အခုတင်ပြမှာကတော့ အလုပ်မရှိသေးတဲ့သူ (အလုပ်မရသေးသူများ) အလုပ်ရအောင်လို့ အထောက်အကူပြုစေတဲ့ ဂါထာလေးအကြောင်းကို တင်ပြပေးချင်ပါတယ်။

ဒီဘက်ခေတ်မှာ များသောအားဖြင့် အခုဆိုအခြေအနေအရ အလုပ်အကိုင်ရှားကြတယ် ။ အလုပ်အကိုင်ရဖို့ရာလည်း ခက်ခဲကြတယ်။ ဒါကြောင့်မို့လို့ ဒီလိုအခက်အခဲတွေ ဒီလိုလိုအပ်ချက်တွေကို တဖက်တလှမ်းကနေပြီး အထောက်အပံ့ဖြစ်အောင်လို့ ဒီဂါထာလေးအကြောင်းကို တင်ပြပေးခြင်းဖြစ်ပါတယ်။

မိမိက အလုပ်လျှောက်တဲ့အခါမှာ အလုပ်ရှာတဲ့အခါမှာ ပြည်တွင်းမှာဖြစ်ဖြစ် ပြည်ပမှာဖြစ်ဖြစ် ကိုယ်က လုပ်သင့်လုပ်ထိုက်တဲ့ကိစ္စတွေ လောကရဲ့ထုံးစံအရ တာဝန်ဝတ္တရားတွေ လုပ်ရမယ့်ကိစ္စတွေကတော့ မိမိတို့ ဆောင်ရွက်ရမှာ ဖြစ်ပါတယ်။

အဲလိုဆောင်ရွက်တဲ့အခါမှာ တစ်ချို့ကျတော့လည်း အလုပ်ရဖို့ရန် ခက်ခဲနေတယ် ၊ အလုပ်က အဆင်မပြေဖြစ်နေတယ်။ ဒါကြောင့်မို့လို့ တဖက်တလှမ်းကနေပြီး ဖြည့်တဲ့အနေနဲ့ အလုပ်အကိုင်တွေမှာ အဆင်ပြေအောင် ၊ တဖက်တလှမ်းက အထောက်အပံ့ဖြစ်အောင်လို့ ဒီဂါထာလေးကို တင်ပြပေးခြင်းဖြစ်ပါတယ်။

ဂါထာ ဘယ်လိုရွတ်ရမလဲဆိုရင် ည ၊ မနက် ၊ မိမိရဲ့ သက်စေ့ကို ရွတ်ရမှာ ဖြစ်ပါတယ်။ မိမိက နိုင်ငံခြားမှာဆိုရင်အလုပ်အကိုင်ရှာရင်း ၊ အလုပ်အကိုင်သွားရင်း ၊ အလုပ်အကိုင်လုပ်ရင်း (ဒါမှမဟုတ်) ဒီအလုပ်နဲ့ ပတ်သက်ပြီး ကြိုးစားရင်းနဲ့ ည မနက် သက်စေ့ ဒီဂါထာကို စိတ်ပါလက်ပါနဲ့ တကယ့်ကို သမ္မာဓိရှိရှိလေးနဲ့ ရွတ်မယ်ဆိုရင် မိမိတို့အတွက် အလုပ်အကိုင် အခက်အခဲတွေ ပြေလည်သွားပါလိမ့်မယ်။ အလုပ်မရှိသေးရင်လည်း အလုပ်ရပါလိမ့်မယ်။ အလုပ်ရှာတဲ့အခါလည်း လွယ်လွယ်ကူကူနဲ့ မိမိက အလုပ်တွေရလာပါလိမ့်မယ်။

ကိုယ်က စာမေးပွဲဖြေရင်တောင်မှ ဒီဂါထာလေးကို ရွတ်ပြီးဖြေမယ်ဆိုရင် ပိုပြီးတော့ အဆင်ပြေလာမှာ ဖြစ်ပါတယ်။ ဒါကြောင့်မို့လို့ အလုပ်အကိုင် အင်တာဗျူးတွေ ဖြေတာတွေ ၊ အလုပ်အကိုင်နဲ့ ပတ်သက်ပြီးတော့မှ စာမေးပွဲဖြေတာတွေက အဆင်ပြေလာပါလိမ့်မယ်။ အလုပ်မရှိလို့ အလုပ်ရှာတဲ့အခါမှာလည်း ဒီဂါထာလေးကို ရွတ်ပြီးတော့ သွားလာလုပ်ကိုင်မယ်ဆိုရင် အဆင်ပြေမှုတွေ လွယ်ကူမှုတွေ ရရှိလာမှာ ဖြစ်ပါတယ်။


၀ယ်ယူရန် နှိပ်ပါ “ ဥုံ တာပုန္န ဂဗ္ဘိမာတာတော ကတွာ

ဟေတွာ ဗလံ ဝိဇ္ဇာရိတံ ပုတ္တံ သုခေန စ။”

ဒီဂါထာကို မိမိရဲ့ သက်စေ့ ကိုယ်က အသက် (၂၀) ရှိတဲ့လူဆိုပါက မနက် (၂၀) ၊ ည (၂၀) ရွတ်ရမှာ ဖြစ်ပါတယ်။ အဲလိုရွတ်ပြီးတော့မှ ကိုယ်က အလုပ်သွားမယ် (ဒါမှမဟုတ်)  အလုပ်ရှာမယ် ၊ အလုပ်ကိစ္စ အင်တာဗျူးဖြေမယ် ၊ အလုပ်ကိစ္စကြိုးစားမယ်ဆိုရင် အထောက်အပံ့ဖြစ်ပြီးတော့မှ မိမိတို့ လိုချင်သောအလုပ်ကို ရရှိမှာဖြစ်ပါတယ်။

ဒါကြောင့်မို့လို့ ဒီဘက်ခေတ်မှာ လိုအပ်နေတဲ့ကွက်လပ်လေးကို ဖြည့် တဲ့အနေနဲ့ ဂါထာလေးကို တင်ပြပေးခြင်း ဖြစ်ပါတယ်။

အားလုံးကျန်းမာချမ်းသာ၍ လိုရာဆန္ဒပြည့်ဝကြပါစေ။

ဆရာစိုးနိုင် (မြန်မာနိုင်ငံဝေဒသုတေသနအဖွဲ့)

MPT အနေဖြင့် ရပိုင်ခွင့်ရှိသည့် အခွင့်အရေးများအားလုံးကို သီးသန့်ထိန်းသိမ်းထားရှိပါသည်။ လူကြီးမင်းတို့အနေဖြင့် MPT လိုတရ ဝန်ဆောင်မှုတွင် ဖော်ပြထားသည့် စာမူများကို MPT ၏ စာဖြင့်ရေးသားခွင့်ပြုချက်မရှိဘဲ ပြန်လည်ထုတ်ဝေခွင့်မရှိပါ။

#lotaya_horoscope