ကျွန်တော်တို့ဟာ များသောအားဖြင့် ကိုယ့်အကြောင်းကိုသိဖို့ မေ့လျော့နေတတ်ပါတယ်။ လူရယ်လို့ဖြစ်လာရင် ကိုယ်ဟာ ဘယ်လိုလူအမျိုးအစားဖြစ်တယ်ဆိုတာ သိသင့်ပါတယ်။ ဒါပေမယ့် ကိုယ့်အမျိုးအစားဟာဘ ယ်လိုမျိုးလဲဆိုတာ ဝေခွဲမရဖြစ်နေတတ်ကြတယ်မလား။


ဒါကြောင့် လူတွေရဲ့အပြုအမူ၊ လူ့စိတ်သဘာဝကွဲပြားမှုတွေကိုလေ့လာရင်းစိတ်ပညာရှင်တွေဟာလူတွေရဲ့အမျိုးအစားကိုခွဲခြားမှုတွေပြုလုပ်ခဲ့ကြတယ်။


ခုပြောပြချင်တာက စိတ်ပညာရှင်တွေပြောတဲ့ စိတ်စွမ်းအားကို အပြင်ကရသူ (Extrovert) နဲ့ စိတ်စွမ်းအားကိုအတွင်းကရသူ( Introvert)၊ အတွင်းကော အပြင်ကပါ မျှတစွာရရှိသူ (Ambivert) ဆိုတဲ့ လူအမျိုးအစားသုံးမျိုးအကြောင်းပါ။

လက်ရှိကမ္ဘာကြီးမှာရှိနေကြတာက Extrovert ၅၀ရာခိုင်နှုန်း၊ Introvert ၅၀ရာခိုင်နှုန်း၊ မျှမျှတတရရှိတဲ့Ambivertအမျိုးအစားကတော့ အလွန်ရှားပါးတယ်တဲ့။ ရှိခဲ့ရင်လည်းကမ္ဘာပေါ်မှာကံအကောင်းဆုံးသူတွေလို့ ဆိုရမှာပါ။

အပြင်စွဲသဘာဝရှိသူ (Extrovert) နဲ့ အတွင်းစွဲသဘာဝရှိသူ (Introvert) အမျိုးအစားနှစ်မျိုးသာအ ပြင်လောကမှာ အတွေ့ရများပါတယ်။ ကဲသင်ဟာ ဘယ်လိုအမျိုးအစားထဲမှာပါလဲ ဆိုတာ ခွဲခြမ်းစိတ်ဖြာကြည့်ရအောင်…


စိတ်စွမ်းအားကို အပြင်ကရသူ (Extrovert)




Extrovertတွေရဲ့သဘာဝအရသူတို့ဟာ လူတွေအများကြီးနဲ့ပေါင်းသင်းဆက်ဆံရတာ ပျော်မွေ့တဲ့သူတွေပါ။ သူတို့တွေက ပေါင်းသင်းဆက်ဆံရေးကောင်းသူတွေဖြစ်တဲ့အတွက်လူချစ်လူခင်များတတ်ကြပါတယ်။

သူတို့ရဲ့ ပြင်ပဟန်ပန်အမူအရာတွေဟာလည်း လူအများအလွယ်တကူ အထင်ကြီးခံရတဲ့အတွက် Extro တွေသာဘဝမှာအောင်မြင်ကြတယ်လို့ အကြမ်းဖျင်းယူဆလို့ရပါတယ်။ သူတို့တွေက အမြဲလိုသွက်သွက်လက်လက် အက်တစ်ဖြစ်နေတတ်ပြီး စကားကို ချက်ကျလက်ကျပြောတတ်ပါတယ်။

အမြဲတမ်းတက်ကြွနေတဲ့သူတွေဖြစ်တဲ့အတွက် လုပ်ငန်းခွင်နဲ့ လူမှုဆက်ဆံရေးနယ်ပယ်မှာ အလွယ်တကူယုံကြည်ကိုးစားခံရတတ်ပါတယ်။ လူအများစုက သူတို့တွေနဲ့ အလွယ်တကူ ပေါင်းသင်းဆက်ဆံရတာ အဆင်ပြေတဲ့အတွက် သူတို့တွေကို ပိုခင်ပိုချစ်သွားတတ်ကြပါတယ်။

