စေတန်ဂြိုဟ်ရဲ့လွှမ်းမိုးမှုအောက်မှာရှိနေတဲ့ စနေနေ့ဖွားသားသမီးလေးတွေဟာ ဘဝကိုဘယ်တော့မှ လွယ်လွယ်ကူကူ မဖြတ်သန်းရဘူးဆိုတဲ့အဆိုရှိပါတယ်။ ဒါပေမယ့် သူတို့ဟာဘဝကို တစ်ကိုယ်တော်အရည်အချင်းနဲ့ ဖြတ်သန်းလိုစိတ်အပြည့်ရှိပြီး အလုပ်ကိုဖြည်းဖြည်းမှန်မှန်နဲ့ စည်းစနစ်တကျကြိုးစားတတ်ကြသူတွေပါ။ ဥာဏ်ပညာထက်မြက်ပြီး ပရော်ဖက်ရှင်နယ်ဆန်တဲ့ စနေသားသမီးလေးတွေဟာ လက်တွေ့ကျပြီး တင်းကျပ်တဲ့စည်းကမ်းတွေနဲ့အတူ ရှေ့ကိုဦးတည်သွားနေတဲ့လူမျိုးတွေဆိုလည်း ဟုတ်ပါတယ်။ ရဲရင့်တဲ့သတ္တိနဲ့ပြည့်စုံတဲ့သူတို့ဟာ အမြဲတမ်းလိုလို သံသယတွေထားတတ်တဲ့လူအမျိုးအစားထဲမှာလည်း ပါဝင်ပါတယ်။




အပြင်ပန်းအမြင်အရ စနေသားသမီးလေးတွေဟာ အင်မတန်အဖြစ်သည်းတယ်လို့ထင်ရပေမယ့် တကယ်တမ်း သူတို့အကြောင်းကို ကောင်းကောင်းနားလည်သွားတဲ့အချိန်ကျရင်တော့ အံ့အားသင့်ဖွယ်ကောင်းတဲ့ သူတို့ရဲ့ စိတ်နေစိတ်ထားကို နားလည်သိရှိသွားမှာသေချာပါတယ်။ အတွက်အချက်ကောင်းတဲ့သူတို့ရဲ့ အရည်အချင်းကြောင့်လည်း ဘယ်လိုစီးပွားရေးလုပ်ငန်းမျိုးနဲ့မဆို အဆင်ပြေနိုင်ကြတဲ့သူတွေဖြစ်ပြီး ပေးအပ်လာတဲ့ လုပ်ငန်းဆောင်တာတွေကို တာဝန်ယူမှု၊ တာဝန်ခံမှုအပြည့်နဲ့ ထူးထူးချွန်ချွန် ဆောင်ရွက်နိုင်ကြသလို အကောင်းတကာ့အကောင်းဆုံးဆိုတဲ့ အရည်အချင်းတွေကိုပဲ ပြသနိုင်ကြတဲ့သူတွေလို့ဆိုရမှာပါ။ ဘဝမှာရင်ဆိုင်ရတဲ့အတွေ့အကြုံတွေကတစ်ဆင့် အကောင်းဆုံး လေ့လာသင်ယူနိုင်ကြပြီး အချိန်ကိုလည်းအကောင်းဆုံးစီမံခန့်ခွဲနိုင်ကြသူတွေဖြစ်ကြပါတယ်။ ဆိုးကွက်တစ်ခုအနေနဲ့ကတော့ စနေသားသမီးလေးတွေဟာ အသင်းအဖွဲ့နဲ့ အလုပ်လုပ်ဆောင်တဲ့နေရာမှာ အားနည်းချက်တွေရှိပြီး ဒီလိုဖြစ်ရတာကလည်း သဘာဝအရ သူတို့ရဲ့ စိတ်မြန်တဲ့အကျင့်ကြောင့်ဖြစ်ပါတယ်။




ချစ်မှုရေးရာတွေမှာလည်း သူတို့ကရှက်တတ်ကြတဲ့သူတွေဖြစ်ပေမယ့် သဘောထားကြီးမားတဲ့နှလုံးသားနဲ့ သူတို့ရဲ့ချစ်သူအပေါ်ကို အကောင်းဆုံးတွေပဲ ပေးဆပ်ချင်ကြတဲ့သူတွေပါ။ ချစ်သူရွေးချယ်တဲ့နေရာမှာလည်း အလွန်အသေးစိတ်ကျအောင် စည်းစနစ်တကျနဲ့ရွေးချယ်တတ်ကြသူတွေဖြစ်ပြီး ချစ်သူက ကိုယ့်ရဲ့လိုအပ်ချက်တွေကို နားလည်ပေးဖို့ကို အမြဲတောင့်တနေတတ်ကြတာ စနေသားသမီးလေးတွေပါပဲ။ ဘဝမှာလည်း အခြားသူတွေရဲ့ အကြံဥာဏ်ကို တောင်းခံတာမျိုးတွေ မလုပ်တတ်ကြဘဲ ကိုယ့်ရဲ့နှလုံးသားခေါ်ဆောင်ရာနောက်ကိုပဲ ယုံယုံကြည်ကြည်နဲ့ လိုက်တတ်ကြတဲ့လူမျိုးတွေပါ။ ဒါပေမယ့် တစ်ဖက်မှာလည်း စနေသားသမီးလေးတွေဟာ ဒေါသကြီးတတ်ကြပြီး စိတ်ကောက်ရင်တောင် ဘယ်သူမှမသိအောင် အတွင်းကောက်တတ်ကြတဲ့သူတွေဖြစ်ပါတယ်။




စနေသားသမီးလေးတွေဟာ လက်ထပ်ပြီးနောက်ပိုင်းမှာ ကိုယ့်ဘဝလက်တွဲဖော်နဲ့ သားသမီးတွေ ကောင်းကောင်းမွန်မွန်နေနိုင်ဖို့အတွက်ကို အမြဲလိုလို ဦးစားပေးစဉ်းစားတတ်ကြပြီး မိသားစုဝင်တွေအကြား ဆက်ဆံရေးအဆင်ပြေဖို့အတွက် အစဉ်ရှေးရှုတတ်ကြသူတွေပါ။ စောဒကတက်တာမျိုးတွေ တင်းကျပ်ထားတာမျိုးတွေမရှိတော့တဲ့အပြင် အဲ့ဒီအချိန်မှာ ကိုယ့်ရဲ့ဘဝလက်တွဲဖော်ကို သံသယဝင်တာမျိုးတွေ မရှိတော့ဘဲ ကိုယ်ပိုင်လွတ်လပ်ခွင့်နဲ့အချိန်တွေ ပေးတတ်တဲ့သူမျိုးတွေပါ။ သူတို့ရဲ့ပျော်ရွှင်နေတဲ့ အိမ်ထောင်ရေးမှာ သဝန်တိုမှုနဲ့ သံသယတွေက အကြီးမားဆုံး ရန်သူတွေဖြစ်တယ်ဆိုတာကို ကောင်းကောင်းကြီး နားလည်ထားကြတဲ့သူတွေက စနေသားသမီးလေးတွေပဲဖြစ်ပါကြောင်း တင်ဆက်ပေးလိုက်ရပါတယ်။




#HM

#LifestyleMyanmar

Source: timesofinia