အသိညဏ်ပညာရှိတဲ့လူတွေက သူတို့မှာတစ်စုံတစ်ရာပြောဖို့ရှိပီဆို လိုအပ်လောက်တဲ့အချိန်မှ ပြောတတ်ကြပြီး မိုက်မဲညဏ်နည်းသူတွေကတော့ သူတို့ပြောချင်တာတစုံတစ်ရာရှိလာရင် ရှေ့ရှေ့နောက်နောက်မစဉ်းစားပဲ ပြောချပစ်လိုက်တတ်ပါတယ်။ ပြောရရင် အသိညဏ်မြင့်မားတဲ့ တကယ်ပညာရှိတဲ့လူတွေက စိတ်ပိုင်းဆိုင်ရာရင့်ကျက်မှုရှိသလို အခြေအနေအားလုံးကိုတွက်ဆပြီး ပြောသင့်တဲ့စကားကို ပြောသင့်တဲ့အချိန်မှာ ပြောတတ်ကြပါတယ်။

မိုက်မဲတဲ့သူတွေကတော့ စိတ်ခံစားမှုကိုမထိန်းနိုင်သလို အခြေအနေတွေကိုတွက်ဆ မချိန်ညှိနိုင်တဲ့အတွက် သူတို့ပြောချင်တဲ့စကားကို မဆင်မခြင်ပြောဆိုတတ်ပါတယ်။ ခုကျွန်တော်ပြောပြချင်တာစိတ်ဓါတ်ရင့်ကျက်ပြီး လူကဲခတ်ကောင်းသူတွေ လူအများ(Public)ရှေ့မှာ ဘယ်တော့မှ ထုတ်မပြောတဲ့ စ ကား၅ခွန်းအကြောင်းဖြစ်ပါတယ်။ ကဲဖတ်ကြည့်လိုက်ရအောင်..


“ဒါကြီးကလုံးဝမမျှတဘူး၊မတရားဘူး”




ဟုတ်ပါတယ်..ဘဝဆိုတာကိုက မမျှတမှုတွေနဲ့တည်ဆောက်ထားတယ်ဆိုတာ အရွယ်ရောက်ပီး ရင့်ကျက်သူတိုင်းသိထားကြပါတယ်။ ကိုယ်တခုခုနဲ့ကြုံလာတိုင်း ဒီစကားလုံးကို လက်ကိုင်ထားပြီး တခြားလူတွေကို အပြစ်တင်တာမျိုး ခိုညဉ်းသလို ငြီးတာမျိုးကို စိတ်ပိုင်းဆိုင်ရာရင့်ကျက်တည်ငြိမ်သူတွေ အသိညဏ်တကယ်ရှိသူတွေမလုပ်ကြပါဘူး။

ဒါက ပြဿနာကို ဖြေရှင်းနိုင်မှာ မဟုတ်ပဲ ဆင်ခြေပြဖို့ အစပျိုးလိုက်တယ်ဆိုတာ သူတို့ကောင်းကောင်းသိလို့ပါပဲ။ ဒါကြောင့် သင်ကိုယ်တိုင် စိတ်ဓါတ်ရင့်ကျက်ပြီး အသိညဏ်ရှိတဲ့သူဖြစ်ချင်ရင် ဒါကြီးက မမျှတဘူး ဆိုတာ ပြဿနာတွေကို မဖြေရှင်းနိုင်ဘူးဆိုတာ ကောင်းကောင်းသတိရပေးပါ။


“မင်းကြည့်ရတာ အမြဲစိတ်ညစ်နေပုံပဲ”




ဒီစကားက ရည်ရွယ်ချက်ကောင်းရင်တောင် မမေးသင့်တာမျိုးပါ။ ကျွန်တော်တို့လူတစ်ယောက်ရဲ့ နောက်ကွယ်က ဘဝတွေကို မမြင်နိုင်ဘူးမလား? ဒါက သူပင်ပန်းနေတာကို ကြည့်ပီး မေးတာမျိုးဖြစ်ပေမယ့် အခြားလူတွေကိုပါ သူဟာ ပြဿနာတွေနဲ့ ရှုပ်ရှက်ခတ်နေတယ်ဆိုတာကို ပြောပြလိုက်သလိုမျိုးပါ။ ဒီလိုစကားအစား “ဟေး အားလုံးအဆင်ပြေရဲ့လား”ဆိုတဲ့မေးခွန်းက သင်သူ့ကိုတစ်ခုခုဖြစ်နေလားစိုးရိမ်နေတယ်ဆိုတဲ့စာနာစိတ်ကို ပြလိုက်တာမျိုးပါ။


“ဘယ်တော့မှ…..အမြဲတမ်း”(မင်းဘယ်တော့မှ အာ့ဒါကိုမလုပ်နဲ့..ဟိုဟာကိုလုပ်)




