ကြိုးခုန်တယ်ဆိုတာ သွေးပူဖို့ရန်အတွက် cardio လေ့ကျင့်ခန်းတစ်ခုဖြစ်ပါတယ်။ တစ်မိနစ်လျှင် ၁၀-၁၅ကယ်လိုရီကို လောင်ကျွမ်းစေသော ခန္ဓာကိုယ်တစ်ခုလုံး လှုပ်ရတဲ့ လေ့ကျင့်ခန်းမျိုးဖြစ်ပါတယ်။ ဒါဟာဆိုရင် အဆီပိုတွေကို လျှော့ချစေနိုင်ရုံသာမက သင့်ရဲ့ခန္ဓာကိုယ်ကို toning လုပ်တဲ့နေရာမှာလည်း ထိရောက်မှုရှိပါတယ်။ ဒီကနေ့မှာတော့ ကြိုးခုန်ခြင်းရဲ့အကျိုးကျေးဇူများကို မျှဝေဖော်ပြပေးလိုက်ပါတယ်။

၁။ နုလုံးကျန်းမာရေးကို တိုးတက်ကောင်းမွန်စေခြင်း

ခုန်ပျံကျော်လွှားခြင်း ဒါမှမဟုတ် ကြိုးခုန်ခြင်းတွေဟာဆိုရင် cardioလေ့ကျင့်ခန်းပုံစံအမျိုးအစားတွေဖြစ်ပါတယ်။ ဒါဟာနှလုံးခုန်နှုန်းကို တိုးစေပါတယ်။ ပြီးတော့နှလုံးကျန်းမာရေးကို မြှင့်တင်ပေးတဲ့အပြင် ကိုယ်အလေးချိန်ကိုလည်း တိုးစေပါတယ်။

၂။ ခန္ဓာကိုယ်တစ်ကိုယ်လုံးရှိ ကြွက်သားများ ပိုမိုအားကောင်းလာခြင်း

ကြိုးခုန်ခြင်းဟာ ခန္ဓာကိုယ်တစ်ကိုယ်လုံးလှုပ်ရှားရတဲ့လေ့ကျင့်ခန်းမျိုးပါ။ ဒီနည်းလမ်းဟာဆိုရင် သင့်ရဲ့ ခန္ဓာကိုယ်အစိတ်အပိုင်းအားလုံးက အဆီတွေကို သယ်ဆောင်ဖို့အတွက် ကူညီပေးပြီးတော့ သင့်အားပိုမိုကောင်းမွန်စေပါတယ်။ကြွက်သားတည်ဆောက်မှုကို အထောက်အကူမပြုပေမယ့်လည်း အလွန်မြင့်မားတဲ့ စွမ်းအားနဲ့ အလုပ်လုပ်မယ်ဆိုရင် သင့်ရဲ့ လက်ရုံးကြွက်သားများ ၊ လက်မောင်းရင်း နောက်ဘက်ကြွက်သားများ ၊ ပခုံးများ၊ ပေါင်များ၊ ခြေသလုံးများ အားလုံး အတွက် အလုပ်ဖြစ်ပါလိမ့်မယ်။




၃။ ကယ်လိုရီလောင်ကျွမ်းမှု

ခုန်ပျံကျော်လွှား(သို့) ကြိုးခုန်ခြင်းတို့ဆိုတာ ကယ်လိုရီလောင်ကျွမ်းစေပြီးအဆီကျစေတဲ့ အံ့ဩစရာကောင်းတဲ့ နည်းလမ်းတစ်ခုဖြစ်ပါတယ်။ လေ့လာတွေ့ရှိချက်တစ်ခုအရ ဂီတနှင့်ကြိုးခုန်ခြင်းဟာ မလှုပ်မရှားပဲ သံသရာလည်နေခြင်းထက် BMI ပိုမိုတိုးတက်စေတယ်လို့ သုတေသီတွေက ဆိုပါတယ်။ ဆယ်မိနစ်လောက် ပြင်းပြင်းထန်ထန် ကြိုးခုန်ခြင်းနှင့် ၈မိုင်လောက် ပြေးခြင်းကညီမျှတယ်လို့ ယူဆနိုင်ပါတယ်။ တစ်နာရီလျှင် ကယ်လိုရီ၁၃၀၀ နီးပါးအထိ လောင်ကျွမ်းနိုင်ပါတယ်။