နောက်လူအတော်များများ နားလည်မှုလွှဲနေတာကတော့ Intoသမားတွေကို လူကလန့် အသုံးမကျတဲ့သူတွေ ပေါင်းလို့သင်းလို့မရတဲ့လူတွေလို့ ထင်မှတ်ရေးသားနေကြတာပါပဲ။ သင်ဟာ တစ်ကယ်လို့ Extro တစ်ယောက်မဟုတ်ခဲ့လည်း ဘာမှ စိတ်ညစ်စရာ အကြောင်းမဟုတ်ပါဘူး။

ကိုယ်က Intro သမားတစ်ယောက်ဖြစ်နေရင် အတင်းအကြပ်ကြီး အပြင်စွဲသမားတွေလိုသွားနေလို့မရပါဘူး။ စိတ်ပညာရှင် Carl Jung က extrovert ကို ခုလိုသတ်မှတ်ထားပါတယ်။ Extrovert ကအပြင် outside ကို မျက်နှာမူပြီး နေတယ်။ သူက အားလုံးနဲ့တသားတည်း ဖြစ်အောင် လုပ်နိုင်တယ်။ သူဟာ အားလုံးနဲ့ တသားတည်း အတူတူရှိပြီး အားလုံးကို ပျော်ရွှင်အောင် လုပ်ပေးတယ်။

ပျော်ပျော်ရွှင်ရွှင် စကားတွေကို ဖောင်နေအောင် ပြောပြီး.လူတွေအားလုံး စိတ်သက်တောင့်သက်သာ ရှိနေအောင်၊ အခြေအနေအားလုံး အဆင်ပြေအောင် သူလုပ်ပေးတယ်။ extrovert တစ်ယောက်သာရှိနေလိုက် လူတွေက ပျော်ကြတယ်။ သူဖန်တီးပေးထားတဲ့ အခြေအနေထဲမှာ အားလုံးဟာ သက်တောင့်သက်သာ ရှိကြတယ်။


အတွင်းစွဲသမား (Introvert)ဆိုတာ ဘာလဲ?




Introvertတွေဟာ စိတ်စွမ်းအားကို အတွင်းကရသူတွေဖြစ်ပါတယ်။ ဖုန်းတွေအားကုန်သွားရင် အားပြန်ဖြည့်ရသလို တယောက်တည်းနေခြင်း ဒါမှမဟုတ် အခင်ရဆုံးမိတ်ဆွေ အနည်းငယ်နဲ့နေမှ အားပြန်ပြည့်တဲ့အ မျိုးအစားမျိုးတွေပါ။

Introvert တွေဟာ လူတွေအများကြီးနဲ့ရောနှောနေထိုင်လိုက်ရင် စွမ်းအင်ကပိုကျသွားပါတယ်။နောက်ပြီးမဖြစ်မနေအခြေအနေအရ introvertတွေဟာ လူကြားထဲမှာ ရှိနေရင်တောင် သူ့တစ်ယောက်တည်း ရှိနေသလို နေတတ်တယ်။


ပြောရရင်သူက သူ့စိတ်ကို သူများတွေထဲကို ရောနှောပစ်ပြီး အားလုံးနဲ့ အတူတူဖြစ်သွားတာကို မလုပ်နိုင် ဘူး။ သူပြောစရာရှိတာ ပြောမယ် စားစရာရှိတာ စားမယ် ။သူကသူ့စိတ်အတိုင်းပဲနေထိုင်နေတယ်။ အီယောင်ဝါး ရေလိုက်ငါးလိုက် မနေတတ်ဘူး၊။





Introvertက သူ့ ခံစားမှု ၊ သူ့ အတွေးတွေအတွက် သူ့အတွင်းစေ့ဆော်မှု အတိုင်း သူနေသွားတာ ဖြစ်တ ယ်။ ပြင်ပကလာတဲ့အရာတွေက သူ့ကို နည်းနည်းလေးလောက်ပဲ လွှမ်းမိုးလို့ရတယ်။ သူပျော်နေရင် တစ်ကယ်ပျော်နေတာ သူဝမ်းနည်းရင်လည်း သူ့ရင်ထဲက ဝမ်းသာရင်လည်း သူ့ရင်ထဲက ချစ်ရင်လည်း သူ့ရင်ထဲက သူ့ရင်ထဲ စိတ်ထဲက အတိုင်းပဲသွားတယ်။