ဆိုလိုတာက “မင်းဘယ်တော့မှ အာ့ဒါကိုမလုပ်နဲ့..ဟိုဟာကိုလုပ်”ဆိုတဲ့စကားမျိုးပါ။ အကြံပေးတာကောင်းတယ်လို့ထင်ရပေမယ့် လူတွေရှေ့မှာ တဖက်သားကို အထင်သေးစေပါတယ်။ သင်အကြံပေးလို့ရတာမှန်ပေမယ့် ဒီစကားက မရိုးမသားစိတ်နဲ့ပြောသလိုထင်စေနိုင်ပြီး သူတို့စိတ်ထဲမှာ နာကျင်စေပါတယ်။ အဲ့ဒီလို စကားမျိုး အမိန့်ဆန်တဲ့စကားမျိုးပြောမယ့်အစား သူလုပ်ခဲ့တဲ့အရာတွေကို သင်သတိပြုမိတယ်ဆိုတာပြပါ။

ဆိုလိုတာက “မင်းအဲ့ဒါလေးလုပ်ထားတာကျွန်တော်သတိပြုမိတယ်။ခုလည်းဆက်လုပ်နေတယ်ထင်တယ်။ ကျွန်တော် ကူညီနိုင်တဲ့တစ်စုံတစ်ရာရှိရင် ကျွန်တော့်ကို ပြောပါခင်ဗျာ”ဆိုတဲ့စကားမျိုးက အမိန့်ဆန်တာမျိုးမဟုတ်ပဲ ကိုယ်သိထားတာကို အကြံပေးချင်လို့ ဖိတ်ခေါ်လိုက်တာမျိုးပဲဖြစ်ပါတယ်။


“ဒီကိစ္စငါနဲ့မဆိုင်ဘူး”




တစ်စုံတစ်ယောက်က သင့်ထင်မြင်ချက်ကိုအလွန်သိချင်(ဘယ်လိုအမြင်ဖြစ်ဖြစ်) လူတွေရှေ့မှာ မေးလာတဲ့အခါ ရုပ်တည်ကြီးနဲ့”ဒီကိစ္စငါနဲ့မဆိုင်ဘူး”ဆိုတဲ့စကားကြောင့် ဖြစ်နိုင်စရာ ၂ခုရှိပါတယ်။ နံပါတ် ၁ သူတို့ကိစ္စက သင်နဲ့ဘာမှမဆိုင်သလိုမျိုး ၂.တုံ့ပြန်ချက်ပေးဖို့ အချိန်ပေးဦးစားပေးမဟုတ်တာမျိုး လို့လူတွေက ထင်သွားစေပါတယ်။ ရင့်ကျက်တဲ့ အသိပညာရှိတဲ့သူတစ်ယောက်က အဲ့ဒီလိုတုံ့ပြန်မယ့်အစား” သူတို့တက်ကြွစွာဆွေးနွေးနိုင်မယ့်အရာတစ်ခုခုကို မေးပါလားလို့” သူ့အမြင်တောင်းခံလာသူကိုအကြံပေးပါလိမ့်မယ်။


“ငါအရှုံးပေးလိုက်ပြီ”




ဒီစကားမျိုးကိုလူတွေရှေ့မှာ ဘယ်တော့မှ မပြောမိပါစေနဲ့၊ ဒီလိုစကားမျိုးကို စိတ်ဓါတ်ရင့်ကျက်သူတွေဘယ်တော့မှ မပြောတတ်ပါဘူး။ ပြဿနာလေးတစ်ခုခုပေါ်လာရင် လူတွေရှေ့မှာ ဒီလိုစကားမျိုးပြောတတ်သူဆို သင့်ကို စိတ်ကျလွယ်သူ၊ ကလေးဆန်သူ၊ မရင့်ကျက်သူ၊ ပြဿနာတစ်ခုကို အလွယ် အလျော့ပေးတတ်သူလို့ထင်မြင်ကြပါလိမ့်မယ်။

ဒီစကားကိုလွယ်လွယ်လေးပြောတတ်ကြပေမယ့် လူတွေကတော့ သင့်ကို မသနားပဲဟားနေနိုင်ပါတယ်။ ဒါကြောင့် ဒီစကားကို သုံးမယ့်အစား “ငါလုပ်နိုင်တယ်” ဆိုတဲ့စကားသာ အများနဲ့သင့်အတွက်လိုအပ်ပါလိမ့်မယ်။ ကဲ..ဒီတော့ ရင့်ကျက်တဲ့လူကြီးလူကောင်းဆန်သူတွေ ရှောင်ကြတဲ့စကားလုံးတွေကို သိလောက်ပီထင်ပါတယ်။ ဒီစကားလုံးတွေဟာ လူမှုဆက်ဆံရေးနဲ့ ဘဝအောင်မြင်ရေးကို သွားတဲ့အချိန်မှာ တော်တော်အရေးပါတာသွားတယ်ဆိုတာ သိနိုင်ကြမယ်ထင်ပါတယ်။

#Lifestyle_Myanmar

#Mg_Htet

REF_Power Of Possitivity