၄။ Motor Function နှင့် Staminaတိုးတက်ကောင်းမွန်လာခြင်း

ဒီအချက်ကတော့ အားကစားသမားတွေနှင့် အထူးသဖြင့် လက်ဝှေ့သမားတွေ ကြိုးခုန်လေ့ကျင့်ရခြင်းရဲ့ အဓိကအကြောင်းရင်းဖြစ်ပါတယ်။ကြိုးခုန်ခြင်းကို သင့်ရဲ့လေ့ကျင့်ခန်းလုပ်ရိုးလုပ်စဉ်ထဲမှာ ထည့်သွင်းပေးမယ်ဆိုရင် ငယ်ရွယ်တဲ့ အားကစားသမားတွေအနေနဲ့ သန်မာမှု ၊ ခံနိုင်ရည်၊ ခန္ဓာကိုယ်အနေအထား ညီမျှမှုစတဲ့အချက်တွေ တိုးတက်လာဖို့ ကူညီပေးပါလိမ့်မယ်။

၅။ Pulmonary Function ကို တိုးမြှင့်ပေးနိုင်ခြင်း

ကြိုးခုန်ခြင်းက သွေးလည်ပတ်ခြင်းနဲ့ အသက်ရှုခြင်းကို ပိုမိုကောင်းမွန်စေပြီး အဆုတ်စွမ်းရည်ကို တိုးတက်စေပါတယ်။လေ့လာမှုတွေအရ အေရိုးဗစ်လေ့ကျင့်ခန်းတွင် cardiorespiratory လုပ်ဆောင်မှုများနှင့် အောက်စီဂျင် စုပ်ယူသုံးစွဲမှုအပါ် ကောင်းမွန်တဲ့ ဩဇာသက်ရောက်မှုရှိကြောင်းပြသခဲ့ပါတယ်။




၆။ အရိုးသိပ်သည်းဆကို တိုးမြှင့်ပေးနိုင်ခြင်း

အရိုးပွခြင်းနှင့် အရိုးအားနည်းတဲ့ ရောဂါဖြစ်ရခြင်းဟာ အရိုးသိပ်သည်းဆနည်းခြင်းရဲ့ အဓိကအကြောင်းရင်းတွေဖြစ်ပါတယ်။ ကြိုးပုံမှန်ခုန်ခြင်းက အရိုးသိပ်သည်းဆကို တိုးတက်စေပါတယ်။ သို့သော်လည်း ကြိုးခုန်တဲ့အခါ ကြာချိန်၊ ကြိမ်နှုန်း နှင့် ပြင်းထန်မှုတွေက အရိုးသိပ်သည်းဆကိုလည်း ထိခိုက်စေနိုင်ပါတယ်။ အလယ်အလတ်ပြင်းအားဖြင့် ကြိုးခုန်မယ်ဆိုလျှင် အရိုးပွရောဂါ ရှိသူတွေအတွက်လည်း ဘေးကင်းစေနိုင်သလို တင်ပါးရိုး ဓာတ်သတ္တုသိပ်သည်းဆကိုလည်း မြှင့်တင်ပေးနိုင်ပါတယ်။




၇။ စိတ်ကျန်းမာရေးကို မြှင့်တင်ပေးခြင်း

အလယ်အလတ်ပြင်းထန်တဲ့ ကြိုးခုန်ခြင်းဟာ စိုးရိမ်ပူပန်ခြင်း၊ စိတ်ဓာတ်ကျခြင်း စတဲ့စိတ်ပိုင်းဆိုင်ရာ ရောဂါတွေမှာ ကောင်းကျိုးများစွာ သက်ရောက်နိုင်ပါတယ်။ လေ့ကျင့်ခန်းတွေဟာ ဦးနှောက်အတွင်းမှာရှိတဲ့ ခန္ဓာကိုယ်အပူချိန်နှင့် သွေးလည်ပတ်မှူကို မြင့်တက်စေနိုင်ပါတယ်။ ဒါဟာ စိတ်ဖိစီးမှုကို လျော့နည်းစေပြီး သိမြင်မှုဆိုင်ရာ ပြန့်ပွားမှုကို တိုးတက်စေနိုင်ပါတယ်။

၈။ အဆစ်တွေမှာ ပိုလွယ်ကူခြင်း

ပြင်းထန်မှုနည်းတဲ့ ကြိုးခုန်ခြင်းက သင့်ရဲ့အဆစ်တွေမှာ ပိုပြီးတော့ လွယ်ကူတာကြောင့်မလို့ ဒူး ဒါမှမဟုတ် အခြားအဆစ်တွေကိုထိခိုက်နိုင်တဲ့ အန္တရာယ်ကို လျော့နည်းစေပါတယ်။ လေ့လာမှုတစ်ခုရဲ့ ရလဒ်တွေအရ ကြိုးခုန်လေ့ကျင့်ခြင်းကြောင့် အားကစားသမားများရဲ့ ပခုံးလှုပ်ရှားကိုလည်းပဲ တိုးတက်စေနိုင်ပါတယ်။

Lifestyle_Myanmar
Nyein_Thu


Source-stylecraze