်။ ကီဝီအခွံသည်နှလုံးကျန်းမာရေးကို ပိုမိုကောင်းမွန်စေပြီး အရေပြားကို အရသာပိုကောင်းအောင် ဖျော်သောက်နိုင်ပါတယ်။




၅။ ဖရဲခွံမှာ ဗီတာမင်ကြွယ်ဝခြင်း

ဖရဲသီးမှာ က အာဟာရဓာတ်တွေ ကြွယ်ဝစွာပါဝင်နေပါတယ်။ အရည်ရွမ်းသလို အရသာလည်း ကောင်းမွန်လှပါတယ်။ အများဆုံး ဖရဲအသားအဖြူရောင်ထိပဲစားကြတာဖြစ်ပါတယ်။ အဖြူရောင်မှာက ဗီတာမင်စီ၊ ဘီတာကာရိုတင်း၊ ဗီတာမင်အေ၊ သမီယမ်၊ လီကရင်နီ၊ ကယ်လစီယမ်တွေပါဝင်ပါတယ်။

ဒီလိုအခွံတွေ စားသုံးနိုင်ဖို့အတွက် အော်ဂဲနစ်အသီးအနှံတွေကို ရအောင်ယူနိုင်ရင် ပိုအဆင်ပြေပါတယ်။