ဆိုလိုတာက သူဟာ အုတ်ရောရော ကျောက်ရောရော သမား မဟုတ်ဘူး။ သူများဟစ်တိုင်း လိုက်ယောင်တတ်တဲ့သူမျိုးမဟုတ်ဘူး။ တခြားလူတွေအတွက် ဝမ်းနည်းစရာက သူ့အတွက် ဝမ်းနည်းစရာဖြစ်ချင်မှဖြစ်လိမ့်မယ်။ တခြားသူတွေအတွက် ရယ်စရာက သူ့အတွက် ရယ်ရချင်မှ ရယ်ရပါလိမ့်မယ်။
။

စကားတွေကျွတ်ကျွတ်ညံအောင် ပြောဆိုပြီးပျော်မြူးနေတဲ့ လူအုပ်ကြီးကြားထဲမှာ introvert က စိတ်အညစ်ကြီး ညစ်ပြီး လုံးဝ တိတ်သွားတတ်တယ်။ သူဟာ တဖြေးဖြေး အားအင်ကုန်ခမ်းလာသလို ခံစားရတတ်ပြီး တဖြေးဖြေးနဲ့ လူအုပ်ကြီးရဲ့ အစွန်းအဖျားကို ရွှေ့သွားမယ်။




နောက်ဆုံးမှာတော့ တစ်ယောက်တည်းရှောင်ထွက်သွားတော့တယ်။ ဒီတော့ ဒီလိုထူးဆန်းတာတွေနဲ့ပြည့်နေတဲ့ သူ့ကို လူတွေက လူ့ဂလန့် လူဂွစာ အရှက်ကြီးသူ လူကြောက်သူ အထီးကျန်သူ စသဖြင့်အမျိုးမျိုးထင်တတ်ကြတယ်။ သူကလူတွေအတွက် အဆိပ် အတောက်ပုံစံမျိုးထင်တတ်ကြတယ်။ အပေါင်းအသင်းဝင်မဆံသူတွေ အထီးကျန်နေသူတွေဆိုပြီး အထင်လွှဲတတ်ကြတယ်။ တကယ်တော့ Introvertsတွေကို နားမလည်ကြခြင်းသာဖြစ်ပါတယ်။

သူတို့ကတစ်ကယ်တော့ “တစ်ကိုယ်တော်စိတ်”နဲ့ ပရော်ဖက်ရှင်နယ်တစ်ကိုယ်ရေနေထိုင်သူတွေသာဖြစ်ပါတယ်။ တကယ်တော့အတွင်းစွဲမား(Introvert) တွေမှာရှိတဲ့ အရည်အချင်းနဲ့စွမ်းအင်တွေဟာလောကအ တွက် တန်ဖိုးရှိမှုတွေကအများကြီးပါ။


Intro Extro ကြားကအဓိကကွဲလွဲချက်နဲ့ပြဿနာ




ပြောခဲ့ပြီးတဲ့အတိုင်း သူတို့နှစ်ယောက်ဟာလုံးလုံးကြီးဆန့်ကျင်နေတတ်တယ်။ Extroက လလူတွေနဲ့လို က်လျောညီထွေနေတတ်ပြီး လူချစ်လူခင်အရမ်းပေါကြတယ်။Introကတော့ လူများလာပြီဆိုပြေးဖို့အပေါက်ရှာပြီ။ စွမ်းအင်တွေကျလာပြီ တိတ်ဆိတ်သွားကြပြီ ။

ဒီလိုဖြစ်တတ်တာကို သူတို့ကိုသူတို့လည်း မကျေနပ်တတ်ကြဘူး။ သူတို့စိတ်ထဲမှာ Extroတွေကို ပေါ့ပေါ့ပါးပါး ဖော်ဖော်ရွေရွေ စကားတွေပြောပြီး အခြေအနေတွေကို ထိန်းထားနိုင်စွမ်းရှိတဲ့ လူတစ်ယောက်ဖြစ်ချင်တယ်။ လူတွေက ဝိုင်းသဘောကျ ဝိုင်းချစ်တာကို ခံချင်ပေမယ့် သူအဲ့ဒါကို မလုပ်တတ်ပါဘူး။

စိတ်ထဲမှာလည်း သူတို့ငါ့ကို သိပ်ခင်ကြ ချစ်ကြမှာမဟုတ်ပါဘူးလို့တွေးနေတတ်တယ်။ ဒီတော့ သူက Extroတွေကို အားကျတယ်။ သူတို့ကိုတုချင်တယ်၊ Extrovertsတွေလုပ်သလိုလိုက်လုပ်ဖို့ကြိုးစားတယ်။ အဲ့ဒီမှာ ပြဿနာအကြီးအကြီးက စတာပဲ။

