အချစ်ဦးကိုမြေးဦးရတဲ့အထိ မမေ့နိုင်ဘူးဆိုတဲ့ ဆိုရိုးစကားအတိုင်းပါပဲ။ လူတွေအတွက်မေ့ဖို့အခက်ဆုံးအချစ်ဟာ ပထမဆုံးချစ်ခဲ့ဖူးတဲ့အချစ်ပဲဖြစ်ပါတယ်။ ဒီလိုလွယ်လွယ်မေ့လို့မရတဲ့ အကြောင်းရင်းတွေကလည်း တစ်ကယ်ကိုအများကြီးရှိပါတယ်။


အချစ်ဦးဆိုတာ များသောအားဖြင့်ငယ်ရွယ်ချိန်မှာတွေ့ခဲ့တာဖြစ်လို့ ကိုယ့်ရဲ့ပထမဆုံးဆိုတဲ့အရာတွေဟာအချစ်ဦးနှင့်ပဲစတင်ခဲ့ရတာဖြစ်ပါတယ်။ လူတွေရဲ့မှတ်ဉာဏ်က ပထမဆုံးဆိုတဲ့အရာမျိူးကိုသေချာမှတ်သားတတ်တဲ့အပြင် ပထမဆုံးအချစ်ဖြစ်တာကြောင့် သင့်အနေနှင့်အရာရာကဆန်းသစ်နေပြီးကမ္ဘာသစ်တစ်ခုကိုရောက်သွားသလိုဖြစ်နေခဲ့တာကြောင့် ပိုမှတ်မိနေတာဖြစ်ပါတယ်။


ပြီးတော့ ပထမဆုံးအချစ်ဆိုတာအချစ်တစ်ခုသက်သက်နှင့်ပဲ စတင်ခဲ့တာဖြစ်တာကြောင့် အဖြူစင်ဆုံးနှင့်အသန့်ရှင်းဆုံးအချစ်လည်းဖြစ်ပါတယ်။အချစ်ဦးဖြစ်တာကြောင့် ငယ်ရွယ်မှုရဲ့သင်္ကေတလည်းဖြစ်ပါတယ်။ ဒါ့အပြင် အချစ်ဦးနှင့်မှ အတွေ့အကြုံအသစ်တွေ ခံစားမှုအသစ်တွေကိုစတင်ခံစားခဲ့ရတာဖြစ်တာကြောင့် အရာအားလုံးရဲ့ပထမက အချစ်ဦးနှင့်ပဲသက်ဆိုင်နေတာဖြစ်ပါတယ်။


လူအများစုရဲ့ပထမဆုံးအချစ်ဟာဘယ်တော့မှပျော်ရွှင်စရာဇာတ်သိမ်းနှင့်မကြုံတွေ့ရပါဘူး။ အကြောင်းကတော့ ပထမဆုံးအချစ်ရဲ့လမ်းခွဲမှုဟာ ပတ်ဝန်းကျင် ဒါမှမဟုတ်ရင် နှစ်ယောက်သားရဲ့ပြဿနာတွေကြောင့်ဖြစ်တတ်တာဖြစ်ပါတယ်။ပြီးတော့ အချစ်ဦးကိုမမေ့နိုင်ရခြင်းအဓိကအကြောင်းရင်းတစ်ခုက အသည်းကွဲတာကိုပြင်းပြင်းထန်ထန်ခံစားဖူးတာကြောင့်လည်းဖြစ်ပါတယ်။


ပထမဆုံးအကြိမ်လမ်းခွဲမှုဟာလူတွေကိုအများကြီး နာကျင်စေတတ်ပါတယ်။ ပြီးတော့ အများကြီးလည်းရင့်ကျက်လာစေပါတယ်။ ပြီးတော့ ပထမဆုံးအချစ်ဆိုတာက လူတစ်ယောက်ရဲ့ဘဝမှာတစ်ခါသာဖြစ်နိုင်တဲ့ဖြစ်ရပ်တစ်ခုလည်းဖြစ်ပါတယ်။ ဒါကြောင့် အချစ်ဦးကိုလွယ်လွယ်မေ့နိုင်ဖို့ခက်ခဲခြင်းက လူတိုင်းအတွက်ဘာဝဖြစ်စဥ်တစ်ခုသာဖြစ်ပါတယ်။