(က)     အမျိုးသားများမှာ ညဘက်ရင်အုံအောက်နား၌ မှဲ့ပါရှိခဲ့ပါက ထိုအမျိုးသားများမှာ ငယ်စဉ်က ဆင်းရဲစွာ နေရတတ်သည်။ အရွယ်ရောက်သည့်အခါတွင် မိမိ၏ ကိုယ်စွမ်းဉာဏ်စွမ်းဖြင့် အလုပ်အကိုင်တို့တွင် အောင်မြင် စွာ လုပ်နိုင်ပြီး ကြီးပွားချမ်းသာလာသူဖြစ်တတ်ပါသည်။ စီးပွားရေးတွင် အစုရှယ်ယာများဖြင့် အကျိုးပေးတတ် သည်။ မလိုသူ မိမိကို ရန်ရှာသူများတတ်သည်။ ကာမရာဂလွန်ကဲ့မှုကြောင့် မမျှော်လင့်ဘဲ စိတ်ဆင်းရဲ၊ ကိုယ် ဆင်းရဲ၊ ကြုံတတ်သည်။ ဆုံးရှုံးမှုများ ကြုံရတတ်သည်။

(ခ)       အမျိုးသမီးများမှာ ညာဘက်ရင်အုံ (နို့အုံ) အောက်၌ မှဲ့ပါရှိခဲ့ပါက ထိုအမျိုးသမီးများမှာ အလုပ်အကိုင်တို့ တွင် ဝီရိယရှိပြီး ဝီရိယရှိသလောက်၊ ကြိုးစားသလောက် အကျိုးအမြတ်ခံစားရတတ်သည်။ ကာမရမ္မက် ကြီးမှု ကြောင့် နာမည်ပျက်တတ်သည်။ ငွေကြေးသုံးစွဲရာ၌ စည်းမထား လက်ပွားမှုကြောင့် ပစ္စည်းဉစ္စာ ယုတ်လျော့ တတ်သည်။ မာန်မာနတတ်ပြီး တဖက်သားအပေါ်တွင် နိုင်ထက်စီးနင်းပြုလုပ်တတ်သည်။

မှတ်ချက်။         ။ မှဲ့နှင့်ပတ်သက်၍ သတိပြုရမည့်အချက်များရှိပါသည်။ မှဲ့ပါတိုင်း ကောင်းခြင်း

  ဆိုးခြင်းကို ကျိန်းသေ ပြော၍မရပါ။ ဘယ်လိုမှဲ့လည်းဆိုတာ ကြည့်ရပါမည်။

၁။        မှဲ့အဖြူ

            မှဲ့ဖြူဖြစ်ပါက အလယ်အလတ်သာ ကောင်းကျိုးဆိုးကျိုးပေးတတ်သည်ဟုမှတ်ယူရပါမည်။

၂။         မှဲ့အနီ

            မှဲ့နီသည် ကောင်းသည့်နေရာမှာဆိုလျှင် ထူးထူးကဲကဲ ကောင်းကျိုးပေးတတ်ပါသည်။ မကောင်း ကျိုးပေးသည့်နေရာဆိုပါက အနည်းငယ်မျှသာ မကောင်းကျိုးပေးတတ်ပါသည်။

၃။        မှဲ့အညို

            မှဲ့အညို၏ သဘောတရားမှာတော့ သစ္စာသမာဓိရှိခြင်း၊ သနားကြင်နာတတ်ခြင်း၊ ကူညီတတ်ခြင်း သဘောရှိပါသည်။

၄။        မှဲ့အနက်

            မှဲ့အနက်ကတော့ မကောင်းကျိုးကို များစွာ ပေးတတ်ပါသည်။ ကောင်းကျိုးပေးသောနေရာ၌ ဖြစ်က နည်းနည်းပဲပေးတတ်ပါသည်။

၅။        မှဲ့အဝါ

မှဲ့အဝါကတော့ စိတ်ကူးယဉ်အဆင့်မျှသာဖြစ်တတ်သည်။ ထိုမှဲ့ရှိသူများ အနုပညာအလုပ်လုပ်သူ ဖြစ်က အောင်မြင်တတ်ပါသည်။ အနုပညာကို ဝါသနာပါတတ်ပါသည်။

၆။        မှဲ့အစိမ်း

            မှဲ့အစိမ်းကတော့ မွန်မြတ်သော မှဲ့တစ်မျိုးပဲဖြစ်ပါသည်။ ထိုမှဲ့စိမ်းသည် ပုဂ္ဂိုလ်ထူးများ၌သာ တွေ့ရတတ်ပါသည်။ ပါရမီထူးသော ပုဂိ္ဂုလ်များ၌သာ ပါလေ့ရှိတတ်ပါသည်။

၇။        မှဲ့ရှင်

            မှဲ့အရှင်ကတော့ အရောင်အသွေးအဓိကမဟုတ်ပါ။ မှဲ့ရှင်ပါပါက ဘာအရောင်ပဲပါပါ ကောင်းကျိုး ကို ထူးကဲ့စွာ ပေးတတ်ပါသည်။ အနည်းငယ်နေရာလည်း ရွှေ့တတ်ပါသည်။ ဘုန်းတန်ခိုးကြီးကဲသူများ၌ သာ တွေ့ရတတ်ပါသည်။ ပျောက်ကွယ်သွားခြင်းမျိုးလည်း ရှိတတ်ပါသည်။

            ထို့ကြောင့် မိမိမှာ အထက်ပါအတိုင်း ဘယ်လိုမှဲ့ပါရင် ဘာဖြစ်မယ်ဆိုတာကို မှဲ့အရောင်အလိုက် ဖြည့်စွက်မှတ်ယူပါမှ ပို၍ မှန်ကန်ပါမည်။ တိကျသော အဖြေလည်း ဖြစ်ပါလိမ့်မည်။ ထို့ကြောင့် ဘယ် နေရာမှာ ပါသည့်မှဲ့ကို တင်ပြသည်ဖြစ်စေ၊ မှဲ့အမျိုးအစားအရ ထပ်မံချိန်ဆယူပါမှ ပို၍ အဟောမှန် မည်သာ ဖြစ်ပါသည်။

ဆရာစိုးနိုင် (မြန်မာနိုင်ငံဝေဒသုတေသနအဖွဲ့)

MPT အနေဖြင့် ရပိုင်ခွင့်ရှိသည့် အခွင့်အရေးများအားလုံးကို သီးသန့်ထိန်းသိမ်းထားရှိပါသည်။ လူကြီးမင်းတို့အနေဖြင့် MPT လိုတရ ဝန်ဆောင်မှုတွင် ဖော်ပြထားသည့် စာမူများကို MPT ၏ စာဖြင့်ရေးသားခွင့်ပြုချက်မရှိဘဲ ပြန်လည်ထုတ်ဝေခွင့်မရှိပါ။

#lotaya_horoscope