Introvertsတစ်ယောက်အတွက် Extrovertsပုံစံလိုက်ဖမ်းတာ ကိုယ့်ကိုကိုယ်သတ်နေသလိုဖြစ်သွားတ တ်ပါတယ်။ ဘာကြောင့်လဲဆိုတော့ ဒီလိုတုလိုက်ခြင်းအားဖြင့် သူဟာ ဘယ်တော့မှစစ်မှန်တဲ့ကျေနပ်မှုကို ရမှာမဟုတ်လို့ပါပဲ။ သူဟာ အဲ့ဒီလိုလိုက်တုရင်း သူ့ကိုယ်သူမတွေ့ရှိလေ စိတ်ဓါတ်တွေကျလာတတ်တယ်။

တစ်ကယ်က လူဆိုတာ ကိုယ့်စရိုက် ကိုယ့်ဗီဇကို သေချာသိပြီး ကိုယ့်ကိုယ်ရည်ကိုယ်သွေးကို အကောင်းဆုံးတည်ဆောင်နိုင်ဖို့ အရေးကြီးပါတယ်။ အဲ့ဒီလိုတည်ဆောက်နေရတာကိုလည်းစစ်မှန်တဲ့ ကျေနပ်မှုကို ရဖို့အရေးကြီးပါတယ်။

တစ်ကယ်က Introvert တွေကလည်း လူအများနဲ့ပေါင်းသင်းဆက်ဆံကြပါတယ်။ ဒါပေမယ့်လူအများနဲ့ပေါင်းသင်းဆက်ဆံချိန်ဟာကြာမြင့်သွားရင်သူတို့ ကိုယ်ပိုင်စွမ်းအင်တွေ ကျဆင်းသွားပါတယ်။ အဲဒီလျော့သွားတဲ့စွမ်းအင်ကိုပြန်ဖြည့်ဖို့Introvertတွေဟာတစ်ယောက်တည်းနေချိန်တွေကို ပြန်လည်ဖန်တီးပြီး တစ်ကိုယ်ရည်နေထိုင်ကြရသူတွေဖြစ်ပါတယ်။



ဒါကြောင့် ကိုယ်ဟာExtrovertတစ်ဦးဖြစ်နေခဲ့ရင်တောင် Introvert တွေကို တန်ဖိုးထားနားလည်တတ်ဖို့လိုပါတယ်။ ကိုယ်က မိဘတစ်ဦး၊ ဆရာတစ်ဦး၊ လုပ်ငန်းရှင်တစ်ဦးဖြစ်နေခဲ့ရင် Introvert အကြောင်းပိုပြီး နားလည်ဖို့လိုပါ့တယ်။


Introvert တွေဟာ နက်နက်နဲနဲတွေးသလို နက်နက်နဲနဲ ချစ်တတ်ကြသူတွေဖြစ်ပါတယ်။ တိတ်ဆိတ်ခြင်းကို အလှတရားအဖြစ် ခံယူသူတွေဖြစ်ပါတယ်။ တစ်ကိုယ်တည်းနေထိုင်ခြင်း အနုပညာကို ကျွမ်းကျင်ပိုင်နိုင်တဲ့ ပရော်ဖက်ရှင်နယ်ပညာရှင်တွေဖြစ်ကြပါတယ်။

တိတ်တဆိတ်စိတ်ကျနေသူတွေ မဟုတ်ပါဘူး။ တိတ်တဆိတ် တစ်ကိုယ်ရေစွမ်းအင် ဖြည့်နေသူတွေပဲဖြစ်ပါတယ်။ ကမ္ဘာမှာ အောင်မြင်ကျော်ကြားတဲ့ စိတ်ပညာရှင်ကြီးတွေ သိပ္ပံပညာရှင်ကြီးတွေမှာ Introတွေမျ ားပါတယ်။ ကဲဒီတော့ သင်ဟာ ဘယ်လိူလူ အမျိုးအစားလဲ ဆိုတာ ဒီလောက်ဆို ခွဲခြားနိုင်မယ်ထင်ပါတ ယ်။ ကိုယ်က Introတစ်ယောက်ဖြစ်နေရင် ကိုယ့်စတိုင်အတိုင်းသာကိုယ်နေပါ။ သင်ဟာသင်ဆိုတာ စစ်မှန်နေဖို့ပဲလိုပါတယ်….

#Lifestyle_Myanmar

#Mg_Htet

REF_power Of Possitivity